BMG: რა საინვესტიციო ქონებას ფლობს საქართველოს განვითარების ფონდი

BMG: რა საინვესტიციო ქონებას ფლობს "საქართველოს განვითარების ფონდი"

Date: 548

"საქართველოს განვითარების ფონდმა" (ყოფილმა საპარტნიორო ფონდმა) საკუთარ ვებგვერდზე, კატეგორიაში "რას ვთავაზობთ" ფონდის საკუთრებაში არსებული საინვესტიციო ქონების ჩამონათვალი გამოაქვეყნა. უძრავი ქონება განლაგებულია თბილისში, ქობულეთში, ბორჯომში, კახეთსა და სხვა რეგიონებში და ისინი სხვადასხვა პროექტის განსახორციელებლად შეიძლება იქნეს გამოყენებული. ფონდი, როგორც წესი, სხვადასხვა პროექტში მონაწილეობისას იყენებს სხვადასხვა მოდელს, ეს შეიძლება იყოს წილობრივი პარტნიორობა, სესხის გარანტირება, სინდიცირებული სესხის გაცემა და სხვა. ასევე, ფონდი კონკრეტულ პროექტებში შეიძლება შევიდეს პარტნიორის სახით ისე, რომ პროექტი მის საკუთრებაში არსებულ მიწაზე განხორციელდეს და პროექტში ინვესტორს გამოსყიდვის უფლება მიეცეს.

ფონდის ვებგვერდის თანახმად, ისინი თბილისის ზღვასთან ფლობენ 1.3 მილიონი კვადრატული მეტრის საინვესტიციო უძრავ ქონებას. 19 მაისს BMG-მ სწორედ აღნიშნული უძრავი ქონების შესახებ გამოაქვეყნა სტატია სათაურით, რომ ფონდი აღნიშნული უძრავ ქონების ინვესტორებზე გაყიდვას გეგმავდა, თუმცა BMG-ის ფონდში უთხრეს, რომ ეს არ იყო სწორი, რადგან საინვესტიციო ქონების რუკაზე მათ მიერ დატანილი ობიექტები პირდაპირ არ იყიდება და საინვესტიციო პროცესი გულისხმობს მათ მიერ საინვესტიციო წინადადებების შეფასებას და აღნიშნულის საფუძველზე გადაწყვეტას, თუ რა სახით შევლენ თითოეულ პროექტში პარტნიორის სახით, მათ შორის ეს აღნიშნულ საინვესტიციო ქონებებსაც შეეხება.

"მოგეხსენებათ, საქართველოს განვითარების ფონდის დაფინანსების ერთ-ერთ ინსტრუმენტს არაფულადი თანამონაწილეობით (მათ შორის, უძრავი ქონებით) საინვესტიციო პროექტების დაფინანსება წარმოადგენს, შესაბამისად, ფონდის მფლობელობაში არსებული უძრავი ქონება გამოიყენება საინვესტიციო მიზნობრიობით. დეტალური ინფორმაცია არსებული უძრავი ქონების შესახებ განთავსებულია ფონდის ოფიციალურ ვებგვერდზე (საინვესტიციო ქონება). დაინტერესებული ინვესტორებისთვის მათი შეთავაზება სხვადასხვა ტიპის პროექტის განხორციელების მიზნით ხდება. ფონდი თავის მფლობელობაში არსებული უძრავი ქონების საინვესტიციო პროექტებში გამოყენებით, დამატებით ღირებულებას სძენს მსგავსი ტიპის აქტივებს. მნიშვნელოვანია აღინიშნოს, რომ ფონდს არ მოუხდენია მიწების რეალიზაცია საინვესტიციო პროექტის ან გარკვეული საინვესტიციო ვალდებულებების გარეშე. პროექტში უძრავი ქონებით მონაწილეობის შემთხვევაში, ფონდის თანამონაწილეობის განსაზღვრა ხდება საბაზრო და კომერციული პირობების დაცვით," - ნათქვამია ფონდის მიერ BMG-ისთვის გამოგზავნილ წერილობით პასუხში.

