,
.jpg)
ეროვნული ბანკის სტატისტიკის თანახმად, 2025 წლის მაისში ქართულმა ბანკებმა სულ 4 665 იპოთეკური კრედიტი გასცეს, რომელთა მთლიანი ღირებულებაც 377,649,822 ლარს შეადგენდა.
ახალი იპოთეკური სესხების რაოდენობა წინა წლის ანალოგიურ პერიოდთან შედარებით, როდესაც 4 779 იპოთეკური კრედიტი გაიცა, 2.4%-ით შემცირდა, ხოლო გაცემული კრედიტების პორტფელი კი 7.79%-ით არის გაზრდილი.
ჯამურად, 2025 წლის 5 თვეში ქართულმა ბანკებმა 1.66 მილიარდი ლარის ახალი იპოთეკური კრედიტები გასცეს. რაც შეეხება კრედიტების რაოდენობას, ის 19 313-ს შეადგენდა.
2025 წლის მაისის ბოლოს ჯამურად გაცემული იპოთეკური კრედიტების ნაშთმა 12.35 მლრდ ლარი შეადგინა. წლიური ზრდის ტემპი 10.04% იყო.
იპოთეკური დაკრედიტების პორტფელის ზრდის დაბალი ტემპის გამო, 26 თებერვალს საქართველოს ეროვნული ბანკის ფინანსური სტაბილურობის კომიტეტმა რეგულაციების გამარტივების გადაწყვეტილება მიიღო. მის შედეგად სესხში შესაძლებელი გახდა პირველადი შენატანი იყოს ბინის ღირებულების 10%, ხოლო 90% კი კრედიტი, ნაცვლად აქამდე მოქმედი წესისა, რომელიც განსაზღვრავდა რომ მომხმარებელი ბინის შესაძენად დებდა 15%-ს, ხოლო ბინის ღირებულების 85%-ს ბანკისგან იღებდა.
წყარო:https://bm.ge/
