,
საქსტატის წინასწარი შეფასებით, 2021 წლის 10 თვეში საქართველოს ეკონომიკა წინა წლის ანალოგიურ პერიოდთან შედარებით 10.5%-ით გაიზარდა, ხოლო ოქტომბერში ეკონომიკურმა ზრდამ 6.9% შეადგინა.
მიმდინარე წლის პირველ კვარტალში ზრდის ნაცვლად 4.1%-იანი ვარდნა დაფიქსირდა, მეორე კვარტალში 28.9%-იანი ზრდა იყო, მესამე კვარტალში ზრდამ 9% შეადგინა, ოქტომბერში კი 6.9% იყო. მთავრობა წელს 10%-იან ზრდას პროგნოზირებს.
"2021 წლის ოქტომბერში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, ტრანსპორტი და დასაწყობება, ხელოვნება, გართობა და დასვენება, ელექტროენერგიის, აირის, ორთქლის და კონდიცირებული ჰაერის მიწოდება, საფინანსო და სადაზღვევო საქმიანობა, სასტუმროები და რესტორნები, ვაჭრობა. კლების ტენდენცია დაფიქსირდა მშენებლობის დარგში,"- ნათქვამია საქსტატის ანგარიშში.
ოქტომბერში საქართველოში დღგ-ის გადამხდელი საწარმოების ბრუნვამ 9.7 მილიარდი ლარი შეადგინა, რაც წინა წელთან შედარებით 25.6%-ით მეტია.
