,
„ვლადიმერ პუტინმა თავისი საზღვარგარეთული ვიზიტების მწირი გეოგრაფია გააფართოვა და 6 დეკემბერს ახლო აღმოსავლეთის სახელმწიფოებს ეწვია - ორ ნავთობიან ქვეყანას, რომლებთანაც რუსეთმა ახლო ურთიერთობა დაამყარა დასავლეთთან კავშირების გაწყვეტის შემდეგ, უკრაინის წინაღმდეგ ომის დაწყებასთან დაკავშირებით“, - ნათქვამია სტატიაში, რომელიც დიდი ბრიტანეთის სამაუწყებლო კომპანიის BBC-ის რუსული სამსახურის (BBC Russian) ვებ-გვერდზე გამოქვეყნდა სათაურით „პუტინი სტუმრად არაბ შეიხებთან: რატომ გადაწყვიტა საომარ მდგომარეობაში მყოფი რუსეთის პრეზიდენტმა საზღვარგარეთ წასვლა“.
გеავაზობთ პუბლიკაციის ტექსტს მცირე შემოკლებით:
ვლადიმერ პუტინი თავისი თვითმფრინავით, ოთხი ავიაგამანადგურებლის Су-35С-ის თანხლებით, ოთხშაბათს ჯერ არაბთა გაერთიანებულ საემიროებში, დუბაიში ჩაფრინდა, შემდეგ კი მეზობელ საუდის არაბეთს ეწვია. ორივე სახელმწიფო არ აღიარებს ჰააგის სისხლის სამართლის საერთაშორისო სასამართლოს იურისდიქციას, რომელმაც მარტში ორდერი გასცა რუსეთის ლიდერის დაპატიმრების მიზნით, უკრაინაში ჩადენილი სამხედრო დანაშაულობების გამო.
ვლადიმერ პუტინი უკრაინაში შეჭრის შემდეგ, ანუ 2022 წლის თებერვლიდან, რუსეთის ფარგლებიდან პრაქტიკულად არსად შორს არ გამგზავრებულა: იგი ეწვია მხოლოდ კასპიისპირა მეზობელ ირანს (სადაც მოსკოვი დრონებს ყიდულობს უკრაინის დასაბომბად), ყირგიზეთს (სადაც მონაწილეობა მიიღო დსთ-ის წევრი ქვეყნების სამიტში) და მოსაზღვრე ჩინეთს (რომელზეც ზალიან არის დამოკიდებული რუსეთის ეკონომიკა, დასავლური სანქციების გამო).
ვლდიმერ პუტინი არ წასულა BRICS+-ის სამიტზე სამხრეთ აფრიკის რესპუბლიკაში, რომელმაც ხელი მოაწერა ჰააგის სისხლის სამართლის საერთაშორისო სასამართლოს რომის სტატუტს. „ანტიდასავლელების“ „ოჯახურ ფოტოსურათზე“ ვლადიმერ პუტინის ადგილი რუსეთის საგარეო საქმეთა მინისტრმა სერგეი ლავროვმა დაიკავა.
რუსეთის პრეზიდენტის ახლო აღმოსავლური ვიზიტი მოწოდებულია იმისთვის, რომ რუსმა ლიდერმა ჩამოირეცხოს საერთაშორისო არენიდან „გარიყულის იარლიყი“ და აჩვენოს, რომ მოსკოვს ტრადიციული მეგობრების - ჩინეთის, ირანის, ჩრდილოეთ კორეისა და ბელარუსის გარდა, სხვა სერიოზული პარტნიორებიც ჰყავს.
რუსეთი ახლო აღმოსავლეთში აქტიურ მოთამაშეს წარმოადგენს - კრემლი სირიაში „ისლამურ სახელმწიფოს“ ებრძოდა და დღემდე მხარს უჭერს ბაშარ ასადის რეჟიმს, ასევე ახლო კონტაქტები აქვს პალესტინის დაჯგუფება „ჰამასთან“ და მის მთავარ სპონსორტან - ირანთან.
რაც სეეხება არაბთა გაერთიანებულ საემიროებს და საუდის არაბეთს, მათთან რუსეთს შედარებით ნაკლებად პოლიტიკური და უფრო მეტად ეკონომიკური ურთიერთობები აქვს (ნავთობი, ფინანსები და ა.შ.).
უკრაინაზე თავდასხმის შემდეგ საემიროები რუსების საქმიანი აქტიურობისა და საერთაშორისო ვაჭრობის ცენტრად გადაიქცა. რუსი ნავთობტრეიდერებმა ევროპიდან დუბაიში გადაინაცვლეს, იქიდან კი რუსეთში დასავლური სანქციებით აკრძალული ევროპული ტექნოლოგიები, პროდუქცია და ფული მდინარესავით წავიდა.
სექტემბერში გავრცელდა ინფორმაცია, რომ აშშ, დიდი ბრიტანეთი და ევროკავშირი სეშფოთებულნი არიან საემიროების გავლით რუსეტისაკენ ორმაგი დანიშნულების პროფუქციის ექსპორტით და დუბაიში გაერთიანებული დელეგაცია გაგზავნეს ამ საკითხის განსახილევლად. ოქტომბერში ვაშინგტონმა დუბაის კომპანიებს სანქციები დაუწესა რუსულ ნავთობზე ფასების ზღვრის დარღვევის გამო.
