,
ჯეკ დორსი, ტვიტერის დამფუძნებელი აპირებს კორონავირუსთან ბრძოლაში $1 მილიარდი დოლარი გადარიცხოს- აღნიშნული დონაცია ყველაზე მასშტაბური იქნება იმ ფიზიკურ პირებს შორის, რომლებსაც გადაურიცხავთ „ნაღდი ფული“ კოვიდ 19-ის დასამარცხებლად.
„კომპანია Square-ის 1 მილიარდი დოლარის აქციებს, რაც ჩემი ქონების დაახლოებით 28%-ია, Start Small-ის ფონდში გადავრიცხავ, რათა კორონავირუსის წინააღმდეგ გლობალური დახმარება დავაფინანსო“ - განაცხადა მილიარდერმა ტვიტერის საკუთარ გვერდზე.
„აღნიშნული ქმედებას დღევანდელი საჭიროებები მოითხოვს. ვიმედოვნებ ეს ფაქტი სხვებისთვისაც საინსპირაციო საშუალება იქნება, იგივე გააკეთონ. ცხოვრება ძალიან ხანმოკლეა, მოდით გავაკეთოთ ყველაფერი რაც შეგვიძლია, რათა დავეხმაროთ ხალხს ახლა“. მისი თქმით, გადარიცხული ყოველი თანხა იქნება საჯარო.
შეგახსენებთ, რომ აქამდე კორონავირუსის წინააღმდეგ საბრძოლველად ყველაზე მასშტაბური დახმარება გაიღეს ბილლ და მელინდა გეითსებმა, რომლებმაც კოვიდ 19-ის დასამარცხებლად $ 100 მილიონი დოლარი გადარიცხეს.
