გაზაფხულზე ყველას გვინდა განახლება. ულტრამოდური ვარცხნილობა გარეგნობის გახალისების და გარშემომყოფთა გაოცების კარგი საშუალებაა. თბილი ქუდები მომავალ ზამთრამდე შენახულია და თამამად შეიძლება მოკლე ვარცხნილობების შერჩევა. რა ვარცხნილობებია დღეს მოდაში იმის გათვალისწინებით, რომ ვარცხნილობა ადვილი მოსავლელი უნდა იყოს.
ყველა ოცნებობს კინოვარსკვლავივით ლამაზი იყოს
შეიძლება გამოიყურებოდე ბრწყინვალედ და არ დააზარალო ოჯახის ბიუჯეტი. მთავარია შეასრულო მარტივი რჩევები და თვალი ადევნო მოდურ ტენდენციებს. გთავაზობთ რამოდენიმე ვარცხნილობას, რომლებიც ნამდვილად საყურადღებოა.
კაია გერბერი. ბობი
ცეცხლოვანი ბობი კვლავ ბრუნდება! სინდი კროუფორდის ქალიშვილმა კაია გერბერმა ამ წელს უპირატესობა სითამამის და ელეგანტურობის ერთიანობას მიანიჭა. ბობი ან ბობ-კარე როგორც საშუალო სიგრძის ასე გრძელ თმასაც მოუხდება. როგორ მოვუაროთ. ერთი ვარცხნილობით შეიძლება როგორც მეამბოხის ასევე ძალიან ელეგანტური იერის შექმნა. მოცულობის მისაცემად გამოიყენეთ მუსი, ხოლო „ზღვის ტალღების“ ეფექტისთვის - სპრეი ზღვის წყლით
ჯენიფერ ლოურენსი: პიკსი
ფიქრობდნენ, რომ გრძელ, ხვეულ თმაზე უარის თქმა წერტილს დაუსვამს მსახიობის კარიერას. მაგრამ მოკლედ შეჭრილმა თმამ კიდევ უფრო მეტი სექსუალურობა შემატა მის იერს. შეიძლება ითქვას რომ ეს ვარცხნილობა აღმოჩენაა მათთვის ვისაც ყვრიმალების ხაზგასმა და სახის ვიზუალური გაახალგაზრდავება სურს.
როგორ მოვუაროთ: თმის მოსავლელად გამოიყენეთ ცვილი. შეიძლება გამოიყენოთ როგორც ჩვეულებრივი, ისე მქრქალი ცვილი თმას ზედმეტი ელვარება რომ მოვაშოროთ
შარლიზ ტერონი: პაჟი
თუ ვინმე იმსახურებს მოკლე თმის მოყვარულის სახელს, უთუოდ შარლიზ ტერონია. ცოტა ხნის წინ წითელ ხალიჩაზე თავს იწონებდა ვარცხნილობით „პაჟი“. ასეთ ფორმას საკმაოდ ფრთხილად უნდა მოექცე. არჩევანის გაკეთებისას ჯობია სპეციალისტის რჩევას ვენდოთ. ნებისმიერ შემთხვევაში შეიძლება მოვუძებნოთ შესაფერისი და ტრენდული ალტერნატივა.
როგორ მოვუაროთ: თუ მაინც გადაწყვიტეთ კარდინალური ცვლილებები, სტაილინგის საშუალებების და მრგვალი ჯაგრისის გარეშე არაფერი გამოგივათ. თმის ფაშრობისას არ დაგავიწყდეთ თერმოდაცვა.
ედი კემპბელი: განახლებული მალეტი
ეს, დევიდ ბოუენის 80-იანი წლების საკულტო ვარცხნილობის უფრო ელეგანტური ვარიატია. გადასვლა მოკლე თმიდან გრძელზე ნაკლებად მკვეთრია და ამავე დროს ქაოტური. ასეთი ვარცხნილობით მოდელი ფენდის ახალი კოლექციის პრეზენტაციაზე წარდგა. მალეტი - მოკითხვაა შორეული წარსულიდან. ვარხნილობის სტილი მუდმივ ტრანსფორმაციას განიცდის. მაგრამ ვარცხნილობაში მთავარი მისი ხალისი და მსუბუქი მინიშნებაა ანდერგრაუნდზე.
როგორ მოვუაროთ: ყოველდღიური მოვლისტვის საჭიროა ცვილის ან ზღვის წყლის შემცველი საშუალებების გამოყენება.
ჰოლი ბერი: გარსონი
წელიწადი არ გავა, რომ რომელიმე მსახიობი არ გამოჩნდეს ამ ვარცხნილობით. ენნ ჰეტეუეი, ჯენიფერ ლოურენსი და სხვა. მაგრამ ჰოლი ბერი უკვე მრავალი წელია მისი ერთგული რჩება. ვარცხნილობა ხაზს უსვამს მის ჩამოთლილ კისერს და „ქალი კატის“ ლამაზ ყვრიმალებს. „გარსონი“ უნივერსალურია ნებისმიერი ასაკისათვის. მოკლე თმა აქსესუარებზე და მაკიაჟზე აქცენტის გაკეთების საშუალებას იძლევა.
როგორ მოვუაროთ: ვარცხნილობისთვის ხაზგასმული დაუდევრობის მისაცემად მუსის და ლაქის გამოყენება დაგჭირდებათ,
ელენა პოდკამინსკაია: შეგი
ვარცხნილობის კლასიკური ვარიანტს ალექს ჩანგი ატარებს, ხოლო მის ვარიაციებს სხვა მსახიობები. შეიძლება დაამატოთ წინ მოკლედ შეჭრილი თმა ტეილორ სვიფტივით ან ელენა პოდკამინსკაიას მიბაძოთ და შეგის უფრო მოგრძო ვერსია აირჩიოთ. ვარცხნილობა თხელი თმის მქონე ქალბატონებს ურჩევან, რადგან ვარხნილობა მოცულობას მატებს. მაგრამ სქელ თმაზეც საკმაოდ ეფექტურია. შეგი ნებისმიერი სიგრძის თმას უხდება, უფრო მომგებიანად კი საშუალო სიგრძეზე გამოიყურება.
როგორ მოვუაროთ: სველი თმის ეფექტის მქონე გელის და სავარცხლის საშუელბით შეგიძლიათ ხვეული თმის ეფექტი შექმნათ.
ნადეჟდა მიხალკოვა: კარე
ნიკიტა მიხალკოვის უმცროსმა ქალიშვილმა, მსახიობმა და რეჟისორმა ამ სეზონში ჩვეული გრძელი ვარცხნილობა კარეთი შეცვალა. ნადიას მაგალითხზე ჩამს. რომ თუ თქვენ გეშინიათ მოკლე თმის - თქვენ უბრალოდ არ იცით მისი ტარება. ამ ვარცხნილობაშიც კი მსახობის ძალიან ელეგანტურად გამოიყურება.
როგორ მოვაუროთ: მარტივად! სველ თმაზე გამოიყენეთ ცოტა მუსი და ისე გაიშრეთ თმა ან ფენით ან როგორც მოგეხერხებათ. ვარსკვლავური ვარცხნილობა გარანტირებული გაქვთ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/