22 ოქტომბერი - ეს დღე ისტორიაში

22 ოქტომბერი - ეს დღე ისტორიაში

170

22 ოქტომბერი — გრიგორიანული კალენდრის 295-ე დღე (ნაკიან წლებში – 296-ე დღე). წლის ბოლომდე დარჩენილია 70 დღე.

დღის მოვლენები

362 : დაფნეს აპოლონის ტაძარს, ანტიოქთან, გაურკვეველ ვითარებაში წარმოქმნილი ხანძარი ანადგურებს.
1383 : კრიზისი პორტუგალიაში - სამოქალაქო ომისა და არეულობის დასაწყისი მეფე ფერნანდოს გარდაცვალების შემდეგ პორტუგალიის სამეფო ტახტის მემკვიდრის გარეშე.
1605 : კახეთის აჯანყება, რომელმაც შეიწირა კახეთის მეფე კონსტანტინე I.
1721 : პეტრე I-მა სრულიად რუსეთის იმპერატორის წოდება მიიღო.
1797 : ანდრე-ჟაკ გარნერინის პირველი ნახტომი პარაშუტიდან დაფიქსირდა პარიზის თავზე ათასი მეტრის სიმაღლიდან.
1836 : სემ ჰიუსტონის ინაუგურაცია ტეხასის რესპუბლიკის პირველ პრეზიდენტად.
1842 : იუველირი გუსტავ ფაბერჟე სანქტ-პეტერბურგში პირველ სახელოსნო-მაღაზიას ხსნის.
1844 : დიდი იმედგაცრუების დღე - უილიამ მილერის წინასწარმეტყველების მიუხედავად ქრისტეს მეორედ მოსვლა და მსოფლიოს დასასრული არ შედგა. იმედგაცრუებული დარჩა მილერიზმის მიმდევართა უმრავლესობა.
1883 : ნიუ-იორკში მეტროპოლიტენ ოპერა გაიხსნა გუნოს ფაუსტის წარმოდგენით.
1907 : 1907-ის პანიკა - ნიკერბოკერის სატრასტო კომპანიის აქციათა ვარდნა იწვევს მოვლენათა ჯაჭვურ რეაქციას, რომელიც დასაბამს აძლევს დიდ დეპრესიას.
1953 : ლაოსი დამოუკიდებელი გახდა საფრანგეთისაგან.
1962 : კუბის ქობინთა კრიზისი - აშშ-ის პრეზიდენტი ჯონ ფ. კენედი აცხადებს, რომ ამერიკულმა ჯაშუშმა თვითმფრინავებმა აღმოაჩინეს საბჭოელების ბირთვული იარაღი კუბაზე და, რომ მან კუნძულის გარშემო სანაოსნო კარანტინი გამოაცხადა.
1964 : ჟან-პოლ სარტრი დაჯილდოვდა ნობელის პრემიით ლიტერატურის დარგში, მაგრამ უარი განაცხადა მის მიღებაზე.
1964 : კანადის მრავალპარტიული საპარლამენტო კომიტეტი ირჩვს დიზაინს, რომელიც ამ დღიდან ოფიციალურად კანადის დროშა ხდება.
1966 : სუპრიმსი ხდება პირველი ქალთა მუსიკალური ჯგუფი, რომლის ალბომმაც გაყიდვებით პირველი ადგილი დაიჭირა (The Supremes A'Go-Go).
1968 : აპოლოს პროგრამა - აპოლო 7 მშვიდობით დაეშვა ატლანტის ოკეანეში დედამიწის ირგვლივ 163-ჯერ ორბიტირების შემდეგ.
1969 : ლედ ზეპელინი გამოსცემს კლასიკურ ალბომს სახელწოდებით Led Zeppelin II, რომელშიც შევიდა ჰიტ სინგლი „Whole Lotta Love“.
1975 : საბჭოთა კოსმოსური სადგური ვენერა-9 ვენერის ზედაპირზე დაეშვა.
1975 : აშშ-ის საჰაერო ძალების ტექ. სერჟანტი ლეონარდ მატლოვიჩი, ვიეტნამის ომის დამსახურებული ვეტერანი დათხოვნილ იქნა სამხედრო სამსახურიდან ჟურნალ ტაიმის გარეკანზე საჰაერო ძალების უნიფორმით სათაურით „მე ჰომოსექსუალისტი ვარ“ გამოჩენის გამო.
1986 : აშშ პრეზიდენტი რონალდ რეიგანი ხელს აწერს კანონს „1986 წლის გადასახადთა რეფორმის აქტი“.
2008 : დონორთა კონფერენციაზე მსოფლიოს ქვეყნები საქართველოს ომისშემდგომი რეაბილიტაციისთვის $4.55 მილიარდი დოლარის გამოყოფაზე შეთანხმდნენ.
2009 :
- შვედეთის ეკლესიამ გადაწყვიტა ერთი სქესის წყვილთა ჯვრისწერა ჩაატაროს.
- კომპანიის Microsoft ოპერაციული სისტემა Windows 7 გამოვიდა.
- რუსული სამოქალაქო უფლებების საზოგადოება მემორიალი 2009 წლის სახაროვის პრემიის ლაურეატი გახდა.
2020 : ზუგდიდში ბანკის დაყაჩაღებისას შეიარაღებულმა პირმა მძევლად 18 ადამიანი აიყვანა.
2022 : იტალიის პირველი ქალი პრემიერ-მინისტრი ჯორჯა მელონი გახდა.