საქართველოს განვითარების ფონდის (ყოფილი საპარტნიორო ფონდის) საინვესტიციო ქონების ჩამონათვალი:

თბილისის ზღვა

ქონება: მიწის ნაკვეთები, რომლებიც მოიცავს ლანდშაფტ-რეკრეაციულ ზონას, საცხოვრებელ, სატყეო და ჰიდროლოგიურ ზონებს.

მდებარეობა: თბილისი, თბილისის ზღვა

საკადასტრო კოდი: 01.12.21.001.560; 01.12.21.001.539; 01.12.21.001.563; 01.12.10.007.083; 01.12.10.007.084; 01.12.10.007.081; 01.12.10.007.077; 01.12.10.007.082; 01.12.10.007.080; 01.12.10.007.079; 01.12.10.007.076;
01.12.15.001.041; 01.12.15.001.040; 01.12.15.001.034; 01.12.15.001.037;
01.12.15.001.036; 01.12.15.001.030; 01.12.15.001.032; 01.12.15.001.039;
01.12.15.001.031; 01.12.15.001.033; 01.12.15.001.035; 01.12.15.001.038;
01.12.15.001.052; 01.12.15.001.042; 01.12.15.001.050; 01.12.15.001.044;
01.12.15.001.063; 01.12.15.001.054; 01.12.15.001.043; 01.12.15.001.048;
01.12.15.001.101; 01.12.15.001.049; 01.12.15.001.046; 01.12.15.001.047;
01.12.15.001.045; 01.12.15.001.053; 01.12.15.001.055; 01.12.15.001.056;
01.12.15.001.051; 01.12.15.004.008; 01.12.15.004.005; 01.12.21.001.567;
01.12.21.001.317; 01.12.21.001.532; 01.12.21.001.284; 01.12.21.001.267;
01.12.15.004.004; 01.12.21.001.243; 01.12.21.001.348; 01.12.21.001.530;
01.12.21.001.531; 01.12.21.001.568;

მიწის ფართი: 1,275,915 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: საცხოვრებელი კომპლექსი

დიდი ლილო

ქონება: სასოფლო-სამეურნეო დანიშნულების მიწის ნაკვეთები სოფელ, დიდი ლილოს შესასვლელთან.

მდებარეობა: თბილისი, დიდი ლილო.

საკადასტრო კოდი: 81.08.18.494; 81.08.21.582; 81.08.18.495; 81.08.21.581

მიწის ფართი: 194,621 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: ინდუსტრიული გამოყენების

ოქროყანა

ქონება: არასასოფლო-სამეურნეო მიწის ნაკვეთები ოქროყანაში.

მდებარეობა: თბილისი, ოქროყანა.

საკადასტრო კოდი: 01.15.01.003.019; 01.15.01.004.013; 01.15.01.003.021

მიწის ფართი: 20 871 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: კომერციული უძრავი ქონება

აღმაშენებლის ჩრდილოეთით 381, ქობულეთი

ქონება: ვაკანტური მიწის ნაკვეთი ზღვის პირველ ზოლში ქობულეთში

მდებარეობა: ფიჭვნარის მიმდებსრედ, ქობულეთის დასაწყისში

საკადასტრო კოდი: 20.42.01.182

მიწის ფართი: 70,073 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: საყოფაცხოვრებო კომპლექსი

გეჯეთი, სენაკი

ქონება: 216,8 ჰექტარი მიწის ნაკვეთი, თევზის მოშენების 15 ტბორით

მდებარეობა: სენაკის მუნიციპალიტეტი, გეჯეთი

საკადასტრო კოდი: 44.14.23.418

მიწის ფართი: 2,168,568 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თევზის სატბორე მეურნეობა

