საქართველოს უძრავი ქონების გაყიდვებში ისრაელის მოქალაქეების წილი იზრდება. galt & taggart -ის თბილისის უძრავი ქონების ბაზრის ანალიზის მიხედვით, მიმდინარე წლის 4 თვეში მათმა რაოდენობამ ჯამური გაყიდვების 11% შეადგინა. მსგავსია მაჩვენებლები ბათუმის უძრავი ქონების პირველადი ბაზრის შემთხვევაშიც. 2024 წლის მონაცემებზე დაყრდნობით კი მათი წილი 10%-ის ფარგლებში იყო.

საინვესტიციო ბანკში წინა გამოცდილებაზე დაყრდნობით ამბობენ, რომ საომარი მოქმედებების ფონზე შესაძლოა არათუ კლება, არამედ ბაზრის ზრდაც ვიხილოთ, რაც როგორც გასაყიდ, ისე გასაქირავებელ უძრავ ქონებაზე მოთხოვნას დაასტიმულირებს.

„ისრაელიდან წამოსული მოთხოვნა ქართული უძრავი ქონების ბაზარზე მნიშვნელოვან როლს თამაშობს. საერთო გაყიდვებში 2024 წელს ახალ ბინებში მათი წილი თბილისსა და ბათუმში 10-10%-იანი იყო, რაც ნიშნავს რომ დეველოპრებისთვის საკმაოდ საინტერესო მყიდველების სეგმენტია.

იყო მოლოდინი, რომ 2023 წელის ბოლოს იქ განვითარებული მოვლენების შემდეგ მოთხოვნა შემცირდებოდა, თუმცა სინამდვილეში საპირისპირო ტენდენცია დავინახეთ. მათ დაიწყეს ალტერნატიული ბაზრების ძიება საინვესტიციოდ და საქართველო სწორედ ასეთია მათთვის. ნაცნობი სექტორი და ქვეყანაა, კომფორტულად გრძნობენ თავს და ეს აქტივობა ამით იხსნება.

დღეს მიმდინარე მოვლენების და ზოგადი გეოპოლიტიკური როლის გათვალისწინებით რთულია პროგნოზის გაკეთება, თუმცა არ არის გამორიცხული რომ ზრდა შენარჩუნდეს და შესყიდვებში მაღალი წილი დაიჭიროს ამ ქვეყანამ“, - განაცხადა bmg-თან Galt & Taggart-ის ასოცირებულმა მკვლევარმა ზუკა თავყელიშვილმა.

წყარო:https://bm.ge/n