ამ დღეს დაბადებულნი

1197 : ჯუნტოკუ — იაპონიის იმპერატორი (გ. 1242)
1511 : რაინჰოლდი, ერაზმუს — გერმანელი ასტრონომი და მათემატიკოსი (გ. 1553)
1688 : ნადირ შაჰი — სპარსეთის შაჰი (გ. 1747)
1689 : ჟუან V — პორტუგალიის მეფე
1811 : ლისტი, ფრანც — უნგრელი კომპოზიტორი (გ. 1866)
1844 : ბერნარი, სარა — ფრანგი მსახიობი (გ. 1923)
1881 : დევისონი, კლინტონ — ამერიკელი ფიზიკოსი, ნობელის პრემიის ლაურეატი (გ. 1958)
1907 : ფოქსი, ჯიმმი — ამერიკელი ბეისბოლისტი (გ. 1967)
1913 : ბაო-დაი — ვიეტნამის იმპერატორი (გ. 1997)
1929 : იაშინი, ლევ — რუსი ფეხბურთელი (გ. 1990)
1943 : დენევი, კატრინ — ფრანგი მსახიობი
1945 : ვესტი, ლესლი — ამერიკელი მუსიკოსი
1964 : ნოღაიდელი, ზურაბ — ქართველი სახელმწიფო და პოლიტიკური მოღვაწე
1967 : გერრა, რიტა — პორტუგალიელი მომღერალი
1968 : შეგგი — იამაიკელი მუსიკოსი

ამ დღეს გარდაცვლილნი

1383 : ფერნანდუ I — პორტუგალიის მეფე (დ. 1345)
1605 : კონსტანტინე I — კახეთის მეფე (დ. 1571)
1906 : სეზანი, პოლ — ფრანგი მხატვარი (დ. 1839)
1916 : კილპინი, ჰერბერტ — ინგლისელი ფეხბურთელი (დ. 1870)
1928 : ფიშერი, ენდრიუ — ავსტრალიის მე-5 პრემიერ მინისტრი (დ. 1862)
1934 : პრიტი ბოი ფლოიდი — ამერიკელი განგსტერი (დ. 1904)
1935 : ვადაპეტი, კომიტას — სომეხი კომპოზიტორი (დ. 1869)
1978 : რაილი, ჯონ — ინგლისელი პეოტი (მოკლეს) (დ. 1937)
1979 : ბულანჟერი, ნადია — ფრანგი კომპოზიტორი და მასწავლებელი (დ. 1887)
1995 : კინგსლი ემისი — ინგლისელი მწერალი (დ. 1922)
1998 : ამბლერი, ერიკ — ინგლისელი ნოველისტი (დ. 1909)

დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:
- წმიდა მოციქული იაკობ ალფესი
- ანდრონიკე და ათანასია
- ებენტი და მაქსიმე
- პოპლია დიაკონისა
- პეტრე გალატიელი
- აბრაამი და მისი ძე ლოტი

ბიზნესი

"BM.GE": დღგ-ის გადახდისგან თავის არიდება რთულდება - რა უნდა იცოდეს ბიზნესმა ახალ რეგულაციაზე

დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.

რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.

- კონკრეტულად რას გულისხმობს ფინანსთა მინისტრის გამოცემული ახალი რეგულაცია?

- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.

- რა კრიტერიუმებით იხელმძღვანელებენ საგადასახადო ორგანოები?

- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.

- როგორ იმოქმედებს ეს ცვლილებები ბიზნესზე?

- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.

- რას ურჩევდით ბიზნესს ამ ცვლილებების გათვალისწინებით?

- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.

წყარო:https://bm.ge/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

სალომე ზურაბიშვილის განცხადება

სრულად

გიორგი კობერიძე - რა ხდება აფხაზეთში?

სრულად

ჩრდილოეთ კორეა 10 ათას სამხედროს გზავნის უკრაინის წინააღმდეგ ომში

სრულად