,
WTI მარკის ნავთობის მაისის ფიუჩერსების ფასი ბარელზე ერთ დოლარამდე დაეცა, ამის შესახებ მონაცემები ICE სავაჭრო პლატფორმაზე ვრცელდება. მაისის ფიუჩერსული ფასი 90%-ზე მეტით დაეცა. დღემდე, ისტორიულად ყველაზე დაბალი ფასი ბარელზე 9,75 $ იყო.
კოროვირუსული პანდემიის გამო, ნედლეულზე მოთხოვნილება რეკორდულად შემცირდა. ნავთობის ფასები ასევე მნიშვნელოვნად დაეცა "OPEC+"–ის წევრების უუნარობის გამო, მათ ვერ მოახერხეს შეთანხმება გარიგების გახანგრძლივებაზე და წარმოების პარამეტრების შემცირებაზე.
მას შემდეგ, რაც აპრილში მხარეეები შეთანხმდნენ, ბარელზე ნავთობის ფასი ნელ-ნელა იზრდებოდა. "OPEC+" -ის მონაწილეები საბოლოოდ შეთანხმდნენ, რომ მაისში-ივნისში ნავთობის წარმოება შემცირდებოდა 9,7 მილიონი ბარელით დღეში, მომავალში კი ეს მოცულობა 7,7 მილიონ ბარელამდე დავიდოდა.
თუმცა როგორც ჩანს ამ შეთანხმების მიუხედავად, კორონავირუსის პანდემიის გამო მოთხოვნა იმდენად დაბალია, რომ დღევანდელი გარიგების შემდეგ ექსპერტები ვარაუდობენ, რომ ბარელზე ფასმა შეიძლება "მინუსის" ბარიერიც გადალახოს. საქმე ეხება მაისის კონტრაქტებს, რომლებითაც ვაჭრობა მხოლოდ სამშაბათამდე ანუ ხვალამდეა შესაძლებელი და ტრეიდერების ცდილობენ მათ თავიდან მოშორებას.
რაც შეეხებათ ივნისის თვის მიწოდებებს მათი ფასი $21,37 ბარელზე, რაც უკვე 15%-ით ნაკლებია იმ ფასზე რომელიც სავარუდოდ პარასკევისთვის უნდა ყოფილიყო, როცა ივნისის თვის მიწოდებების სავაჭრო ვადა იწურება.
Brent-ის ტიპის ნავთობის ფასი 8.7%-ით დაეცა და დღეის მდგომარეობით 25, 6 დოლარია ბარელზე.
წყარო:https://www.mk.ru/economics/
დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.
რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.
- კონკრეტულად რას გულისხმობს ფინანსთა მინისტრის გამოცემული ახალი რეგულაცია?
- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.
- რა კრიტერიუმებით იხელმძღვანელებენ საგადასახადო ორგანოები?
- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.
- როგორ იმოქმედებს ეს ცვლილებები ბიზნესზე?
- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.
- რას ურჩევდით ბიზნესს ამ ცვლილებების გათვალისწინებით?
- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.
წყარო:https://bm.ge/
