,,ჩვენს ქვეყანას უკვე აქვს ოლიმპიური სტანდარტების შესაბამისი ყინულის არენა. ინფრასტრუქტურა, რომელიც აქამდე დედაქალაქს არ ჰქონდა დღეს დასრულდა. პროექტით გათვალისწინებულია საერთაშორისო ოლიმპიური კომიტეტის ყველა მოთხოვნა, როგორც პარამეტრების, ისე საინჟინრო და უსაფრთხოების მიმართულებით. თამამად შეიძლება ითქვას, რომ აღნიშნული ობიექტი სრულად აკმაყოფილებს ყველა საერთაშორისო მოთხოვნებს, გათვალისწინებულია სხვადასხვა სპორტის სახეობის საჭირო ყველა სივრცე. რამდენიმე დღეში ყინულის არენაში უკვე ევროპის ზამთრის ახალგაზრდული ოლიმპიური ფესტივალი გაიმართება, რომელიც კიდევ ერთხელ არის თბილისის ახალი ყინულის არენის მაღალი სტანდარტის და ხარისხის აღიარება“-ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ თბილისში საერთაშორისო სტანდარტის ყინულის არენის გახსნის შემდეგ განაცხადა.
უმაღლესი დონის თბილისის ყინულის არენის შენობაში მოეწყო 60 მეტრი 30 მეტრზე ზომის ყინულის მოედანი, 700-მდე მაყურებელზე გათვლილი ტრიბუნები, სავარჯიშო, ქორეოგრაფიული, დასავენებელი, სამედიცინო, საგრიმიორო და საკონფერენციო დარბაზები, გასახდელები და სველი წერტილები, გათვალისწინებულია სივრცე კაფესთვის - მოედნის პანორამული ხედით და ავტოსადგომი.
ყინულის არენა მოემსახურება ჰოკეის, ფიგურული სრიალისა და კერლინგის სპორტის სახეობებს.
სპორტული კომპლექსი აღიჭურვა ყინულის მოედნის მოსავლელი და საპრიალებელი ორი ერთეული მანქანა-დანადგარით. იატაკის სპეციალიზებული იზოლირებული საფარის საშუალებით ყინულის გადნობის გარეშე, მოედანი მოემსახურება საზაფხულო სპორტის სახეობებსა და სხვა სახის ღონისძიებებსაც (კალათბურთი, მინი ფეხბურთი, ხელბურთი და ა.შ).
ყინულის არენის უახლესი და საერთაშორისო სტანდარტების შესაბამისი ტექნილოგიებით აღჭურვა და მონტაჟი უზრუნველყო ჩეხურმა კომპანიამ
პროექტი რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა სახელმწიფო ბიუჯეტის დაფინანსებით განახორციელა, მისმა ღირებულებამ 29.2 მილიონი ლარი შეადგინა.
2025 წლის ევროპის ზამთრის ახალგაზრდულ ფესტივალს საქართველო თებერვალში თბილისში ბაკურიანსა და ბათუმში უმასპინძლებს, ახალგაზრდული ფესტივალისთვის, რეგიონული განვითარებისა და ინფრასტრუქტურის სამინისტრომ, ბაკურიანში ბიატლონის მოედნისა და თხილამურებით რბოლის 3.5 კმ სიგრძის ტრასის მშენებლობაც დაასრულა,
