,
ამერიკულმა ტექნოლოგიურმა გიგანტმა, Google-მა 20 მილიარდი დოლარის ღირებულების ახალი ვალი აიღო, რაც კომპანიას AI რბოლაში ლიდერობის შესანარჩუნებლად სჭირდება. თუმცა ამ გარიგების ყველაზე გამორჩეული ნაწილი არა ვალის მოცულობა, არამედ ის ფაქტია, რომ ობლიგაცია 100-წლიანია.
ეს არის პირველი შემთხვევა 1997 წლის შემდეგ, როდესაც ტექნოლოგიურმა კომპანიამ ასეთი ხანგრძლივი ვადით ისესხა ფული, აქამდე მსგავსი გადაწყვეტილება Motorola-ს ჰქონდა მიღებული.
100-წლიანი ობლიგაცია არის უკიდურესად ხანგრძლივი ფინანსური ინსტრუმენტი, რომლის ძირ თანხას კომპანია მხოლოდ 2126 წელს დააბრუნებს. აქამდე ასეთ ვალს მხოლოდ სახელმწიფოები ან ძალიან სტაბილური ინსტიტუტები, მაგალითად ოქსფორდის უნივერსიტეტი, იღებდნენ.
აღსანიშნავია, რომ ინვესტორების მხრიდან ამ ობლიგაციაზე უზარმაზარი მოთხოვნა დაფიქსირდა და შეკვეთამ 100 მილიარდ დოლარს გადააჭარბა. ეს იმაზე მიანიშნებს, რომ ბაზარი Google-ს ფაქტობრივად ურყევ ციხესიმაგრედ განიხილავს, რომელიც საუკუნის შემდეგაც იქნება გადახდისუნარიანი.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
