,
კომპანია „არქიში“ აცხადებენ, რომ მიმდინარე წელს უძრავი ქონების ფასები სტაბილურად, 4-6%-ის ფარგლებში იზრდება. როგორც კომპანიის გენერალურმა დირექტორმა შიო ხეცურიანმა გადაცემა „უძრავი ქონების პროსპექტში“ საუბრისას განაცხადა, მათ პროექტებზე მოთხოვნა გასული წლის პირველი კვარტალის მონაცემებს მნიშვნელოვნად აღემატება და 67%-იან ზრდას აჩვენებს.
„არქის შემთხვევაში, მიმდინარე წლის პირველი სამი თვის მონაცემებით, 67%-იანი ზრდა გვაქვს გასული წლის ანალოგიურ პერიოდთან, რაც ნამდვილად მნიშვნელოვანი პროგრესია. ამ ზრდას, ჩვენი შეფასებით, ორი ძირითადი ფაქტორი განაპირობებს. პირველი, “არქის” მიმართ მომხმარებელთა ნდობის ზრდა, რისთვისაც მათ განსაკუთრებული მადლობა გვინდა გადავუხადოთ. და მეორე პრემიუმ კლასის პროექტებია, რომლებიც „არქიმ“ დაახლოებით ორი წლის წინ წარადგინა და დღეს უკვე მაღალი პოპულარობით სარგებლობს მომხმარებელში.
რაც შეეხება ფასების დინამიკას, ბოლო წლების განმავლობაში ფასების ზრდა შედარებით სტაბილურია და საშუალოდ 4%-დან 6%-მდე მერყეობს. ანალოგიური ზრდის მოლოდინი გვაქვს მიმდინარე წელსაც.“ - განაცხადა ხეცურიანმა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
