USD 2.7599
EUR 3.0569
RUB 3.2807
Tbilisi
2 იანვარი - ეს დღე ისტორიაში
 187

2 იანვარი — გრიგორიანული კალენდრის მე-2 დღე. წლის ბოლომდე დარჩენილია 363 დღე (ნაკიან წელში - 364).

დღის მოვლენები

  • 366 : ალემანების მრავალრიცხოვანმა არმიამ გადალახა გაყინული რაინი, რომის იმპერიის დაპყრობის მიზნით.
  • 1492 : გრანადის ოკუპაციით დასრულდა ესპანეთის ქრისტიანული რეკონკისტა.
  • 1769 : გაიხსნა ლონდონის სამხატვრო აკადემია, რომლის პირველი რექტორი გახდა მხატვარი ჯოშუა რეინოლდსი.
  • 1782 : ავსტრიაში ებრაელთა მიმართ "შემწყნარებლობის აქტი" დაამტკიცეს.
  • 1788 : ჯორჯია გახდა აშშ-ს მე-4 შტატი.
  • 1793 : რუსეთმა და პრუსიამ პოლონეთი გაიყვეს.
  • 1850 : თბილისში პროფესიული ქართული თეატრის ფუძემდებლის გიორგი ერისთავის პიესა „გაყრა“”წარმოადგინეს.
  • 1818 : ბრიტანეთის სამოქალაქო ინჟინერთა საზოგადოება დაარსდა.
  • 1843 : დრეზდენში რ. ვაგნერის ოპერა „მფრინავი ჰოლანდიელის“ პრემიერა ჩატარდა.
  • 1870 : ბრუკლინის ხიდის მშენებლობა დაიწყო.
  • 1882 : ჯონ როკფელერმა მისი ნავთობმფლობელობა სტანდარდ ოილ ტრასტში გააერთიანა.
  • 1905 : რუსეთ-იაპონიის ომი — რუსეთის ფლოტი იაპონელებს ჩაბარდა პორტ-ართურთან, ჩინეთი.
  • 1926 : მუსოლინიმ დააარსა იტალიის სამეფო აკადემია.
  • 1941 : მმო : გერმანელთა დაბომბვამ მძიმედ დააზიანა ლანდაფის საკათედრო ტაძარი კარდიფში, უელსი.
  • 1942 : მმო : იაპონელებმა მანილა აიღეს.
  • 1945 : მმო: მოკავშირეთა საჰაერო ძალებმა რამდენიმეჯერ დაბომბეს ნიურნბერგი.
  • 1959 : პირველი ხელოვნური თანამგზავრი, რომელმაც მთვარეს მიაღწია, ლუნა-1 (სურათზე), გაუშვა სსრკ-მა.
  • 1998 : რუსეთმა რუბლის რეფორმა ჩაატარა ინფლაციის დასაცხრობად.