საუკეთესო დანიშნულება: თევზის სატბორე მეურნეობა

პატარა კუხი, დედლაური, ხონი

ქონება: ვაკანტური მიწის ნაკვეთები და ერთი ძველი ფერმის ტიპის შენობა. ძირითადად სასოფლო-სამეურნეო დანიშნულების მიწის ნაკვეთები ერთწლიანი და მრავალწლიანი კულტურებისთვის

მდებარეობა: პატარა კუხი, დედლაური, ხონი

საკადასტრო კოდი: 37.06.40.007; 37.07.46.239; 37.06.32.009; 37.06.40.005; 37.06.32.037; 37.06.32.055წ

მიწის ფართი: 579 981 კვ.მ.

შენობის ფართი: 300 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: სასოფლო-სამეურნეო მიზნობრიობის

ქუთაისი, აბაშიძე- ყოფილი მთავრობის სახლი

ქონება: მიწის ნაკვეთი შენობით, ყოფილი მთავრობის სახლი

მდებარეობა: ქუთაისი

საკადასტრო კოდი: 03.01.22.164

მიწის ფართი: 10,375 კვ.მ.

შენობის ფართი: 4327,25 კვ.მ.

მესაკუთრე: საქართველოს განვითარების ფონდი

Current Use: not in use

Highest and Best Use: Shopping center

მესხეთის ქ. 16, ბორჯომი

ქონება: მიწა და შენობა, ბორჯომი-ლიკანის მიმდებარედ

მდებარეობა: ბორჯომი

საკადასტრო კოდი: 64.23.05.033; 64.23.05.030; 64.23.05.029; 64.23.05.032

მიწის ფართი: 234,425 კვ.მ.; 2,565.7კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: კომერციული უძრავი ქონება

ტყვარჩელის 55, ტყიბული

ქონება: მიწის ნაკვეთი მასზე განთავსებული ადმინისტრაციული და სამრეწველო შენობებით

მდებარეობა: ტყვარჩელი, ტყიბული.

საკადასტრო კოდი: 39.01.30.108; 39.01.30.002; 39.01.30.107

მიწის ფართი: 31 594 კვ.მ.

შენობების ფართი: 8216,73 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: ინდუსტრიული გამოყენების

ღარი, ონი

ქონება: ვაკანტური მიწის ნაკვეთები ონში

მდებარეობა: ონის მუნიციპალიტეტი

საკადასტრო კოდი: 88.11.21.114; 88.11.21.272; 88.11.21.274

მიწის ფართი: 7297 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: კომერციული უძრავი ქონება

ორთაშენი, გორი

ქონება: მიწის ნაკვეთი მასზე განთავსებული სამრეწველო და სასაწყობე შენობებით

მდებარეობა:გორი, ოთარშენი, ავტომაგისტრალთან ახლოს

საკადასტრო კოდი: 66.44.01.011

მიწის ფართი: 38 876 კვ.მ.

შენობის ფართი: 12,081,41 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: ინდუსტრიული გამოყენების

რუსთავის გზატკეცილი 17, რუსთავი

ქონება: არასასოფლო-სამეურნეო დანიშნულების მიწის ნაკვეთები

მდებარეობა: რუსთავი მიმავალ გზატკეცილთან, სენდვიჩ პანელების და სოკოს ქარხნების მიმდებარედ

საკადასტრო კოდი: 02.08.01.159; 02.08.01.122; 02.08.01.045; 02.08.01.050; 02.08.01.051

მიწის ფართი: 357 622 კვ.მ.

