,
საბანკო ასოციაციაში ვარაუდობენ, რომ მიმდინარე წლის ბოლომდე ლარის სესხებზე საპროცენტო განაკვეთი შემცირდება.
როგორც BMG-ის ასოციაციის პრეზიდენტმა, ალექსანდრე ძნელაძემ განუცხადა, გასულ პერიოდში სესხების გაძვირება მათ შორის იმ ფაქტორით იყო გამოწვეული, რომ ლარში სადეპოზიტო პორტფელი შედარებით ნაკლები ტემპით იზრდებოდა.
მისი განმარტებით, ბოლო პერიოდში ბაზარზე დამატებითი ლარის რესურსი გაჩნდა, მათ შორის ეროვნული ბანკის სავალუტო ინტერვენციების გამო. შესაბამისად, მოლოდინია, რომ წლის ბოლომდე საპროცენტო განაკვეთები უნდა შემცირდეს.
“წლის დასაწყისში ლარის გარკვეული დეფიციტი არსებობდა, რამაც საპროცენტო განაკვეთებზეც იქონია მცირე ზეგავლენა. თუმცა როგორც იცით, უკანასკნელ პერიოდში ეროვნულმა ბანკმა ინტერვენციები განახორციელა და უცხოური ვალუტა შეიძინა, რამაც გარკვეულწილად ლარის დამატებითი რესურსი გააჩინა ბაზარზე. ასევე სხვადასხვა მიმართულებით მოხდა ლარის გრძელვადიანი რესურსის გამოთავისუფლება, რომლის მიწოდებაც მოხდა საბანკო სექტორისთვის. თუმცა კვლავინდებურად, როგორც საერთაშორისო სავალუტო ფონდმაც განაცხადა, გამოწვევად მაინც რჩება გრძელვადიანი ლარის რესურსი შედარებით მცირე ბანკებისთვის, ვიდრე საბანკო სექტორის მსხვილი მოთამაშეებისთვის. მართალია, ივნისში მცირედით გაიზარდა საპროცენტო განაკვეთები, თუმცა ველოდებით, რომ წლის ბოლომდე კვლავინდებურად უნდა შემცირდეს განაკვეთები, რაც ბაზარზე დამატებითი ლარის რესურსის გაჩენას უკავშირდება.
[ლარის რესურსის] დეფიციტის მთავარი მიზეზი ის იყო, რომ ლარში სადეპოზიტო პორტფელის ზრდის ტემპი უფრო ნაკლები იყო, ვიდრე საკრედიტო პორტფელის იზრდებოდა. დღეის მდგომარეობით შეგვიძლია ვთქვათ, რომ საკრედიტო პორტფელის ზრდის ტემპიც აღარაა ისეთი აქტიური ზაფხულიდან და სხვადასხვა ფაქტორიდან გამომდინარე. ამიტომ წლის ბოლომდე ლარში საპროცენტო განაკვეთების უფრო შემცირებას ველით, ვიდრე ზრდას”, - განაცხადა ალექსანდრე ძნელაძემ.
წყარო: https://bm.ge/
ცნობისთვის, ბოლო ერთ წელში ლარში გაცემული სესხების საშუალო საპროცენტო განაკვეთი დაახლოებით 1.5 პროცენტული პუნქტით თითქმის 16%-მდეა გაზრდილი, ამავე პერიოდში გაძვირდა ლარის იპოთეკური სესხებიც და წელს ივნისში ამ სეგმენტის ეროვნული ვალუტის სესხების საშუალო განაკვეთმა 13%-ს გადააჭარბა.
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
