USD 2.7000
EUR 3.1450
RUB 3.3636
Тбилиси
მსოფლიოს კალათბურთის ლეგენდა, 41 წლის კობი ბრაიანტი ვერტმფრენის ჩამოვარდნის შედეგად დაიღუპა.
дата:  1501
მსოფლიოს კალათბურთის ლეგენდა, 41 წლის კობი ბრაიანტი ვერტმფრენის ჩამოვარდნის შედეგად დაიღუპა. 

ბრაიანტის საკუთარი ვერტმფრენი კალიფორნიის შტატის ქალაქ კალაბასის მახლობლად ჩამოვარდა და საფრენ აპარატში მყოფი ხუთივე ადამიანი დაიღუპა, მათ შორის კობი ბრაიანტის 13 წლის ქალიშვილი

ვერტმფრენში კობის მეუღლე ვანესა არ იმყოფებოდა.

ჩამოვარდნის შემდეგ ვერტმფრენს ცეცხლი გაუჩნდა და შემთხვევის ადგილზე მისულმა მაშველებმა ვერავის გადარჩენა ვერ მოახერხეს.

ბრაიანტმა კარიერა 2016 წელს დაასრულა. მან 18-ჯერ მიიღო მონაწილეობა  NBA-ს ვარსკვლავთა მატჩში და აქედან 17-ჯერ ზიდიზედ. ის 5-ჯერ გახდა ჩემპიონი და

 

2-ჯერ ფინალური სერიის MVP.

კობი მთელი კარიერის მანძილზე - 1996-2016 წლებში "ლოს ანჟელეს ლეიკერსის" ღირსებას იცავდა.

კობი ბრაიანტის გარდაცვალებას, რომელმაც მთელი მსოფლიო შეძრა, სოციალურ ქსელში ეხმაურებიან ფეხბურთისა და კალათბურთის ლეგენდები.

„სიტყვებით ვერ გამოვხატავ... ჩემი უდიდესი სიყვარული კობის ოჯახის წევრებისა და მეგობრების მიმართ. ჩემთვის უდიდესი სიამოვნება იყო შენთან შეხვედრა და დროის ერთად გატარება. შენ იმ იშვიათ ადამიანთა შორის იყავი, რომლებიც გენიოსები არიან“ ,- განაცხადა ლიონელ მესიმ.

„ ძალზე შეძრწუნებული ვარ კობისა და მისი ქალიშვილის გარდაცვალების გამო. კობი ნამდვილი ლეგენდა და ბევრი ადამიანისთვის შთაგონების წყარო იყო. ვუსამძიმრებ მის ოჯახს, მეგობრებს და თითოეულ ადამიანის ოჯახს, რომლებიც მასთან ერთად ავიაკატასტროფაში დაიღუპნენ. მშვიდად განისვენე ლეგენდავ“ ,- დაწერა სოციალურ ქსელში კრიშტიანო რონალდომ.

„ არ არსებობს სიტყვები, რომლითაც გამოვხატავ ტკივილს მომხდარ ტრაგედიაზე ჩემი ძმისშვილი ჯიჯისა და ძმის, კობი ბრაიანტის გარდაცვალების გამო. ძალიან მიყვარხარ და მომენატრები ძმაო. სამძიმარს ვუცხადებ გარდაცვლილთა ოჯახებს. ძალზე მძიმედ ვარ“ ,- აცხადებს ლოს ანჯელეს ლეიკერსის ყოფილი კალათბურთელი, შაკილ ონილი.

ბრაიანტი ყოფილი თანაგუნდელი აცხადებს, რომ კობი უფრო მეტი იყო ვიდრე ათლეტი- „ იგი ოჯახის კაცი იყო. ეს იყო ყველაზე მნიშვნელოვანი საერთო , რაც გვქონდა ერთმანეთთა. ის ჩემს შვილებს ისე ეხუტებოდა , თითქოს მათი მშობელი ყოფილიყო“

Тбилиси
ლოტკინისა და ზღვისუბნის დასახლებებში რეკრეაციული სივრცეები მოეწყობა

ნაძალადევის რაიონს რეკრეაციული სივრცეები შეემატება, - განაცხადა დედაქალაქის მერმა კახა კალაძემ მთავრობის სხდომაზე და აღნიშნა, რომ შესაბამისი სამუშაოები ლოტკინის დასახლებაში, ხუდადოვის ქ. N102-თან განხორციელდება.

მისი თქმით, ინფრასტრუქტურული და გამწვანების სამუშაოები ნახევარ ჰექტარ ფართობ ტერიტორიაზე შესრულდება.

„მოეწყობა სპორტული მოედანი, დამონტაჟდება საბავშვო-გასართობი ატრაქციონები, მოსასვენებელი სივრცეები, ტრენაჟორები და ვიდეომონიტორინგის კამერები. ჩატარდება გამწვანების სამუშაოები და დაირგვება სხვადასხვა სახეობის ხე-მცენარე. ტენდერი უახლოეს დღეებში გამოცხადდება, რომლის დასრულებისთანავე გამარჯვებული კომპანია სამუშაოებს დაიწყებს. პროექტის განსახორციელებლად ადგილობრივი ბიუჯეტიდან 1 800 000 ლარი გამოიყოფა“, - განაცხადა კახა კალაძემ.

თბილისის მერის ინფორმაციით, კიდევ ერთი სკვერი ზღვისუბნის დასახლებაში, მე-3 მიკრორაიონში, მე-5 კვარტლის N25 კორპუსის მიმდებარედ მოეწყობა.

„აღნიშნული ტერიტორიაც სრულად მოწესრიგდება. ჩატარდება გამწვანების სამუშაოები, მოეწყობა სარწყავი სისტემა, განათების ქსელი, დამონტაჟდება საბავშვო ატრაქციონები და მოსასვენებელი სივრცეები. რა თქმა უნდა, განთავსდება სკვერისთვის საჭირო ყველა სხვა ინფრაქტრუქტურა. არაფერი უხდება ჩვენს დედაქალაქს ისე, როგორც მწვანე სივრცეები. შესაბამისად, მომდევნო წლების განმავლობაში ბევრ საინტერესო პროექტს შევთავაზებთ დედაქალაქის მოსახლეობას“, - აღნიშნა დედაქალაქის მერმა.

მისი თქმით, პროექტის განსახორციელებლად ადგილობრივი ბიუჯეტიდან, დაახლოებით, 1 200 000 ლარი დაიხარჯება.

более
голосование
ვინ გაიმარჯვებს რუსეთ - უკრაინის ომში?
голосование
Кстати