,
ისრაელის პრემიერ-მინისტრის კანცელარია იუწყება, რომ რუსეთის პრეზიდენტმა ვლადიმირ პუტინმა საგარეო საქმეთა მინისტრის სერგეი ლავროვის განცხადების გამო, რომელიც ჰიტლერსა და ებრაელებს ეხებოდა, ბოდიში მოიხადა.
„პრემიერმა მიიღო პრეზიდენტ პუტინის ბოდიში ლავროვის კომენტარის გამო და მადლობა გადაუხადა მას დამოკიდებულების გარკვევისთვის ებრაელი ხალხისა და ჰოლოკოსტის ხსოვნისადმი“, - ნათქვამია ბენეტის ოფისის ოფიციალურ განცხადებაში.
მანამდე ცნობილი გახდა, რომ ვლადიმირ პუტინის ადმინისტრაციამ გამოაქვეყნა საკუთარი ვერსია სატელეფონო საუბრისა, რომელშიც არაფერი იყო ნათქვამი ბოდიშის შესახებ.
კრემლის ცნობით, პუტინმა და ბენეტმა განიხილეს უკრაინაში არსებული ვითარება, მათ შორის "აზოვსტალის" ქარხნის ტერიტორიიდან მშვიდობიანი მოსახლეობის ევაკუაციის საკითხი. პუტინმა განაცხადა, რომ რუსი სამხედროები მზად არიან უზრუნველყონ მშვიდობიანი მოსახლეობის უსაფრთხო გასვლა "აზოვსტალიდან". კრემლის ინფორმაციით, პუტინმა ხაზგასმით აღნიშნა, რომ კიევმა უნდა უბრძანოს „ბოევიკებს იარაღის დაყრა“.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