შენობის ფართი: 2200 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: ინდუსტრიული გამოყენების

საგარეჯოს მუნიციპალიტეტი

ქონება: ვაკანტური მიწის ნაკვეთები სოფელ პალდოსთან, ირგვლივ არის
ძირითადად სასოფლო-სამეურნეო დანიშნულების მიწის ნაკვეთები ერთწლიანი და მრავალწლიანი კულტურებისთვის

მდებარეობა: გიორგიწმინდა, საგარეჯო

საკადასტრო კოდი: 55.28.51.002.603; 55.28.51.002.602; 55.28.51.002.601; 55.28.51.000.086; 55.12.69.000.391; 55.28.51.000.132; 55.12.69.000.120; 55.12.69.000.390

მიწის ფართი: 2,117,758 კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: სასოფლო-სამეურნეო გამოყენების

ლაგოდეხის მუნიციპალიტეტი

ქონება: არასასოფლო-სამეურნეო დანიშნულების მიწის ნაკვეთი

მდებარეობა: სოფელი მაწიმი, ლაგოდეხსა და აზერბაიჯანის საზღვარს შორის, ცენტრალური გზის პირას

საკადასტრო კოდი: 54.02.51.244

მიწის ფართი: 109,137კვ.მ.

მესაკუთრე: საქართველოს განვითარების ფონდი

მიმდინარე სტატუსი: თავისუფალი

საუკეთესო დანიშნულება: კომერციული მიზნობრიობის

2025 წლის მაისში "საქართველოს განვითარების ფონდმა" მის საკუთრებაში არსებული უძრავი ქონების სარეალიზაციო ღირებულების დადგენის მიზნით, 28 ათასი ლარის კონტრაქტი გააფორმა აუდიტორულ კომპანია Moore ABC-თან, რომელსაც თბილისში, სენაკში, ბორჯომში, რუსთავსა და გარდაბანში ფონდის საკუთრებაში არსებული უძრავი ქონების შეფასება დაევალა.

https://bm.ge/

World

European Pulse-ის ახალი კვლევის თანახმად, ევროპელები აშშ-ს უფრო მეტად მიიჩნევენ საფრთხედ, ვიდრე ჩინეთს

POLITICO European Pulse-ის ახალი კვლევის თანახმად, რომელიც ევროკავშირის ექვს ძირითად ქვეყანას შორის ჩატარდა, დონალდ ტრამპის პრეზიდენტობისას, აშშ უფრო საფრთხედ აღიქმება, ვიდრე მოკავშირედ.

2025 წლის იანვარში ხელისუფლებაში დაბრუნების შემდეგ, ტრამპმა ვაშინგტონის ერთგულება ნატოს მიმართ ეჭვქვეშ დააყენა, დაიმუქრა გრენლანდიისა და კანადის ანექსიით, მოკავშირეებს ტარიფები დააკისრა და ირანთან ომი დაიწყო, რომელში მონაწილეობაზეც ევროპულმა ქვეყნებმა უარი თქვეს.

მარტში პოლონეთში, ესპანეთში, ბელგიაში, საფრანგეთში, გერმანიასა და იტალიაში გამოკითხულთა მხოლოდ 12%-მა აღიქვა ამერიკა ახლო მოკავშირედ, ხოლო 36%-მა - საფრთხედ. ამის საპირისპიროდ ჩინეთს საფრთხედ ექვსი ქვეყნის გამოკითხულთა 29%-მა აღიქვამს.

ეროვნულ დონეზე, ვაშინგტონიდან მომდინარე საფრთხე პეკინის საფრთხეს ოთხ ქვეყანაში აჭარბებს, მხოლოდ საფრანგეთსა და პოლონეთში გამოკითხულებმა ჩინეთიდან მომდინარე საფრთხე უფრო მაღალ დონედ აღიქვეს.

„აშშ-ის მიმართ შეხედულებების გამკაცრების სიგნალით, გამოკითხვამ ასევე მიუთითა ევროპული უსაფრთხოების პოლიტიკის გულში არსებულ წინააღმდეგობაზე. ამომრჩევლებს სურთ, რომ ევროპა უკეთ იყოს შეიარაღებული და უფრო თვითკმარი, რადგან აშშ-ის მიმართ ნდობა მცირდება, მაგრამ მათი მადა ქრება, თუ თავდაცვა პირად მსხვერპლს, უფრო დიდ ბიუჯეტს ან უკრაინისთვის უვადო მხარდაჭერას გულისხმობს“, - წერს გამოცემა.

