2024 წლის 6 ივნისს თურქეთის თავდაცვის სამინისტროსა და აშშ-ს მთავრობას შორის გაფორმდა ხელშეკრულება, რომელიც თურქეთისთვის 40 ერთეული F-16V Block 70 ტიპის გამანადგურებლის და დამატებითი აღჭურვილობის მიყიდვას მოიცავს.
Foreign Military Sales (FMS) ის მიხედვით კონტრაქტში შევიდა:
- 32 ერთადგილიანი F-16C Block 70
- 8 ორადგილიანი F-16D Block 70.
და 79 კომპლექტი თურქეთის საჰაერო ძალების შეიარაღებაში არსებული F-16 ების F-16V Block 70 დონეზე განახლებისათვის.
კონტრაქტის ჯამური ღირებულება დაახლოებით $23 მლრდ დოლარია,რომელიც თვითმფრინავების გარდა ასევე შეიარაღებას, სასწავლო და ტექნიკური დახმარების პაკეტების და მოდერნიზაციის სამუშაოებს მოიცავს.
DSCA ინფორმაციის თანახმად, თურქული კონტრაქტი ასევე მოიცავს:
- 16 ერთეულ AN/AAQ-33 Sniper Advanced Targeting Pod (ATP) ოპტიკური დამიზნების სისტემას.
- 952 ერთეულ ,,ჰაერ-ჰაერი" კლასის რაკეტა AIM-120C-8 AMRAAM.
- 401 ერთეულ ,,ჰაერ-ჰაერი" კლასის AIM-9X Block II Sidewinder ტიპის რაკეტებს
- 96 ერთეულ AGM-88B HARM რადარსაწინააღმდეგო რაკეტებს
- 96 ერთეულ AGM-88E AARGM რადარსაწინააღმდეგო რაკეტებს
- 2298 მართვად ბომბებს
მათ შორის:
- 864 ერთეულ GBU-39/B SDB-1
- 850 ერთეულ GBU-31 JDAM
- 200 ერთეულ GBU-31v.3 JDAM
- 384 ერთეულ GBU-32 JDAM)
და სხვადასხვა დამატებით აღჭურვილობას.
მხოლოდ ამ წლის დასაწყისში, მას შემდეგ რაც თურქეთმა,მრავალწლიანი პოლიტიკური კინკლაობის შემდეგ, რატიფიცირება მოახდინა შვედეთის ნატოში შესვლაზე, ამერიკულმა მხარემ საბოლოოდ გააფორმა შეთანხმება.
40 ახალი აწყობის F-16 (F-16V) Block 70 შეკვეთილმა ვაიპერმა 48 ერთეული F-4E ფანტომი უნდა ჩაანაცვლოს, რომელიც ჯერ კიდევ თურქეთის საჰაერო ძალების შეიარაღებაშია.
F-16V Block 70/72 მოდიფიკაცია ახლა F-16 ტიპის გამანადგურებლის ყველაზე თანამედრივე ვერსიაა და აღჭურვილია ახალი Northrop Grumman AN/APG-83 Scalable Agile Beam Radar (SABR) რადარით.
დღეისათვის ახალი აწყობის F-16V-ები შეუკვეთა:
- ტაივანმა (66 თვითმფრინავი)
- მაროკომ (24 თვითმფრინავი)
- ბაჰრეინმა (16 თვითმფრინავი)
- სლოვაკეთმა (14 თვითმფრინავი)
- ბულგარეთმა (16 თვითმფრინავი)
- იორდანიამ (12 თვითმფრინავი)
F-16V-ის სერიული წარმოება 2023 წელს Lockheed Martin-ის ქარხანაში გრინვილში (სამხრეთ კაროლინაში) დაიწყო, სადაც ამერიკულ კორპორაციას F-16-ის წარმოება ფორტ უორტის (ტეხასი) ქარხნიდან გადააქვს.
