,
ვიცე-პრეზიდენტი, ერთი მხრივ, რიგით მეორე, ყველაზე მნიშვნელოვანი ჩინოვნიკია შეერთებულ შტატებში. მეორეს მხრივ, მას არ გააჩნია დიდი უფლებამოსილება. მისი მთავარი კონსტიტუციური ფუნქციაა პრეზიდენტის შეცვლა მისი გარდაცვალების, გადადგომის ან თანამდებობიდან გადაყენების შემთხვევაში. ამერიკის შეერთებული შტატების ისტორიის განმავლობაში ამ თანამდებობას 48 ადამიანი იკავებდა. მათგან რვა გახდა პრეზიდენტი მათი წინამორბედების სიკვდილის გამო.
სულ მალე გაირკვევა, ვინ გახდება ამერიკის პრეზიდენტი. ამ დროის მონაცემებით, ჯო ბაიდენს საგრძნობი უპირატესობა აქვს. დემოკრატიული პარტიის საპრეზიდენტო კანდიდატის გამარჯვების შემთხვევაში, ვიცე-პრეზიდენტის პოსტს კამალა ჰარისი დაიკავებს.
კამალა ჰარისს თვითონ ქონდა თავისი კანდიდატურა წამოყენებული, აშშ-ს პრეზიდენტობის კანდიდატად დემოკრატიული პარტიიდან, მაგრამ შემდგომ ჯო ბაიდენის სარგებლოდ მოხსნა თავისი კანდიდატურა. ის იყო პირველი სამხრეთ აზიური წარმოშობის, შავკანიანი ქალია აშშ – ს ისტორიაში და ამერიკელი, რომელიც მონაწილეობდა საპრეზიდენტო არჩევნების ბოლო ეტაპზე.
არსებობს ასეთი ამერიკული გამოთქმა - ვიცე-პრეზიდენტს ოვალური კაბინეტიდან მხოლოდ ერთი გულისცემა აშორებსო. ბაიდენის ასაკიდან გამომდინარე, ამერიკელ დემოკრატებს შორის ერთ-ერთი განსახილველი თემა, როგორც შანსი, არის ის რომ ჰარისმა შესაძლოა ამავე ვადაში დაიკავოს პრეზიდენტის ადგილი თეთრ სახლში.
ბაიდენის წარმატებისთვის, დემოკრატების მთავარი ინტრიგა ამერიკაში არსებული ვითარების გათვალისწინებით, იმაში იყო, რომ ვიცე-პრეზიდენტის კანდიდატი უნდა შერჩეულიყო, კანის ფერისა და სქესის მიხედვით, ეს იყო შერჩევის მკაფიო კრიტერიუმები.
ზაფხულის დასაწყისში, ბაიდენმა თქვა, რომ მას სავარაუდო სიაში 11 კანდიდატი ჰყავდა, მათგან 4 აფროამერიკელი.
კამალა ჰარისის გარდა, მასში, სავარაუდოდ, შედიოდნენ კონგრესის წევრები ვალ დემინგსი და კარენ ბასი, პრეზიდენტ ობამას ეროვნული უსაფრთხოების ყოფილი მრჩეველი სიუზან რაისი. გავრცელდა ინფორმაცია, რომ ყოფილი პირველი ლედი მიშელ ობამაც კი იყო მზად ბაიდენის წინადადების განსახილველად, მაგრამ აშშ-ს ბაიდენმა ჰარისი აირჩია, რომელმაც მისი წარდგენის შესახებ, ოფიციალური განცხადებამდე საათნახევრით ადრე შეიტყო.
ჯო ბაიდენისთვის პოლიტიკასთან ერთად ასევე ძალიან მნიშნელოვანია პირადი ურთიერთობები. ამ მხრივ კი კამალა ჰარისს განსაკუთრებული უპირატესობა ჰქონდა - ის ბაიდენის გარდაცვლილი შვილის მეგობარი იყო.
”მან უკვე დაამტკიცა, რომ წარმოუდგენლად ძლიერი ლიდერია. და მე ვიცი, რომ ის ჯო ბაიდენის ძლიერი პარტნიორი იქნება, - თქვა ჰილარი კლინტონმა კამალა ჰარისის შესახებ, მისი წარდგენისას.