POLITICO-ს კვლევის თანახმად, გამოიკვეთა ისიც, რომ რუსეთი აშკარა მტერია. მას საფრთხედ ყველა გამოკითხული ადამიანის 70% მიიჩნევს.

European Pulse-ის კვლევის მიხედვით, რომელიც POLITICO-სა და beBartlet-ისთვის Cluster17-მა ჩაატარა, 13 მარტიდან 21 მარტამდე ესპანეთში, გერმანიაში, საფრანგეთში, იტალიაში, პოლონეთსა და ბელგიაში 6 698 ევროპელი გამოიკითხა.

ესპანეთში ყველაზე ნეგატიურად იყვნენ განწყობილნი შეერთებული შტატების მიმართ და 51% ამბობდა, რომ ვაშინგტონი ევროპისთვის საფრთხეს წარმოადგენდა, რაც გამოკითხულთა შორის ყველაზე მაღალი მაჩვენებელია. მადრიდმა ლიდერობა დაიკავა ტრამპის მიერ ირანის წინააღმდეგ თებერვალში დაწყებული ომის წინააღმდეგ, რის გამოც აშშ-ის პრეზიდენტმა თავდაცვის დაბალი ხარჯების გამო ესპანეთი გაკიცხა.

იტალიაში 46% მიიჩნევს, რომ აშშ საფრთხეს წარმოადგენს. ამ პოზიციას, ბელგიელების 42% უჭერს მხარს, ფრანგ გამოკითხულთა 37% და გერმანელების 30%.

გამონაკლისი იყო პოლონეთი, რომელიც რუსეთს ესაზღვრება და აშშ-თან ალიანსს უსაფრთხოების მთავარ გარანტიად მიიჩნევს: გამოკითხულთა მხოლოდ 13%-მა თქვა, რომ აშშ საფრთხეს წარმოადგენს.

გამოკითხვამ ასევე აჩვენა მხარდაჭერა უფრო დიდი სტრატეგიული ავტონომიის მიმართ.
ექვსი ქვეყნის მასშტაბით გამოკითხულთა 76%-მა განაცხადა, რომ ისინი მხარს დაუჭერდნენ თავიანთი ქვეყნების სამხედროების გაგზავნას ნატოს მოკავშირის დასაცავად, თავდასხმის შემთხვევაში. მხარდაჭერა 81%-მდე გაიზარდა, როდესაც სცენარი ევროკავშირის წევრის დაცვას მოიცავდა. ყველა გამოკითხულ ქვეყანაში სამხედრო დახმარების მხარდაჭერა აშკარად აჭარბებდა წინააღმდეგობას.

გამოცემა წერს, რომ ზემოთ აღნიშნული კონსენსუსი მკვეთრად შესუსტდა, როდესაც საკითხი პირად ჩართულობას შეეხო. გამოკითხულთა მხოლოდ 19%-მა თქვა, რომ ისინი მზად იქნებოდნენ „იარაღი აეღოთ და ებრძოლათ“, თუ მათ ქვეყანას თავს დაესხმებოდნენ. თითქმის ნახევარი (47%) ამბობს, რომ ისინი უპირატესობას მიანიჭებენ არასაბრძოლო მოქმედებებში მონაწილეობას, როგორიცაა ლოგისტიკა, სამედიცინო დახმარება ან სამოქალაქო დაცვა. 16%-მა განაცხადა, რომ ისინი მხარს დაუჭერდნენ თავიანთ ქვეყანას პირდაპირი მონაწილეობის გარეშე, ხოლო, 12%-მა თქვა, რომ განიხილავდნენ ქვეყნის დატოვებას.

