,
ბრიტანული სამაუწყებლო კომპანია „ბი-ბი-სი“-ს (BBC) რუსულენოვანი სამსახური (BBC russian) აქვეყნებს სტატიას სათაურით „ხაფანგი დონალდ ტრამპისათვის: რატომ თვლიან კამალა ჰარისს ტელედებატებში გამარჯვებულად“.
გთავაზობთ პუბლიკაციას შემოკლებით:
აშშ-ის პრეზიდენტობის კანდიდატებს - დემოკრატ კამალა ჰარისსა და რესპუბლიკელ დონალდ ტრამპს შორის ფილადელფიაში გამართული პირდაპირი სატელევიზიო დებატების დროს, 90 წუთის განმავლობაში, მოქმედ ვიცე-პრეზიდენტს ყოფილი პრეზიდენტი წონასწორობიდან გამოჰყავდა. თუმცა ზოგადად ორივე ერთმანეთს აკრიტიკებდა და ნაკლებად ლაპარაკობდნენ თავიანთ შეცდომებზე და პოლიტიკურ პროგრამებზე.
ყველლაფერზე, მაგრამ მთავარის გარეშე
მიუხედავად დაუსრულებელი შეხლა-შემოხლისა, კანდიდატებს, ფაქტიურად არაფერი ისეთი არ უთქვამთ, რომელიც მემად, სამომავლო იდეად და სიმბოლოდ იქცეოდა, გარდა იმისა, რაც დონალდ ტრამპმა თქვა - მიგრანტები ისეთი უცნაური ხალხია, რომ ოჰაიოს შტატში მათ ამერიკელთა შინაური ცხოველების ჭამა დაიწყესო..
წინასწარი სოციოლოგიური გამოკითხვები აჩვენებს, რომ ტელემაყურებლები უპირატესობას კამალა ჰარისს აძლევენ და თვით კონსერვატორი კომენტატორებიც აღიარებენ, რომ ვიცე-პრეზიდენტი ექს-პრეზიდენტზე უფრო დამაჯერებლად გამოიყურებოდა. მაგრამ კამალა ჰარისის შტაბმა მთავარი კოზირი მოგვიანებით გაამჟღავნა: დებატების შემდეგ მომღერალ ტეილორ სვიფტს თურმე უთქვამს, რომ იგი თავის ხმას დემოკრატ კანდიდატს მისცემს.
სოციოლოგების თქმით, რომლებიც ეროვნული გამოკითხვების შედეგებს ეყრდნობიან, რომ 5 ნოემბრის საპრეზიდენტო არჩევნების შედეგს პრაქტიკულად ვერავინ ვერ იწინასწარმეტყველებს, ამიტომაც დებატები განსაკუთრებით მნიშვნელოვანია - მაყურებელთა შორის ჯერ კიდევ არიან ისეთები, რომლებსაც თავიანთი პოზიცია არ განუსაზღვრავთ.
დებატები პრეზიდენტობის ორი კანდიდატის პირველი პირადი შეხვედრაც გახლდათ - ისისნი ერთმანეთს ადრე არ შეხვედრიან, თუ არ ჩავთვლით სენატორ კამალა ჰარისის დაწრებას დონალდ ტრამპის ინუაგურაციაზე, 2017 წლის 20 იანვარს.
რბოლა, რომლის შედეგი უცნობია
დონალდ ტრამპმა კიდევ ერთხელ განაცხადა, რომ ჯო ბაიდენის ადმინისტრაცია აშშ-ის ისტორიაში ყველაზე უარესიაო. ამერიკელთა უმეტესობას შეუძლია არ დაეთანხმოს ამგვარ მკაცრ შეფასებას, მაგრამ ისიც ფაქტია, რომ სანამ დემოკრატებმა კანდიდატი არ შეცვალეს, სოცგამოკითხვებით ტრამპს ნოემბრის არჩევნებში პრეზიდენტობას უწინასწარმეტყველებდნენ. ბაიდენის ჰარისით ჩანაცვლებამ რესპუბლიკელებს პრობლემები შეუქმნა. ამჟამად მათი მთავარი ამოცანაა მიმართონ კამალა ჰარისისაკენ ის უკმაყოფილება, რაც ამერიკელებს ქვეყანაში შექმნილი სიტუაციის გამო აქვთ, განსაკუტრებით ეკონომიკაში. „კამალა ჰარისი იგივე ჯო ბაიდენია“, - განაცხადა დონალდ ტრამპმა დებატების დროს, - თუ მას ეკონომიკური სიტუაციის გამოსწორება სურს, რატომ აქამდე არ გამოასწორა?“.
და მაინც, გამოკითხულთა 63%-მა ამ დებატების შემდეგ გამარჯვება კამალა ჰარისს მიაკუთვნა. „კამალა ჰარისმა დებატებში გაიმარჯვა, - წერს გაზეთ „უოლ სთრით ჯორნელის“ „თვალსაზრისის“ განყოფილება, რომელიც ტრადიციულად მხარს რესპუბლიკელებს უჭერს, - „მაგრამ გაიმარჯვა არა თავისი პროგრამის დამაჯერებელი გადმოცემით, არამედ დონალდ ტრამპის წინააღმდეგ ხაფანგის სწორი დაგებით“.
რასაკვირველია, დებატებში გამარჯვება სულაც არ ნიშნავს არჩევნებშიც გამარჯვებას: 2016 წელს ჰილარი კლინტონის ითვლებოდა ტელედებატებში გამარჯვებულად, მაგრამ დონალდ ტრამპმა იგი უშუალოდ არჩევნებში დაამარცხა.
საგულისხმოა ისიც, რომ „ნიუ-იორკ თაიმსში“ გამოქვეყნებული სოცგამოკითხვის შედეგები მიუთითებს, რომ კამალა ჰარისზე ამერიკელების ეიფორია თანდათან სუსტდება. დონალდ ტრამპი კვლავ წინ გაიჭრა, თუმცა მხოლოდ 1%-ით.
სხვა სოციოლოგიური გამოკითხვები მოწმობენ, რომ ამომრჩევლები უპირატესობას კამალა ჰარისს აძლევენ, თუმცა სხვაობა ძალიან მცირეა. აქედან გამომდინარე, ვინ იქნება ნოემბრის არჩევნებში გამარჯვებული, ამის წინასწარმეტყველება არავის არ შეუძლია.
მაგრამ, დებატებში წარმატებული გამოსვლის გარდა, კამალა ჰარისმა 11 სექტემბერს კიდევ ერთი მნიშვნელოვანი ნაბიჯი გადადგა არჩევნებში პოტენციური გამარჯვებისაკენ. ვიცე-პრეზიდენტმა გვერდით ამოიყენა მსოფლიოში პოპულარული მომღერალი, ამერიკელი პოპ-ვარსკვლავი ტეილორ სვიფტი.
წყარო: https://www.bbc.com/russian/articles/c4gen0qz4gdo
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