კამალა ჰინდიურ ენაზე "ლოტოსის ყვავილს" ნიშნავს. ეს სახელი გოგონას დედამ დაარქვა, რომელიც აშშ-ში ინდოეთიდან გადავიდა საცხოვრებლად. კამალა ჰარისი დაიბადა კალიფორნიაში, ოკლენდში, 1964 წელს. დედა, შამალა გოპალან-ჰარისი, უნივერსიტეტში ასწავლიდა, ძუძუს კიბოს მკურნალობის სპეციალისტი იყო. მამა წარმოშობითი იამაიკელი იყო, რომელიც კამალას დედას მაშინ დაშორდა, როდესაც ის 5 წლის გახდა. კამალას მამა, დონალდ ჰარისი, სტენფორდის უნივერსიტეტის პროფესორი იყო.
დედა თავის ორ ქალიშვილს ინდური ფესვებისადმი პატივისცემას უნერგავდა, მაგრამ აფროამერიკული კულტურა მაინც ბევრად უფრო პოპულარული იყო ოჯახში.
„- დედაჩემს ძალიან კარგად ესმოდა, რომ შავ ქალიშვილებს ზრდის. მან იცოდა, რომ ჩვენი ახალი სამშობლო, მე და ჩემს დას, მაიას, შავ გოგოებად აღიქვამდა და მან ყველაფერი გააკეთა, რომ თავდაჯერებული, ამაყი შავკანიანები გავზარდილიყავით ”, - წერს ჰარისი თავის ავტობიოგრაფიაში.
სკოლის პედაგოგები და კლასელები ერთხმად აღნიშნავდნენ, რომ კამალას ქონდა უზარმაზარი ინტელექტუალური პოტენციალი. 1986 წელს ჰარისი ბაკალავრის ხარისხის იღებს ვაშინგტონის ჰოვარდის უნივერსიტეტში ორ სპეციალობაში - პოლიტოლოგია და ეკონომიკა. შემდეგ იურისტის დოქტორის ხარისხს კალიფორნიის უნივერსიტეტში. პერსპექტიული ადვოკატი მალე ხდება პროკურორის თანაშემწედ.
2002 წელს ჰარისი სან ფრანცისკოს პროკურორი (ეს თანამდებობა არჩევითია ამერიკაში) გახდა. იმ დროისთვის ის უკვე მეგობრობდა ბო ბაიდენთან, ჯო ბაიდენის ვაჟთან და ასევე ნენსი პელოსთან.
ჭორების მიხედვით, კამალა სან-ფრანცისკოში სიყვარულმა მიიყვანა: დიდი ხნის განმავლობაში მას სავარაუდო რომანი ჰქონდა ქალაქის მაშინდელ მერთან, უილი ბრაუნთან, რომელიც მას ყველანაირ დახმარებას უწევდა.
ჰარისი იყო პირველი შავკანიანი, ქალი პროკურორი შეერთებულ შტატებში. 4 წლის შემდეგ, ამბიციური კამალა, მისი მეგობრის ნენსიის ღია მხარდაჭერით, კალიფორნიის გენერალური პროკურორი გახდა. ამ თანამდებობაზე მუშაობის დროს, იგი დიდი დროს უთმობდა მინდობით აღზრდილი ოჯახების პრობლემებს, არასრულწლოვანთა სამართლიანობასა და სექსუალური უმცირესობების უფლებების დაცვას.
ჰარისი არ არის გახმაურებული სკანდალების პერსონაჟი. ის სამაგალითო ცოლი და დედაა, რომელიც ეხმარება ქმარს პირველი ქორწინებიდან ვაჟისა და ქალიშვილის აღზრდაში.
