,
11 ნოემბერი — გრიგორიანული კალენდრის 315-ე დღე (ნაკიან წლებში – 316-ე დღე). წლის ბოლომდე დარჩენილია 50 დღე.
დღის მოვლენები
1675 : გოტფრიდ ლაიბნიცმა პირველად გამოიყენა ინტეგრალი y = f(x) ფუნქციის გრაფიკის ქვეშ ფართობის გამოსათვლელად.
1843 : ჰანს კრისტიან ანდერსენის მახინჯი იხვის ჭუკი გამოქვეყნდა პირველად.
1889 : ვაშინგტონი ხდება აშშ-ის 42-ე შტატი.
1918 : პირველი მსოფლიო ომი დასრულდა - გერმანია მოკავშირეებთან დაზავებაზე აწერს ხელს კომპიენთან, საფრანგეთში.
1962 : ქუვეითის ეროვნული ასამბლეა ქუვეითის კონსტიტუციას ამტკიცებს.
1965 : როდეზია (ამჟამად ზიმბაბვე) დამოუკიდებლობას აცხადებს იან სმითის თეთრი უმცირესობის რეჟიმის მიერ.
1975 : ანგოლა პორტუგალიისგან დამოუკიდებელი ხდება.
1992 : ინგლისის ეკლესია კენჭისყრით უშვებს ქალების მღვდლად კურთხევას.
1997 : საქართველოში გაუქმდა სიკვდილით დასჯა.
2004 : მაჰმუდ აბასი პალესტინის განთავისუბლების ორგანიზაციის თავმჯდომარედ აირჩა იასირ არაფატის გარდაცვალებიდან რამდენიმე წუთში.
2004 : მერი მაკელისი ხელმეორედ აირჩა ირლანდიის პრეზიდენტის პოსტზე.
2008 : ეგვიპტეში, კაიროდან 40 კმ-ში აღმოაჩინეს 4300 წლის პირამიდა, რომელიც სავარაუდოდ დედოფალ სეშსეშეტს, ფარაონ ტეტის დედას, ეკუთვნოდა.
2009 : სამხრეთ აფრიკაში პროზავროპოდების ჯიშის დინოზავრი აარდონიქსი აღმოაჩინეს.
2019 : საპროტესტო აქციების გამო, ბოლივიის პრეზიდენტი ევო მორალესი გადადგა, პრეზიდენტის მოვალეობას სენატორი ხეანინე ანიესი ასრულებს.
ამ დღეს დაბადებულნი
1050 : ჰაინრიხ IV — გერმანიის მეფე (გ. 1106)
1155 : ალფონსო VIII — კასტილიის მეფე
1748 : კარლოს IV — ესპანეთის მეფე 1788-1808 წლებში
1821 : დოსტოევსკი, თედორე — რუსი მწერალი (გ.1881)
1869 : ვიტორიო ემანუელე III — იტალიის მეფე
1869 : მარჯორი უორდროპი — ბრიტანელი სწავლული და მთარგმნელი
1883 : ვირსალაძე, ანასტასია — ქართველი პიანისტი (გ.1968)
1897 : ლაკი ლუჩიანო — ამერიკელი განგსტერი (გ.1962)
1904 : ჰისი, ალგერ — ამერიკელი სახელმწიფო მოხელე და ჯაშუში (გ.1994)
1928 : ფუენტეს, კარლოს — მექსიკელი მწერალი
1939 : ხარანაული, ბესიკ — ქართველი მწერალი და პოეტი
1945 : ორტეგა, დანიელ — ნიკარაგუის პრეზიდენტი
1946 : ალასანია, გიული — ქართველი ისტორიკოსი, წყაროთმცოდნე
1950 : დინესკუ, მირჩე — რუმინელი პოეტი
1975 : შიუკაშვილი, ვალერიან — ქართველი პიანისტი
1962 : მური, დემი — ამერიკელი კინომსახიობი
1962 : მორისონი, ჯეიმზ — ავსტრალიელი მუსიკოსი
1973 : ვაითი, ჯეისონ — ამერიკელი მუსიკოსი (გრინ დეი)
1974 : დიკაპრიო, ლეონარდო — ამერიკელი კინომსახიობი
ამ დღეს გარდაცვლილნი
1028 : კონსტანტინე VIII — ბიზანტიის იმპერატორი
1285 : პედრო III — არაგონის მეფე
1855 : კერკეგორი, სიორენ — დანიელი ფილოსოფოსი
1955 : ასლანიშვილი, იოსებ — ქართველი ექიმი-ენდოკრინოლოგი, მთამსვლელი და საზოგადო მოღვაწე.
1975 : დობჟანსკი, თეოდოსიუს — უკრაინელი გენეტიკოსი (დ. 1900)
1979 : ტიომკინი, დიმიტრი — წარმოშობით უკრაინელი კომპოზიტორი (დ. 1894)
1984 : რევაზ ნათაძე — ქართველი მეცნიერი, ფსიქოლოგი
1999 : ტიმერმანი, ჯაკობო — არგენტინელი მწერალი და ჟურნალისტი (დ. 1923)
2004 : არაფატი, იასირ — პალესტინის ლიდერი, ნობელი მშვიდობის პრემიის ლაურეატი (დ. 1929)
2010 : დინო დე ლაურენტისი — იტალიელი პროდიუსერი.
2021 : ფრედერიკ დე კლერკი — სამხრეთ აფრიკის რესპუბლიკის ყოფილი პრეზიდენტი.
დღესასწაულები
მართლმადიდებელი ეკლესია აღნიშნავს შემდეგი წმინდანების ხსენების დღეს:
სერაპიონ ზარზმელი
ანასტასია რომაელი
ღირსი აბრაამ დაყუდებული და ნეტარი მარიამი
ღირსი ანა
კლავდიოსი, ასტერიოსი, ნეონი და თეონილა
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