„თავდაცვის პოლიტიკურ მხარდაჭერასა და ბრძოლის ინდივიდუალურ მზაობას შორის არსებული უფსკრული ხაზს უსვამს იმ გამოწვევას, რომლის წინაშეც ევროპული მთავრობები დგანან, როდესაც ისინი თავიანთ სამხედრო ამბიციებს ზრდიან და წვევამდელების დეფიციტს ებრძვიან.

გამოკითხვამ ასევე აჩვენა, რომ ამომრჩევლები ზოგადად აღიარებენ ევროპის უფრო ძლიერი თავდაცვის პოზიციის საჭიროებას, თუმცა დაფინანსების საკითხზე მათი აზრები იყოფა. ექვსივე ქვეყანაში, 86% დაეთანხმა, რომ ევროპამ უნდა განავითაროს საკუთარი თავდაცვითი შესაძლებლობები, აქედან 56% ამ აზრს ძლიერად ეთანხმებოდა. მხარდაჭერა განსაკუთრებით მაღალი იყო პოლონეთსა და ბელგიაში (ორივეში 95%), ასევე გერმანიაში (89%).

ფართო მხარდაჭერა დაფიქსირდა უფრო ღრმა სამხედრო ინტეგრაციის მიმართ - გამოკითხულთა 69% მხარს უჭერდა საერთო ევროპული სამხედრო ძალის შექმნას, რომელიც იმოქმედებდა ეროვნული არმიების პარალელურად. მხარდაჭერა მერყეობდა 60%-დან საფრანგეთში 83%-მდე ბელგიაში“, - წერს POLITICO.

თუმცა, გამოცემა კვლევის შედეგებზე დაყრდნობით აღნიშნავს, რომ როდესაც საქმე ხარჯებს შეეხო, აზრები გაიყო.

გამოკითხვის მიხედვით, 37%-მა თქვა, რომ მათი ქვეყანა თავდაცვაზე თანხის „დაახლოებით სწორ ოდენობას“ ხარჯავს, ხოლო ზუსტად იმავე რაოდენობამ მიიჩნია, რომ ხარჯები „არ არის საკმარისი“. ამავე დროს, 22%-მა აღნიშნა, რომ მათი ქვეყანა უკვე ძალიან ბევრს ხარჯავს თავდაცვაზე.

ასევე ფართოდ იყო მხარდაჭერილი უფრო ღრმა სამხედრო ინტეგრაცია, გამოკითხულთა 69% მხარს უჭერდა საერთო ევროპული სამხედრო ძალის შექმნას, რომელიც ეროვნულ არმიებთან ერთად იმოქმედებდა. მხარდაჭერა მერყეობდა 60%-მდე საფრანგეთში, 83%-მდე ბელგიაში, თუმცა ხარჯების საკითხთან დაკავშირებით მოსაზრებები განსხვავდებოდა.

„ქვეყნების დონეზე განსხვავებები აშკარა იყო. გერმანიაში (40%), საფრანგეთში (44%) და ესპანეთში (43%) გამოკითხულთა თქმით, თავდაცვის ხარჯები უნდა გაიზარდოს. იტალიაში, 39%-მა თქვა, რომ ხარჯები ძალიან მაღალი იყო - ყველაზე მაღალი დონე გამოკითხულ ქვეყნებს შორის. პოლონეთში გამოკითხულთა უმრავლესობა (56%) მიიჩნევს, რომ მიმდინარე ხარჯების დონე დაახლოებით სწორია.
ეს შეხედულებები ზოგადად ასახავს მიმდინარე ხარჯების დონეს. პოლონეთი გეგმავს მშპ-ს 4.8%-ის დახარჯვას თავდაცვაზე წელს, რაც ნატოში ყველაზე მაღალი მაჩვენებელია და გაცილებით მეტი, ვიდრე გამოკითხულ სხვა ქვეყნებს შორის“, - წერს POLITICO.

