USD 2.7315
EUR 3.1202
RUB 3.4423
თბილისი
24 ივლისი - ეს დღე ისტორიაში
თარიღი:  397

24 ივლისი — გრიგორიანული კალენდრის 205-ე დღე (ნაკიან წლებში – 206-ე დღე). წლის ბოლომდე დარჩენილია 160 დღე.

დღის მოვლენები

  • 1216 : ჩენჩიო საველი გახდა პაპი ჰონორიუს III
  • 1411 : ჰარლოს ბრძოლა — შიტლანდიელებსა და ინგლისელებს შორის ერთ-ერთი ყველაზე სისხლიანი შეტაკება.
  • 1701 : ფრანგული კოლონიების მმართველმა ანტუან კადილაკმა დაარსდა ქალაქი დეტროიტი. მოგვიანებით მისი სახელი ეწოდა ცნობილ საავტომობილო ბრენდს „კადილაკი“ რომელიც ამ ქალაქში იწარმოება.
  • 1783 : რუსეთის იმპერიასა და ქართლ-კახეთის სამეფოს შორის ხელი მოეწერა გეორგიევსკის ტრაქტატს.
  • 1847 : პირველმა კოლონისტმა-მორმონებმა დააარსეს დასახლება დიდ მარილიან ტბასთან, მოგვიანებით ის ქალაქი სოლტ-ლეიკ-სიტი გახდა.
  • 1851 : ბრიტანეთში გაუქმდა გადასახადი ფანჯრებზე.
  • 1901 : მწერალი ო ჰენრი გაათავისუფლეს ციხიდან.
  • 1911 : ჰირამ ბინგჰემმა აღმოაჩინა მაჩუ-პიქჩუ — ინკების დაკარგული ქალაქი.
  • 1923 : თურქეთმა, საბერძნეთმა და პირველ მსოფლიო ომში მონაწილე სხვა ქვეყნებმა ხელი მოაწერეს ლოზანის ხელშეკრულებას. დადგენილი იქნა თურქეთისა და საბერძნეთის დღევანდელი საზღვარი.
  • 1935 : თბილისში გაიხსნა მსოფლიოში პირველი საბავშვო რკინიგზა.
  • 1937 : თბილისში გაიმართა თბილისის „დინამოს“ პირველი საერთაშორისო შეხვედრა ბასკეთის საფეხბურთო ნაკრების წინააღმდეგ.
  • 1938 : იაპონური წარმოშობის ამერიკელმა სატორი კატომ ხსნადი ყავა გამოიგონა.
  • 1943 : მეორე მსოფლიო ომი — დაიწყო ჰამბურგის მასიური დაბომბვა ინგლისის, საფრანგეთის და აშშ-ის საჰაერო ძალების მიერ. დაიღუპა 30 000 ადამიანი.
  • 1943 : ბენიტო მუსოლინი დაატყვევეს.
  • 1968 : ე.წ. თურქი მესხების დაახლ. 7 000 დელეგატი იწყებს სამდღიან მიტინგს თბილისში, მთავრობის სახლის წინ რეაბილიტაციის მოთხოვნით.
  • 1969 : აპოლო 11 წარმატებით დაეშვა წყნარ ოკეანეში.
  • 1973 : კოსმოდრომ ბაიკონურიდან გაეშვა ხომალდი მარსი 5.
  • 1981 : იტალიაში აიკრძალა ყველა საიდუმლო საზოგადოების და მასონური ლოჟების  მოქმედება.
  • 1987 : აი-ბი-ემ-მა (IBM) გამოუშვა ოპერაციული სისტემა „დოს“-ი  „DOS“ Version 3.3
  • 1989 : თბილისში მრავალათასიანი მიტინგი აპროტესტებს საბჭოთა კავშირის პოლიტიკას და ძალადობას აფხაზეთში.
  • 2005 : ლენს არმსტრონგი ტურ დე ფრანსის ხუთგზის ჩემპიონი ხდება.

ამ დღეს დაბადებულნი

  • 1775 : ფრანსუა ვიდოკი — საფრანგეთის კრიმინალური პოლიციის დამაარსებელი
  • 1783 : სიმონ ბოლივარი — სამხრეთამერიკელი განმათავისუფლებელი (გ.1830)
  • 1802 : ალექსანდრ დიუმა — ფრანგი მწერალი
  • 1839 : პერიკლე არგიროპულო — რუსი რევოლუციონერი

ამ დღეს გარდაცვლილნი

  • 1927 : აკუტაგავა რიუნოსკე — იაპონელი მწერალი (დ.1892)
  • 1969 : ვიტოლდ გომბროვიჩი — პოლონელი მწერალი (დ.1904)
  • 2012 : ჯონ ატა მილსი — განის პრეზიდენტი (დ.1944)

მსოფლიოს ქვეყნების დღესასწაულები

  • ვანუატუ — ბავშვთა დღე.
  • ეკვადორი — სიმონ ბოლივარის დღე.

საეკლესიო დღესასწაულები

  • მართლმადიდებელი ეკლესია აღნიშნავს შემდეგი წმინდანების ხსენების დღეს:
    • ხსენება დიდმოწამე ეფემია ყოვლადქებულის სასწაულისა
    • კინდევს ხუცესი
    • ოლღა მოციქულთასწორი
  • აგრეთვე:
    • ეკვადორი : სიმონ ბოლივარის დღე
    • ვანუატუ : ბავშვთა დღე
    • ვენესუელა : სიმონ ბოლივარის დღე
თბილისი
პეკინის N6-8-ში არსებულ შიდა ეზოში საგზაო სამუშაოები მიმდინარეობს
პეკინის N6-8-ში არსებულ შიდა ეზოში საგზაო სამუშაოები მიმდინარეობს.
 
პროექტის ფარგლებში, 1 100კვ. მ ფართობზე ასფალტის ორფენიანი საფარი იგება. შედეგად, მოქალაქეებისთვის გადაადგილება უფრო კომფორტული გახდება.
 
პროექტს, საბურთალოს რაიონის კონტრაქტორი კომპანია „ელ ენდ ელ“ ახორციელებს.
 
აღნიშნულ ტერიტორიაზე „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, უკვე განხორციელდა წყლისა და წყალარინების ქსელის რეაბილიტაცია.
 
პროექტის ჯამური ღირებულება ღირებულება 406 602 ლარია.
 
მიმდინარე სამუშაოებს საბურთალოს რაიონის გამგებელი გიზო ვასაძე გაეცნო.
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.