ჯანდაცვის მსოფლიო ორგანიზაციის მონაცემებით, 10 000 მოსახლეზე ექიმების რაოდენობით საქართველო მსოფლიოს ქვეყნებს შორის მეორე ადგილზეა - ამის შესახებ გამოცემა Visual Capitalist სტატიასაც აქვეყნებს, რომელშიც განხილულია ქვეყნები ექიმების ყველაზე მაღალი და დაბალი სიმჭიდროვით.

აღსანიშნავია ისიც, რომ ჯანდაცვის მუშაკთა სიმჭიდროვე ერთ-ერთი მნიშვნელოვანი საზომია, რომელსაც გაერო ითვლის - 2016 წლის ჯანმოს კვლევის თანახმად, სამედიცინო სფეროში სამუშაო ძალის გაძლიერება და გაფართოება ქვეყნის ეკონომიკას აუმჯობესებს.

რომელ ქვეყნებშია ყველაზე მეტი ექიმი 10 000 მოსახლეზე

1. ბელგია - 63.9
2. საქართველო - 56.1
3. ავსტრია - 55.1
4. ლიეტუვა - 51.3
5. ბულგარეთი - 49.0
6. ურუგვაი - 46.3
7. ისლანდია - 45.2
8. კაბო-ვერდე - 44.6
9. იტალია - 42.5
10. არგენტინა - 40.8

ამავდროულად, 8 აფრიკულ ქვეყანაში 10 000 მოსახლეზე ერთ ექიმზე ნაკლები მოდის. Africa Reports-ის ინფორმაციით, სამედიცინო სტუდენტები განათლების მისაღებად კონტინენტს ტოვებენ, თუმცა, ხშირ შემთხვევაში, უკან აღარ ბრუნდებიან.

10 ქვეყანა ყველაზე ცოტა ექიმით 10 000 მოსახლეზე

1. ეთიოპია - 1.1
2. კენია - 1.0
3. ჩადი - 0.9
4. მოზამბიკი - 0.8
5. ტოგო - 0.8
6. ერიტრეა - 0.7
7. მალავი - 0.5
8. სიერა-ლეონე - 0.4
9. გვინეა - 0.2
10. ნიგერია - 0.2

რაც შეეხებათ დიდი შვიდეულის ქვეყნებს, მათ შორის გერმანია და იტალია 10 000 მოსახლეზე 42-45 ექიმით ლიდერობენ. აშშ-ში, დიდ ბრიტანეთსა და საფრანგეთში ეს მაჩვენებელი 32-ია, იაპონიასა და კანადაში კი მათი რიცხვი შედარებით დაბალია და 10 000 მოსახლეზე 25-26-ს შეადგენს.

სალომე ხიდურელი

წყარო:https://bm.ge/