გამოცემა აღნიშნავს, რომ მონაცემები ააშკარავებს ევროპის მიერ უკრაინის მხარდაჭერის საკითხთან დაკავშირებულ უთანხმოებას. ექვს ქვეყანაში, 34% ამბობს, რომ ევროპა საკმარის მხარდაჭერას არ უწევს უკრაინას, 31% ფიქრობს, რომ არსებული პოლიტიკა დაახლოებით სწორია, ხოლო 30% ამბობს, რომ ევროპა ზედმეტად ბევრს აკეთებს.

ეროვნულ დონეზე განსხვავებები კვლავ გამოიკვეთა. გერმანიაში, რომელიც ევროპიდან უკრაინისთვის დახმარების ყველაზე დიდი მიმწოდებელია, 45% ამბობს, რომ ევროპა საკმარისს არ აკეთებს. იტალიაში, რომელიც გამოკითხულ ექვს ქვეყანას შორის მშპ-ის ყველაზე დაბალ წილს გამოყოფს უკრაინის სამოქალაქო და სამხედრო დახმარებაზე, „კილის მხარდაჭერის ტრეკერის“ მონაცემებით, 42% ამბობს, რომ ევროპა ზედმეტად დიდ მხარდაჭერას უწევს უკრაინას. ესპანეთი და ბელგია „არასაკმარისის“ ბანაკისკენ იხრებოდნენ, ხოლო საფრანგეთში შეხედულებები უფრო თანაბრად იყო გაყოფილი.

„ამ უთანხმოების მიუხედავად, კოლექტიური თავდაცვის ვალდებულებების მხარდაჭერა მტკიცე დარჩა გამოკითხულ ყველა ქვეყანაში, განსაკუთრებით ნატოს ფარგლებში. შედეგები ასევე ეფუძნება გაწვევასა და სამოქალაქო სამსახურთან დაკავშირებულ დებატებს, რადგან მთავრობები ეძებენ სამხედრო შესაძლებლობების გაფართოების გზებს.

გერმანიაში სავალდებულო სამსახურის გარკვეული ფორმის მხარდაჭერა განსაკუთრებით მაღალი იყო. გერმანელი რესპონდენტების 3/4-ზე მეტმა (78%) მხარი დაუჭირა გაწვევის ან სამოქალაქო სამსახურის ვალდებულებების აღდგენას, რომლებიც 2011 წელს შეჩერდა. თუმცა, კოალიციაში წინააღმდეგობის გაწევის შემდეგ, გასულ წელს კანცლერმა, ფრიდრიხ მერცმა უარი თქვა სრული გაწვევის აღდგენის გეგმებზე და ამის ნაცვლად დაამტკიცა კანონპროექტი, რომელიც მიზნად ისახავდა 2031 წლისთვის ჯარის პირადი შემადგენლობის 203 000 აქტიურ სამხედრო მოსამსახურემდე გაზრდას.

მხარდაჭერა ასევე ძლიერი იყო ბელგიაში - 76%, ხოლო აზრი უფრო ორად იყოფა იტალიაში, 53% მომხრე იყო და ესპანეთში, სადაც 54% ეწინააღმდეგებოდა ამ იდეას”, - ასკვნის POLITICO.

See all

Survey

თქვენი აზრით, არის თუ არა დღეს ქვეყანაში პოლიტიკური კრიზისი?

დიახ

არა

არ მაქვს პასუხი

Vote

By the way

World

See all

ტრამპი უნგრელებს არჩევნებში ვიქტორ ორბანისთვის ხმის მიცემისკენ მოუწოდებს

See all

ისრაელი მხარს უჭერს პრეზიდენტ ტრამპის გადაწყვეტილებას, ირანის წინააღმდეგ დარტყმები ორი კვირით შეაჩეროს -შეთანხმება ლიბანს არ მოიცავს

See all