,
.jpg)
2020 წელში მსოფლიოს მოსახლეობა 7.837 მილიარდი გახდა. გერმანიის მსოფლიო მოსახლეობის ფონდის (DSW) მონაცემებით, მსოფლიოს მოსახლეობა, რომელიც 2020 წელს 82,3 მილიონით გაიზარდა, 2021 წელს შევა 7 მილიარდ 837 მილიონი ადამიანით.
„სამყარო რომ ყოფილიყო 100 მცხოვრიანი სოფელი, აქედან 59 იქნებოდა აზიიდან, 17 ამერიკიდან, 10 ევროპიდან, 8 ლათინური ამერიკიდან, 5 ჩრდილოეთ ამერიკიდან და ერთი კი ოკეანიიან. ასევე, ამ 100 ადამიანიდან 26 იქნებოდა 15 წელზე ნაკლები და 9 კი 64 წელს გადაცილებული. ვარაუდის მიხედვით, 2050 წლისთვის ამ სოფლის მოსახლეობა 129-მდე გაიზრდება. ამ 129 ადამიანიდან 69 იქნება აზიიდან, 33 ამერიკიდან, 10 ლათინური ამერიკიდან, 9 ევროპიდან, 5 ჩრდილოეთ ამერიკიდან და ერთი ისევ ოკეანიდან“, - ნათქვამია გერმანიის მსოფლიო მოსახლეობის ფონდის მიერ საკითხთან დაკავშირებით გავრცელებულ განცხადებაში.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
