14 აპრილი — გრიგორიანული კალენდრის 104-ე დღე (ნაკიან წლებში - 105–ე დღე). წლის ბოლომდე დარჩენილია 261 დღე.
დღის მოვლენები
ძვ. წ. 1282 : ბიბლიის თანახმად დაეცა იერიქონი.
ძვ. წ. 43 : ფორუმ გალორუმის ბრძოლა კეისარის მომხრეებსა და მარკუს ანტონიუსს შორის.
69 : ვიტელიუსი ამარცხებე რომის იმპერატორს ოტონს ბედრიაკუმის ბრძოლაში და ხდება იმპერატორი.
1028 : ჰენრიხ III აირჩიეს გერმანიის მეფედ.
1205 : ადრიანოპოლის ბრძოლა
1471 : ბარნეტთან ბრძოლა იორკერებსა და ლანკასტერელებს შორის.
1543 : დასრულდა ესპანური ექსპედიცია ბარტოლომეო ფერელოს მეთაურობით.
1687 : ინგლისის მეფემ ჯეიმზ II-მ თანაბარი უფლებები მიანიჭა პროტესტანტებს და კათოლიკეებს.
1801 : რუსეთის იმპერატორმა ალექსანდრე I-მა გააუქმა წამებები დაკითხვებისას.
1849 : უნგრელმა მეამბოხეებმა გამოაცხადეს უნგრეთის დამოუკიდებლობა ავსტრიისგან.
1865 : აშშს პრეზიდენტი აბრაამ ლინკოლნი სასიკვდილოდ დაჭრეს.
1894 : შედგა ედისონის კინოპროექტორის პირველი დემონსტრაცია.
1912 : ტიტანიკი დაეჯახა აისბერგს.
1978 : საქართველოს სსრ უმაღლესი საბჭოს სესიამ მიღო საქართველოს სსრ კონსტიტუცია
1978 : სახალხო მანიფესტაციებისა და პროტესტების ფონზე საქართველოს სსრ-ის უმაღლესი საბჭო და საკავშირო ხელისუფლება იძულებული გახდა საქართველოს სსრ-ის ახალ კონსტიტუციაში შეეტანა მუხლი ქართულის, როგორც სახელმწიფო ენის, შესახებ.
2009 : მსოფლიოში პირველი კლონირებული აქლემი ინჯაზის დაბადება გამოაცხადეს დუბაიში, არაბთა გაერთიანებული საამიროები.
2010 : ჩინჰაის პროვინციაში, ჩინეთში, 600-ზე მეტი ადამიანი დაიღუპა იუშუს რეგიონში მომხდარი მიწისძვრის შედეგად.
2016 : ვლადიმერ გროისმანი უკრაინის პრემიერ-მინისტრად დანიშნეს.
ამ დღეს დაბადებულნი
1908 : შტალი, ჰერმან — გერმანელი მწერალი
1941 : ფარნაოზ ჩიკვილაძე — ქართველი ძიუდოისტი
1945 : ბლეკმორი, რიჩი — ბრიტანელი გიტარისტი (ჯგუფი Blackmore's Night)
ამ დღეს გარდაცვლილნი
1759 : გეორგ ფრიდრიხ ჰენდელი — გერმანელი კომპოზიტორი
1910 : ვრუბელი, მიხეილ — რუსი მხატვარი
1917 : ზამენჰოფი, ლუდვიკ ლაზარ — ესპერანტოს შემქმნელი
1930 : ვლადიმერ მაიაკოვსკი — რუსი მწერალი
1935 : ჯუღელი, სიმონ — პროფესიონალი რევოლუციონერი
1986 : ბოვუარი, სიმონა დე — ფრანგი მწერალი
დღესასწაულები
მართლმადიდებელი ეკლესია აღნიშნავს შემდეგი წმინდანების ხსენების დღეს:
იოანე შავთელი და ევლოგი წინასწარმეტყველი
მარიამ მეგვიპტელი – მოძრავია; აღინიშნება დიდმარხვის მე-5 კვირას
გერონტი და ვასილიდი
მართალი აქაზი
ღირსი მაკარი
აგრეთვე:
საქართველო : ქართული ენის დღე
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/