,
.jpg)
23 მაისი — გრიგორიანული კალენდრის 143-ე დღე (ნაკიან წლებში - 144-ე დღე). წლის ბოლომდე დარჩენილია 222 დღე.
დღის მოვლენები
1430 : კამპიენისკენ გასანთავისუფლებლად ჯარის წინამძღოლი ჟანა დ'არკი ტყვედ აიყვანეს ბურგუნდიელებმა.
1533 : მეფე ჰენრი VIII და ეკატერინე არაგონელის ქორწინება გაუქმებულად გამოცხადდა.
1568 : ნიდერლანდები ესპანეთისგან დამოუკიდებლობას აცხადებს.
1592 :ინკვიზიციამ ვენეციაში დააპატიმრა ჯორდანო ბრუნო.
1788 : სამხრეთი კაროლინა გახდა აშშ-ს მე-8 შტატი.
1805 : ნაპოლეონ ბონაპარტი იტალიის მეფედ აკურთხეს მილანის საკათედრო ტაძარში.
1846 : მექსიკამ ამერიკას ომი გამოუცხადა.
1877 : რუმინეთის სამთავრომ თურქეთისგან დამოუკიდებლობა გამოაცხადა.
1904 : ვენაში დაიწყო პირველი მსოფლიო ჩემპიონატი ბერძნულ-რომაულ (კლასიკურ) ჭიდაობაში.
1911 : ნიუ-იორკის საჯარო ბიბლიოთეკა გაიხსნა.
1915 : პირველი მსოფლიო ომი - იტალია მოკავშირეებს უერთდება, მას შემდეგ რაც მათ ავსტრია-უნგრეთს ომი გამოუცხადეს.
1925 : მაუწყებლობა დაიწყო საქართველოს რადიომ.
1928 : ჩრდილოეთ პოლუსისკენ, დირიჟაბლით „იტალია“, გაემგზავრა ექსპედიცია, უმბერტო ნობილეს ხელმძღვანელობით.
1929 : მიკი მაუსის პირველი ხმოვანი მულტფილმი - Karnival Kid - გამოვიდა.
1945 : მეორე მსოფლიო ომი, სს-ის მეთაურმა ჰაინრიხ ჰიმლერმა მოკავშირეების ტყვეობაში თავი მოიკლა.
1949 : გერმანიამ მიიღო კონსტიტუცია.
1987 : საბჭოთა კავშირში შეწყვიტეს რადიო „ამერიკის ხმის“ სიგნალის ჩახშობა
1988 : მიშელ პლატინიმ დაასრულა საფეხბურთო კარიერა.
1992 : რუსეთმა, უკრაინამ, ბელარუსმა და ყაზახეთმა ხელი მოაწერეს ლისაბონის ოქმს, რომელიც შეეხება სტრატეგიული შეიარაღების შეზღუდვას.
1997 : მოჰამედ ხათამი ირანის პრეზიდენტად აირჩიეს.
2004 : ცხინვალში ჩატარდა ე.წ. სამხრეთ ოსეთის რესპუბლიკის საპარლამენტო არჩევნები.
2007 ათენში უეფას ჩემპიონთა ლიგის ფინალში მილანმა ანგარიშით 2-1 ლივერპული დაამარცხა.
2008 : ქალაქ ბრაზილიაში სამხრეთ ამერიკის ერთა კავშირი დაფუძნდა.
2009 : სამხრეთ კორეის ექს-პრეზიდენტმა რო მუ ჰიანმა თავი მოიკლა.
2011: კვიპროსის საპარლამენტო არჩევნებში დემოკრატიულმა გაერთიანებამ, ნიკოს ანასტასიადისის მეთაურობით, უმრავლესობა მოიპოვა.
ისლანდიაში ვულკანი გრიმსვეტნი ამოიფრქვა, რამაც ჩრდილოეთ ევროპაში ფრენების გაუქმება გამოიწვია.
2015 : შვედმა მომღერალმა მონს სელმერლევმა სიმღერით „Heroes“ ევროვიზია-2015-ზე გაიმარჯვა.
2017 : ბრიტანელი მსახიობი სერ როჯერ მური, რომელიც ყველაზე მეტად ცნობილია ჯეიმზ ბონდის როლით, 89 წლის ასაკში გარდაიცვალა.
2021 : იტალიური როკ-ბენდი Måneskin სიმღერით „Zitti e buoni“ ევროვიზია 2021-ის გამარჯვებული გახდა.
ამ დღეს დაბადებულნი
1707 : ლინე, კარლ — შვედი ბუნებისმეტყველი.
1891 : ლაგერკვისტი, პერ — შვედი მწერალი და დრამატურგი.
1900 : ფრანკი, ჰანს — გერმანელი იურისტი და პოლიტიკური მოღვაწე
1928 : გიორგი გიგაური — ქართველი პოეტი
1951 : კარპოვი, ანატოლი — მსოფლიოს მე-12 ჩემპიონი ჭადრაკში.
1951 : შალიკაშვილი, ვალერიან — ქართველი მსახიობი და რეჟისორი.
ამ დღეს გარდაცვლილნი
1125 : ჰაინრიხ V — გერმანიის მეფე (დ. 1081)
1524 : ისმაილ I — სპარსეთის შაჰი (დ. 1487)
1857 : კოში, ოგიუსტენ ლუი — ფრანგი მათემატიკოსი (დ. 1789)
1906 : იბსენი, ჰენრიკ — ნორვეგიელი მწერალი (დ. 1828)
1945 : ჰიმლერი, ჰაინრიხ — გერმანიის პოლიტიკური მოღვაწე (დ. 1900)
2013 : დომუხოვსკი, ვიქტორ — ქართველი ფიზიკოსი, პოლიტიკოსი, საქართველოს რესპუბლიკის უზენაესი საბჭოს დეპუტატი (დ. 1948).
2017 : მური, როჯერ — ბრიტანელი მსახიობი, ყველაზე მეტად ცნობილი ჯეიმზ ბონდის როლით (დ. 1927).
დღესასწაულები
მართლმადიდებელი ეკლესია აღნიშნავს შემდეგი წმინდანების ხსენების დღეს:
სვიმონ კანანელი
წმინდა მოწამენი: ალფიოს, ფილადელფოს, კვიპრიანე, ონისიმე, ერაზმი და მათი 14 თანამოღვაწე
ივსიხი ანტიოქიელი
ისიდორა სალოსი
ნეტარი ტაისია
აგრეთვე:
იამაიკა — შრომის დღე.
კუს მსოფლიო დღე
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
