,
მთავრობამ "რიყის დოქების" საპრივატიზაციო აუქციონი ხელახლა გამოაცხადა. აუქციონზე გამოტანილი კომპლექსის საწყისი ღირებულება 71.25 მილიონი ლარია, რაც წინა აუქციონის ღირებულების ანალოგიური ფასია. წინა აუქციონი 5 მარტს დასრულდა და მასზე ამ ობიექტის შეძენით არავინ დაინტერესდა.
სახელმწიფო შესყიდვების სააგენტოს ვებგვერდის თანახმად, ახალი აუქციონი 10 დღეში უნდა დასრულდეს.
ეს "რიყის დოქების" პრივატიზებისთვის გამოცხადებული უკვე მესამე აუქციონია. პირველი აუქციონი 2020 წლის გაზაფხულზე გამოცხადდა, მაშინ ობიექტის ღირებულება 95 მილიონ ლარს შეადგენდა. აუქციონის ჩაშლიდან 1 წელში მთავრობამ ობიექტი 23.75 მილიონით უფრო იაფად გამოიტანა გასაყიდად, თუმცა ინვესტორთა ინტერესი ობიექტს არ მიუღია. მესამე აუქციონი ფასდაკლების გარეშე ცხადდება, ეს კი იმის გათვალისწინებით რომ წინა აუქციონიც 71.25 მილიონ ლარზე გამოცხადდა, ამ ობიექტის გაყიდვის ალბათობას ამცირებს. ამასთან, უცვლელია საინვესტიციო პირობაც ობიექტის შემძენმა ადგილზე 36 თვის ვადაში მრავალფუნქციური კომპლექსი უნდა მოეწყოს. პროექტის საინვესტიციო ვალდებულება 10 მილიონი ლარია.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