2016 წლის სენატის არჩევნებში ახალი დემოკრატიული ვარსკვლავის კამალას გამარჯვება გასაკვირი არავისთვის არ ყოფილა. ამ თანამდებობაზე, ჰარისმა პირველ რიგში დონალდ ტრამპის მწვავე კრიტიკით
ვიცე-პრეზიდენტად წარდგენისთანავე, ჰარისმა Twitter- ში გააკეთა განცხადება:
„- ჯო ბაიდენს შეუძლია გააერთიანოს ამერიკელი ხალხი, რადგან მან თავისი ცხოვრება ჩვენთვის ბრძოლაში გაატარა. როგორც პრეზიდენტს, მას შეუძლია ააშენოს ამერიკა, რომელიც შეესაბამება ჩვენს იდეალებს.“
კამალა ჰარისი უდიდესი გავლენით სარგებლობს დემოკრატიულ პარტიაში და მის პოლიტიკურ წონას არც მისი რესპუბლიკელი „მტრები“ უარყოფენ. ბევრი მიმომხილველი აღნიშნავს, რომ სწორედ კამალა იქნება რეალური პრეზიდენტი უახლოესი 4 წლის განმავლობაში.
„დასუსტებულმა და არათანმიმდევრულმა, ჯო ბაიდენმა აირჩიაარა მხოლოდ ვიცე-პრეზიდენტის კანდიდატი, მან აირჩია ადამიანი, რომელიც ქვეყანას უხელმძღვანელებს მომდევნო ოთხი წლის განმავლობაში, თუ ბაიდენი მოახერხებს გამარჯვებას“ - განნაცხადა რესპუბლიკური პარტიის ეროვნული კომიტეტის თავმჯდომარემ, რონა მაკდანიელმა.
”ჯოს ახლა შესანიშნავი პარტნიორი ჰყავს, რომელიც დაეხმარება მას გაუმკლავდეს რეალური გამოწვევების წინაშე მდგომ ამერიკას ახლა და მომავალ წლებში. - დაწერა ბარაკ ობამამ თავის Twitter- ზე.
კამალა ჰარისი ცნობილია თავის რუსოფობიით. მან არაერთხელ აღნიშნა, რომ ”რუსეთი შეერთებული შტატების მტერია”. მან ცინიკურად დასცინა ტრამპს, როცა ამ უკანასკნელმა სურვილი გამოთქვა დაესწრებოდა გამარჯვების აღლუმს მოსკოვში.
2017 წლის დეკემბერში მან დემოკრატ სენატორთა ჯგუფმა შეიმუშავეს კიბერ უსაფრთხოების კანონპროექტი, რომელითაც ცდილობედნენ, თავი დაეცვათ მოსკოვის პოტენციურ ვირტუალურ ჩარევისგან 2020 წლის საპრეზიდენტო არჩევნებში. ის დარწმუნებულია, რომ რუსეთი მონაწილეობს ტრამპის საარჩევნო კამპანიაში და არწმუნებს ყველას, რომ ”რუსები, რა თქმა უნდა, გადაწყვეტენ კვლავ ჩაერიონ შეერთებული შტატების შიდა საქმეებში”.
მან დაწერა ისტორიაც, რადგან გახდა პირველი ქალი ამერიკის ისტორიაში, რომელმაც პროკურორის პოსტი დაიკავა და შექმნა ვებ-პლათფორმა Open Justice, რათა საზოგადოებასთან კომუნიკაცია უფრო ღია გაეხადა.
მას უდიდესი წვლილი აქვს ქორწინებაში წყვილთა თანაბარი უფლებებისთვის ბრძოლაში, ასევე ერთსქესიანთა ქორწინების დაკანონების საქმეში.
საკუთარი კამპანიის დროს მას აქტიურად უჭერდა მხარს ბარაკ იობამა, ობამას მას ხშირად ადარებენ.
კამალა ჰარისი დემოკრატიულ პარტიაში ცენტრისტად მიიჩნევა (თუმცა, ოპონენტებმა მას უკვე დასდეს ბრალი რადიკალიზმში). მას თავად მოუგია არაერთი რთული არჩევნები, რაც ამ დაძაბული კამპანიის დროს დემოკრატებს ნამდვილად გამოადგებათ.
აშშ-ის ვიცე-პრეზიდენტობის კანდიდატის ვინაობა ასეთი მნიშვნელოვანი ალბათ 1944 წლის შემდეგ აღარ ყოფილაო - წერს ამერიკული პრესა. მაშინ ცხადი იყო, ფრენკლინ დელანო რუზველტის ჯანმრთელობის მდგომარეობის გათვალისწინებით, მის მიერ დასახელებულ კანდიდატს მალე პრეზიდენტის მოვალეობის შესრულება მოუწევდა.
