საქსტატის თანახმად, 2025 წლის პირველ კვარტალში უცხოეთიდან საქართველოში შემოსული (არა ტრანზიტული) ტვირთების მოცულობამ 751 ათასი ტონა შეადგინა. ამ ტვირთების 51% საქართველოში რუსეთის ფედერაციიდან შემოვიდა. მეორე ადგილს აზერბაიჯანი იკავებს 22%-ით, სხვა დანარჩენ ქვეყნებზე კი შემოტანილი ტვირთების ნაკადის 10-10%-ზე ნაკლები მოდის.

2025 წლის პირველ კვარტალში საქართველოს რკინიგზა 3 მილიონ ტონა ტვირთს მოემსახურა, რაც 2024 წლის ანალოგიურ პერიოდთან შედარებით 6%-ით ნაკლებია.

სარკინიგზო გადაზიდვები კომპონენტების მიხედვით ასე იყოფა:

• მთლიანი გადაზიდვები - 3 მილიონი ტონა, კლება წინა წელთან 6.7%;
• ტრანზიტი - 1.7 მილიონი ტონა, კლება წინა წელთან 8.5%;
• უცხოეთიდან საქართველოში ტვირთების შემოტანა - 751 ათასი ტონა, ზრდა წინა წელთან 13%;
• საქართველოდან უცხოეთში ტვირთების გატანა - 263 ათასი ტონა, კლება წინა წელთან 4%;
• ქვეყნის შიდა გადაზიდვები - 255 ათასი ტონა, კლება წინა წელთან 35%.

საქართველოდან უცხოეთში გაგზავნილი ტვირთებიდან (263 ათასი ტონიდან) ყველაზე მეტი ტვირთი 12.8% რუსეთში გავიდა, 9.1% სომხეთში; 8% კი ყაზახეთში.

რაც შეეხება სატრანზიტო გადაზიდვებს (1.7 მლნ ტონას) ამ ტვირთების 13.2%-ის დანიშნულების ქვეყანა თურქეთი იყო, 9.7% ნიდერლანდები, 5.3% უკრაინა, 3.8% ჩინეთი, 3.3% რუმინეთი, 2.5% იტალია, 0.8% კი აშშ-ზე მოდიოდა.

"2025 წლის I კვარტალში ტრანზიტული ტვირთის მთლიანი მოცულობის 79.8 პროცენტი სამ სასაქონლო ჯგუფზე მოდიოდა, კერძოდ: კოქსი და რაფინირებული ნავთობპროდუქტები (33.8 პროცენტი), ქიმიკატები, ქიმიური პროდუქტები და ხელოვნური ბოჭკოები (27.8 პროცენტი), ლითონის მადანი და სხვა სამთო და კარიერული პროდუქტები (18.2 პროცენტი),"- ნათქვამია საქსტატის ანგარიშში.

წყარო:https://bm.ge/