,
ვერძი (21 მარტი - 20 აპრილი)
შესაძლოა, კოლეგის არყოფნის გამო დიდი მოცულობის სამუშაოს მარტო შესრულება მოგიწიოთ, თუმცა მენეჯმენტს თქვენი ძალისხმევა შეუმჩნეველი არ დარჩება.
კურო (21 აპრილი - 21 მაისი)
ფრთხილად იყავით, რაღაცის დაკარგვის რისკი ძალიან რეალურია. ეს შეიძლება რაღაც კონკრეტული, მაგალითად, მაგიდიდან გამქრალი კალამი ან დაკარგული დოკუმენტები იყოს ან რაღაც უფრო აბსტრაქტული, მაგალითად, დაკარგული შანსი ან ავტორიტეტი იყოს. უსიამოვნების თავიდან ასაცილებლად, ეცადეთ მეტი სიფრთხილე და ყურადღება გამოიჩინოთ.
ტყუპები (22 მაისი - 21 ივნისი)
დღის განმავლობაში შესაძლებელია ნებისმიერი სიურპრიზი - ჰოროსკოპის ვარსკვლავები გაფრთხილებენ, რომ სიტუაცია მოულოდნელი მიმართულებით განვითარდება. სიურპრიზები შეიძლება სასიამოვნოც იყოს და უსიამოვნოც. ნებისმიერ შემთხვევაში, ეს დღე თქვენს ცხოვრებაში ჰაერის ახალ ნაკადს შემოიტანს.
კირჩხიბი (22 ივნისი - 22 ივლისი)
ამ დღეს შეიძლება ისეთ პრობლემას შეეჯახოთ, როგორიც ადამიანების ზედაპირულობა და უყურადღებობაა. თქვენ გარშემო მყოფები სერიოზულ საკითხებს ზედმეტად მსუბუქად აღიქვამენ და ნაჩქარევ გადაწყვეტილებებს იღებენ. საეჭვოა, რომ ვინმეს დარწმუნება და სიტუაციის შეცვლა შეძლოთ, ამიტომ მოთმინება მოიკრიბეთ - ეს ისე გჭირდებათ, როგორც არასდროს.
ლომი (23 ივლისი - 23 აგვისტო)
დრო თქვენ წინააღმდეგ მუშაობს - მთელი დღე სადღაც გარბიხართ და მაინც აგვიანებთ. სამსახურში დაგვიანება, პაემანზე დაგვიანება, პროექტის დაგვიანებით ჩაბარება - დაგვიანება ამ დღის სავიზიტო ბარათია, ამიტომ მნიშვნელოვანი საქმის დაწყება სამომავლოდ უნდა გადადოთ.
ქალწული (24 აგვისტო - 23 სექტემბერი)
გაითვალისწინეთ, რომ კამათში, ჭეშმარიტების გარდა, შეიძლება ყველაფერი დაიბადოს! სამაგიეროდ, ატმოსფერო ისე დაიძაბება, რომ ყველაზე მარტივი საქმეების მოგვარების ძალა აღარ დაგრჩებათ. გარშემომყოფების პროვოკაციების მიუხედავად, კამათსა და დებატებში არ უნდა ჩაერთოთ, რადგან თუ სიტუაცია კონტროლიდან გამოვიდა, სიტუაციის გამოსასწორებლად დიდი დრო, ნერვები და ძალა დაგჭირდებათ.
სასწორი (24 სექტემბერი - 23 ოქტომბერი)
ამ დღეს მეტი ყურადღება უნდა გამოიჩინოთ, რადგან შეიძლება გარშემომყოფთაგან ვინმემ ინიციატივა წაგართვათ. სამომავლოდ, მოვლენების განვითარება თქვენზეა დამოკიდებული. თუ პოზიციებს დათმობთ, შეიძლება ძალიან ინანოთ. ასე რომ, ჰოროსკოპის ვარსკვლავები გირჩევენ, არ მოდუნდეთ. შინაგანად მოემზადეთ, რომ კონკურენტებს ღირსეული წინააღმდეგობა გაუწიოთ.
მორიელი (24 ოქტომბერი - 22 ნოემბერი)
ამ დღეს შრომითი მიღწევებისთვის განწყობილი არ ხართ. პირიქით, მოდუნებული ხართ და მომნიშვნელოვან საქმეებსაც კი დაუდევრად ეკიდებით. ამ დღეს თქვენი ლოზუნგია - „ნუ გადადებთ ხვალისთვის, რაც შეიძლება ზეგ გააკეთო“. ასე რომ, თუ დასვენების შესაძლებლობა გაქვთ, აუცილებლად უნდა გამოიყენოთ. საქმის გაკეთებას მაინც ვერ ახერხებთ და დასვენება არ გაწყენდათ.
მშვილდოსანი (23 ნოემბერი - 21 დეკემბერი)
სამუშაო რეჟიმში შესვლა გიჭირთ, მაგრამ თუ მოახერხეთ, ძალიან ნაყოფიერი დღე გექნებათ. ჰოროსკოპის ვარსკვლავები გირჩევენ დილა ვარჯიშით დაიწყოთ და კონტრასტული შხაპით გააგრძელოთ. ეს აპათიის დაძლევაში დაგეხმარებათ.
თხის რქა (22 დეკემბერი - 20 იანვარი)
ამ დღეს დროს მაქსიმალურად აჭიანურებთ, რომ საქმის დაწყება დააგვიანოთ, მაგრამ როდესაც დაიწყებთ, მისი დასრულებისთვის გაცილებით მეტი დრო და ძალისხმევა დაგჭირდებათ, ვიდრე სხვა დროს. სავარაუდოდ, იპოვით მიზეზს, რომ საქმის დაწყება სამომავლოდ გადადოთ და სწორადაც მოიქცევით - სხვა დღეს ამას უკეთ გააკეთებთ.
მერწყული (21 იანვარი - 18 თებერვალი)
ამ დღეს სხვებისგან დამოუკიდებლად, საკუთარ თამაშს წამოიწყებთ. სიტუაცია თქვენგან პირველ რიგში, საკუთარი ინტერესების დაცვას მოითხოვს, ამიტომ სხვა ადამიანების ინტერესები ავტომატურად, მეორეხარისხოვანი გახდება. მთავარია გონივრულად და დახვეწილად იმოქმედოთ და ჭორების და ინტრიგების დონეზე არ დაეშვათ.
თევზები (19 თებერვალი - 20 მარტი)
ფიქრი იმაზე, რომ ბედნიერება ფულში კი არა, მის რაოდენობაშია, მოსვენებას არ გაძლევთ და მთელ დღეს გამდიდრების გეგმებს ადგენთ. ვარსკვლავები გაფრთხილებენ, რომ ამ გრანდიოზული პროექტების განხორციელება არ იჩქაროთ. სავარაუდოდ, თქვენი გამდიდრების გეგმები უბრალოდ ფანტაზიის ნაყოფია და რეალობასთან კავშირი არ აქვს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