ვლადიმერ პუტინს 6 დეკემბერს გაერთიანებული საემიროების ხელმძღვანელობა დიდი პატივით დახვდა: აეროპორტიდან დუბაისაკენ მიმავალ გზის ორივე მხარეს საპატიო ყარაულის სახით, აქლემებზე და ცხენებზე ამხედრებული არაბი მეომრები იდგნენ, ცაში კი საემიროების ავიაციამ რუსული დროშის ფერები გამოსახა. მიუხედავად იმისა, რომ საემიროების პრეზიდენტი, შეიხი მუჰამედ ბენ საიდ ალ ნაჰაიანი აეროპორტში არ წავიდა საპატიო სტუმრის დასახვედრად (რაც, პრინციპში, არც იყო „პროტოკოლით“ გათვალისწინებული), ვლადიმერ პუტინმა შეხვედრიას მას მაინც მადლობა გადაუხადა „ლამაზი და მეგობრული მიღებისათვის“.
არაბმა შეიხმა რუს სტუმარს „ძვირფასი მეგობარი“ უწოდა, მათ ორივემ აღნიშნეს და შეაქეს ორმხრივი მტკიცე კაბშირები და მზარდი ვაჭრობა. შეხვედრის ღია ნაწილი ამით დასრულდა და შემდეგ მოლაპარაკება დახურულ რეჟიმში გაგრძელდა.
ეს ვიზიტი ჭირდებოდა არა მარტო ვლადიმერ პუტინს, არამედ საემიროებსაც. აბუ-დაბი ცდილობს განამტკიცოს ე.წ. „ახალი შვეიცარიის“ - ნეიტრალური და მდიდარი ქვეყნის - სტატუსი, რომელიც მსოფლიოს ბიზნესმენებისა და ფინანსისტებისათვის მიმზიდველი მაგნიტის როლს ასრულებს. საემიროები მეგობრობენ ყველა ქვეყანასთან და ამიტომაც საუკეთესო ადგილს წარმოადგენენ საერთაშორისო შეხვედრების, ბაზრობებისთვის და თუ საჭირო გახდება - სამშვიდობო მოლაპარაკებებისთვისაც.
სწორედ ამ დღეებში დუბაიში მიმდინარეობს გაეროს მთავარი კლიმატური ყოველწლიური სამიტი (СОР28), რომლისკენაც მსოფლიოს ყურადღებაა მიპყრობილი. რასაკვირველია, ამ ყურადღების ნაწილი ვლადიმერ პუტინსაც მისწვდება - მიუხედავად იმისა, რომ მისი ვიზიტი არანაირად არ არის დაკავშირებული კლიმატურ სამიტთან.
შეიხთან მოლაპარაკების სემდეგ ვლადიმერ პუტინი მეზობელ საუდის არაბეთში, ერ-რიადში გაფრინდა, სადაც იგი ფაქტიურ მმართველს, პრინც მუჰამედ ბენ სალმანს შეხვდა. მოლაპარაკება დახურულ რეჟიმში გაიმართა. მხარეებმა, როგორც ჩანს, დიდი ალბათობით, ძირითადად ნავთობზე ისაუბრეს.
რუსეთი და საუდის არაბეთი მსოფლიოში ნავთობის უდიდესი მომპოვებელი ქვეყნები არიან, აშშ-ის შემდეგ. მათზე მოდის „ოპეკ+“- ის (OPEC+) კარტელის მიერ ამოღებული ნავთობის თითქმის ნახევარი. შესაბამისად, ორივეს - რუსეთს და საუდის არაბეთს, თავიანთი ნავთობით შეუძლიათ გავლენა მოახდინონ „შავი თხევადი ოქროს“ მოპოვებისა და გასაღებაზე (ექსპორტზე), რაც რუსეთისა და საუდის არაბეთის ეკონომიკის საფუძვლებს შეადგენს.
ამჟამად OPEC+, რომელშიც 2016 წელს რუსეთიც გაწევრიანდა, ნებაყოფლობით მოიპოვებს უფრო ნაკლებ ნავთობს. ვიდრე მას შეუძლია, რათა მსოფლიო ბაზარზე ნავთობის სტაბილური ფასები და შემოსავლები შენარჩუნდეს.
დღეს დილით ვლადიმერ პუტინი საუდის არაბეთიდან, ისევ რუსული ავიაგამანადგურებლების თანხლებით, მოსკოვში დაბრუნდა, სადაც იგი თავის საერთაშორისო შეხვედრებს გააგრძელებს და უცხოელ სტუმარს, საუდის არაბეთის მთავარი მტრის და დასავლეთისაგან გარიყული ქვეყნის - ირანის პრეზიდენტს ებრაჰიმ რაისს მოელაპარაკება.
წყარო: https://www.bbc.com/russian/articles/c0w26ddwzr5o