ამ დღეს დაბადებულნი

  • 1489 : ტომას კრანმერი — ინგლისის რეფორმაციისა და კენტერბერის საარქიეპისკოპოს ლიდერი
  • 1642 : მეჰმედ IV — ოსმალეთის იმპერიის სულთანი
  • 1699 : ოსმან III — ოსმალეთის იმპერიის სულთანი
  • 1837 : მილი ბალაკირევი — რუსი კომპოზიტორი
  • 1852 : აბდულჰაქ ჰამიდ თარჰანი — თურქი მწერალი
  • 1866: იოსებ ლაღიაშვილი — მოკლა თბილისის სასულიერო სემინარიის რექტორი პავლე ჩუდეცკი.
  • 1873: ტერეზა ლიზიელი — ფრანგი წმინდანი კარმელიტების ორდენიდან
  • 1884 : ჯეკ გრინველი — ინგლისელი ფეხბურთელი და მწვრთნელი
  • 1887 : დიმიტრი უზნაძე — ქართველი ფსიქოლოგი
  • 1889 : ვალერიან გაფრინდაშვილი — ქართველი პოეტი
  • 1902 : ილარიონ სიხარულიძე — ქართველი მომღერალი და ლოტბარი
  • 1905 : ვასილ ჩხაიძე — ქართველი მსახიობი
  • 1908 : ჟან გოგელი — ფრანგი გეოლოგი და გეოფიზიკოსი.
  • 1916 : რიფსიმე სიმონიანი — სომეხი მხატვარი და მოქანდაკე
  • 1920 : აიზეკ აზიმოვი — რუსი-ამერიკელი ბიოქიმიკოსი
  • 1937 : ვაჟა კაჭარავა — ქართველი ფრენბურთელი.
  • 1938: ნოდარ ახალკაცი — თბილისის საფეხბურთო კლუბ „დინამოს“ მთავარი მწვრთნელი.
  • 1938: რობერტ სმითსონი — ამერიკელი მხატვარი, ლენდ არტის წარმომადგენელი.
  • 1943: ნანა ფაჩუაშვილი — ქართველი მსახიობი
  • 1948: გივი ნოდია — ქართველი ფეხბურთელი
  • 1950 : თედო ნინიძე — ქართველი იურისტი
  • 1952: ირაკლი იმედაძე — ქართველი ფსიქოლოგი
  • 1953 : ვახტანგ გურული — ქართველი ისტორიკოსი
  • 1954 : თინათინ ლეკვეიშვილი — ქართველი მოცურავე
  • 1961 : არამ სარქისიანი — სომხეთის პრემიერ-მინისტრი
  • 1962 : გურამ ჩახვაძე — ქართველი პოლიტიკოსი
  • 1964 : არსენ ავაკოვი — უკრაინელი ბიზნესმენი
  • 1967 : ელისო ბოლქვაძე — ქართველი პიანისტი
  • 1975 : ალექსანდრ შოვკოვსკი — უკრაინელი ფეხბურთელი
  • 1978 : ქიარტან სვეინსონი — ისლანდიურ ჯგუფ Sigur Rós-ის ყოფილი კლავიშისტი.
  • 1978 : ედუარდ მამადოვი — აზერბაიჯანელი მოკრივე
  • 1981 : მაქსი როდრიგესი — არგენტინელი ფეხბურთელი
  • 1983 : კეიტ ბოსუორთი — ამერიკელი კინომსახიობი.
  • 1985 : ზაალ ელიავა — ქართველი ფეხბურთელი
  • 1986 : ლაშა მალაღურაძე — საქართველოს მორაგბეთა ეროვნული ნაკრების მორაგბე.
  • 1988 : ჯონათან ევანსი — ჩრდილოირლანდიელი ფეხბურთელი
  • 1986: ლიბორ ჰრდლიჩკა — სლოვაკი ფეხბურთელი
  • 1987: ლოიკ რემი — ფრანგი ფეხბურთელი
  • 1995 : გიორგი აბურჯანია — ქართველი ფეხბურთელი

ამ დღეს გარდაცვლილნი

  • 1926 : არაგვისპირელი, შიო — ქართველი მწერალი-ნოველისტი
  • 1938 : შმერლინგი, ოსკარ — საბჭოთა ფერმწერი და გრაფიკოსი.
  • 1954 : ასათიანი, ალექსანდრე — ქართველი პოლიტიკური და საზოგადო მოღვაწე
  • 1988 : ასათიანი, თეიმურაზ — ქართველი მოქანდაკე

დღესასწაულები

  • მართლმადიდებელი ეკლესია აღნიშნავს შემდეგი წმინდანების ხსენების დღეს:
  • მღვდელმოწამისა ეგნატე ღმერთშემოსილისა (107); ფილოგონისა, ანტიოქიელი ეპისკოპოსისა (323); დანიელისა, სერბელი მთავარეპისკოპოსისა (1338); მართლისა იოანე კრონშტადტელისა (1908).“
  • ეგნატე ღმერთშემოსილი
    • წმინდა ფილოგონი
    • წმინდა დანიელი
    • იოანე კრონშტანდტელი
    • ყრმა იოანე
  • აგრეთვე:
    • ესპანეთი : გრანადის დღე (1492-დან).
culture
«Frankfurter Allgemeine Zeitung» (გერმანია): „ქართული სამზარეულოს მრავალფეროვნება: ტრადიციული სუფრის თავისებურებები“

„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).

გთავაზობთ პუბლიკაციას შემოკლებით:

„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.

ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...

ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.

ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.

„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...

ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.

რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.

ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.

მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს  სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.

თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.

See all
Survey
ვინ გაიმარჯვებს რუსეთ - უკრაინის ომში?
Vote
By the way