კრწანისის რაიონს კიდევ ერთი უფასო სასადილო დაემატა. იეთიმ გურჯის N23-ში 330 ბენეფიციარს საშუალება აქვს, ყოველდღიურად განსხვავებული მენიუ მიიღოს.
ახალი სასადილო კრწანისის რაიონის გამგებელმა ბექა მიქაუტაძემ და მაჟორიტარმა დეპუტატმა საკრებულოში ლევან ჯაფარიძემ დაათვალიერეს.
გარდა ამისა, გამგებელი და მაჟორიტარი ქვემო ფონიჭალაში არსებულ კიდევ ერთ სასადილოს ესტუმრნენ, რომელიც ახალ მისამართზე გადავიდა (რუსთავის გზატკეცილი N18-22).
სულ კრწანისის რაიონში 5 უფასო სასადილოა, რომელთაგან 1 ორთაჭალის, 4 კი ფონიჭალის მოსახლეობას ემსახურება.
სასადილოების მისამართებია:
1. სოფელი ფონიჭალა, იეთიმ გურჯის N23
2. რუსთავის გზატკეცილი N18-22
3. რუსთავის გზატკეცილი N265
4. ზემო ფონიჭალა, კორპ. N22
5. ორთაჭალის ქ. N36
