,
ყველასთვის ცნობილია, რომ მსოფლიოს უმდიდრესი ადამიანი, ილონ მასკი, ბოლო დროს, გახდა არამხოლოდ აშშ-ის ახალი პრეზიდენტის მარჯვენა ხელი, არამედ ახლად შექმნილი “სამთავრობო ეფექტიანობის დეპარტამენტის” ერთპიროვნული ხელმძღვანელი, რისთვისაც თეთრი სახლის ტერიტორიაზე საკუთარი ოფისიც კი მიიღო.
ამ თანამდებობაზე მილიარდერს საკუთარი ინტერესები აქვს, რაც $6.5-ტრილიონიანი ფედერალური ბიუჯეტის მკვეთრი შემცირებაა, მაგრამ ილონ მასკს, შესაძლოა, პირადი ინტერესებიც ჰქონდეს.
ამერიკული Bloomberg-ის დათვლებით, ილონ მასკი $438 მილიარდის ქონებას ფლობს, რომლის უდიდესი ნაწილი მსოფლიოს უდიდესი ავტომწარმოებელი კომპანიის, TESLA-ს აქციებზე მოდის. TESLA, რომლის საბაზრო კაპიტალიზაცია $1.3 ტრილიონს აღემატება, მსოფლიოს რიგით მე-8 უდიდესი კომპანიაა, ხოლო ილონ მასკი — ამ კომპანიის უდიდესი აქციონერია, რომელიც 12.8%-იან წილს ფლობს. დღევანდელი მონაცემებით, TESLA-ს ერთი აქცია დაახლოებით $412-ად ივაჭრება, ანუ ილონ მასკი, რომელიც კომპანიის დაახლოებით 411 მილიონ აქციას ფლობს, $169.4 მილიარდად შეფასებული წილის მფლობელია.
ილონ მასკთან ერთად, მსოფლიოს უდიდესი ავტომწარმოებელი კომპანიების უმსხვილეს ინვესტორებს შორის მსოფლიოს უდიდეს საინვესტიციო ფონდებს და გლობალურ ბანკებს ვხვდებით, რაც გასაგებია, რადგან ამ ტენდენციას ფაქტობრივად ყველა საჯარო კორპორაცია იმეორებს, მათ შორის ტექნოლოგიური გიგანტები. ილონ მასკის შემდეგ, TESLA-ს აქციონერებს შორის მოხვდნენ: Vanguard-ი, BlackRock-ი, State Street-ი, Geode Capital Management-ი, Capital World Investors-ი, Morgan Stanley, JPMorgan Chase-ი, ნორვეგიის ცენტრალური ბანკი და Price Associates-ი. დარჩენილ 62.85%-იან წილს სხვა ადამიანები და კომპანიები ფლობენ, რომელთა შორის ინდივიდუალური ინვესტორებიც არიან.
TESLA-ს უდიდესი ინდივიდუალური აქციონერების ჩამონათვალი, შემდეგნაირად გამოიყურება:
ილონ მასკი — 12.8%
The Vanguard Group — 7.46%
BlackRock — 6.07%
State Street Corporation — 3.48%
Geode Capital Management — 1.85%
Capital World Investors — 1.33%
Morgan Stanley — 1.25%
JPMorgan Chase & Co — 0.99%
ნორვეგიის ცენტრალური ბანკი — 0.96%
Price Associates — 0.93%
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
