,
მერიკული ანალიტიკური ცენტრის, ომის შემსწავლელი ინსტიტუტის(ISW) ექსპერტთა შეფასებით, უკრაინის არმიის მიერ ხარკოვის ოლქის ქალაქ იზიუმის დაბრუნებამ ბოლო მოუღო პერსპექტივას, რომ რუსეთი დონეცკის ოლქში მიაღწევს ადრე გამოცხადებულ მიზნებს - სრულ კონტროლს დონეცკის და ლუგანსკის ოლქებზე.
ცენტრის ექსპერტთა თანახმად, უკრაინის არმიის სწრაფი კონტრშეტევის შედეგად ხარკოვის ოლქის თითქმის მთლიანად დაბრუნება რუსეთისთვის დიდი ოპერატიული მარცხია. ISW-ს შეფასებით, უკრაინის წარმატება კარგად დაგეგმვის, განხორციელების და დასავლური შეიარაღების, მათ შორის ამერიკული სარაკეტო სისტემების(HIMARS) კარგად გამოყენების შედეგია.
ამერიკელი ანალიტიკოსები ყურადღებას ამახვილებენ იმ გარემოებაზე, რომ რუსეთის შეცდომაში შესაყვანად, კიევი დიდხანს, საჯაროდ განიხილავდა და შემდეგ გამოაცხადა კიდეც კონტრშეტევა ხერსონის ოლქზე, რის გამოც, რუსეთის ჯარებმა სხვა სექტორებიდან ყურადღება ხერსონისკენ გადაიტანეს, უკრაინის შეიარაღებულმა ძალებმა კი, სწრაფი კონტრშეტევა დაიწყეს ხარკოვის ოლქის მიმართულებით.
ამასთან, როგორც ISW აღნიშნავს, უკრაინის არმიის ამჟამინდელი კონტრშეტევა ომს ვერ დაასრულებს და ის, სავარაუოდოდ, 2023 წლამდე გაგრძელდება. ამერიკელი ანალიტიკოსების შეფასებითვე, უკრაინამ შეძლო ომის მსვლელობის თავის სასარგებლოდ გარდატეხა და როგორც ჩანს, სულ უფრო მეტად განსაზღვრავს ძირითადი საბრძოლო მოქმედებების ადგილს და ხასიათს, რუსეთის რეაქცია კი, სულ უფრო ხშირად იქნება არაადეკვატური, თუ ინიციატივის დაბრუნების რაიმე საშუალებას არ გამოძებნის.
რუსეთის თავდაცვის სამინისტრომ 10 სექტემბერს დაადასტურა ბალაკლეის და იზიუმის რაიონებიდან ჯარების გაყვანა ე.წ. დონეცკის სახალხო რესპუბლიკაში, რასაც ოფიციალურად უწოდა "გადაჯგუფება" დონეცკის მიმართულებით "ძალისხმევის გასაძლიერებლად".
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
