ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, 569 ახალი შემთხვევიდან 207 შემთხვევა აჭარაში დადასტურდა, 168 კი თბილისში. მარინა ენდელაძის ინფორმაციით, ქვეყანაში კრიტიკულად მძიმეა 50 პაციენტი, მათგან 7 აფახაზეთის ოკუპირებული ტერიტორიიდან არის გადმოყვანილი.

„აჭარაში 207დადასტურებული შემთხვევა გვაქვს, თბილისში - 168 , იმერეთში -117 შემთხვევა დადასტურდა, გურიაში -8, მცხეთა-მთიანეთში და კახეთში 5-5 შემთხვევა გვაქვს , სამეგრელო და ზემო სვანეთში - 24, ქვემო ქართლში - 7, შიდა ქართლში - 25“, - განაცხადა მარინა ენდელაძემ.

13 ოქტომბრის 11:00 საათის მონაცემებით, ბოლო 24 საათში საქართველოში კორონავირუსით 9 პაციენტი დაიღუპა. ჯამში, ქვეყანაში 102 ადამიანია გარდაცვლილი.

როგორც  მარინა ენდელაძემ ჟურნალისტებს უთხრა, 9 ადამიანიდან 5 აჭარაში დაიღუპა, დანარჩენებზე კი აღნიშნა, რომ მონაცემები არ აქვს. მისივე ინფორმაციით, 9-ვე დაღუპულის მდგომარეობა კრიტიკული იყო.