USD 2.8170
EUR 2.9536
RUB 3.0745
თბილისი
" იცოცხლეთ იმდენ ხანს, რამდენ ხანსაც ანგელოზები ცოცხლობენ " - უწმინდესის ინგუში შვილობილის მილოცვა პატრიარქის ანგელოზის დღეს.
თარიღი:  3714

გთავაზობთ ნაწყვეტს ამინ შადიჟევის ინტერვიუდან , რომელიც მან გერმანიაში მცხოვრებ ინგუშ ჟურნალისტს ნაზირ ევლოევს მისცა. ინტერვიუ ევლოევის იუთუბ არხზე გავრცელდა.

" პატრიარქმა მითხრა, ყოველთვის როდესაც საქართველოში ჩამოხვალ, ჩამაყენე საქმის კურსში, რომ ჩამოხვედი და როდესაც წახვალ , ასევე შეატყობინეო. 2 აგვისტოს უწმინდესის ანგელოზის დღე არის და ამ დღეს მომიწია ჩამოსვლა. საპატრიარქოში შეკრებილი იყო უამრავი ადამიანი, ხელისუფლების წარმომადგენლები, ასევე მსოფლიოს სხვადასხვა კუთხიდან ქართველები ჩამოვიდნენ, უწმინდესისთვის ანგელოზის დღის მოსალოცად. იქ იყო ქართველი პოლიტიკოსი არმაზ ახვლედიანიც, სხვებიც. მე ვიჯექი პატრიარქის მარჯვნივ, დანარჩენები მარცხენა მხარეს. უწმინდესმა მოულოდნელად მთხოვა, სიტყვით გამოსულიყავი. მე ძალიან დავიბენი. არც დიპლომატი ვარ... უბრალოდ არ ვიცოდი რა მეთქვა.

1001383_419698141478069_1790240426_n

არ მინდოდა ინგუშები ჩემი გამოსვლით უხერხულ მდგომარეობაში ჩამეყენებინა, რამე არასწორად მეთქვა, უბრალოდ მეშინოდა ამის... ამიტომ პატრიარქს ვუთხარი, რომ არ შემეძლო საჯაროდ გამოსვლა. შემდეგ კიდევ მთხოვა, მე ვუპასუხე : " უწმინდესო , ვერ შევძლებ რამე ვთქვა, მაპატიეთ." პატრიარქმა ისევ მთხოვა : ,, უბრალოდ თქვი, გილოცავ ანგელოზის დღეს." მე ვუპასუხე : ,, ღვთის გულისათვის , ნუ მთხოვთ, არ შემიძლია." მოკლედ ეწყინა... გაჩერდა, ჩვენ უკვე აღარ ვსაუბრობთ, მანამდე ვსაუბრობდით , ვიცინოდით, სანამ კონცერტი მიმდინარეობდა.

შემდეგ ქალბატონი შორენა მოვიდა და მითხრა, რომ სიტყვით უნდა გამოვსულიყავი. სხვა გზა არ იყო, დავთანხმდი. საღამოს წამყვანმა გამოაცხადა, რომ ჩამოვიდა ინგუშეთის წარმომადგენელი და გადმომცეს მიკროფონი.

ეს პირველი შემთხვევა იყო ჩემს ცხოვრებაში, რომ ასეთი დიდი აუდიტორიის წინაშე სიტყვით უნდა გამოვსულიყავი. რა თქმა უნდა, ძალიან ვღელავდი. ყველას მივესალმე ინგუშურ ენაზე და ზოგიერთს თავიდან გაეღიმა ჩემს გამოსვლაზე. ,, დღეს თქვენი ანგელოზის დღეა. ჩვენი უხუცესებისგან მსმენია, რომ ანგელოზები დიდხანს ცოცხლობენ. ამიტომ ვთხოვ ღმერთს, იცოცხლოთ ისევე დიდხანს, რამდენ ხანსაც ანგელოზები ცოცხლობენ. " - ვთქვი მე .

უწმინდესს ცრემლები წამოუვიდა, სხვებსაც, ყველას ძალიან უყვარს პატრიარქი. მიკროფონის წამყვანისთვის დაბრუნებას ვაპირებდი და უცებ, პატრიარქი მეუბნება, კიდევ გვითხარი რამე, ინგუშურად გვითხარი.

მე რამდენიმე სიტყვა ვთქვი ჩემს მშობლიურ ენაზე. და აი ახლა გეტყვით არმაზ ახვლედიანი რატომ დამამახსოვრდა. ძალიან ვღელავდი, ფეხები მიკანკალებდა , იმიტომ რომ მეშინოდა არ შემშლოდა რამე. იქ იმას კი არ იტყოდნენ, რომ ამინს შეეშალა. იქ იტყოდნენ , რომ ინგუშეთის წარმომადგენელს შეეშალა და ამიტომ ძალიან ვღელავდი.

გამოსვლა რომ დავასრულე, არმაზმა მომკიდა ხელი , წავედით რესტორანში და რამდენიმე საათი იქ ვისხედით, სანამ დავმშვიდდი. ძალიან წესიერი ადამიანია არმაზი. ერთი მომენტიც მინდა გავიხსენო. პატრიარქთან ვარ ტრაპეზზე და მეკითხება უწმინდესი : ,, ამინ, ყველა ინგუში შენსავით წესიერია?" მე ვუპასუხე, ,, ისევე როგორც ყველა ქართველი." მკითხა , რას გულისხმობო. მე ვუპასუხე: ,, თქვენ წმინდანი ხართ და ყველა ქართველი წმინდანია? " გაეცინა და მითხრა : არ ხარ შენ კარგი კაციო , ინგუშები ყველა კარგები და წესიერები არიანო, ქართველი და ინგუში ერთია, ორი ძმა იყვნენ და შემდეგ გაიყარნენო. "

134673364_3656821271099057_6320481628994772902_n

სპორტი
ოლიმპიური კომიტეტების პრეზიდენტი - მადლობა საქართველო! თქვენ ამ ოლიმპიადით თამასა ისე მაღლა ასწიეთ, რომ მომდევნო ქვეყნისთვის რთული იქნება ფესტივალის ასე კარგად ჩატარება

„თქვენ ამ ოლიმპიადით თამასა ისე მაღლა ასწია, რომ რუმინეთისთვის რთული იქნება ფესტივალის ასე კარგად ჩატარება“, – ამის შესახებ ევროპის ოლიმპიური კომიტეტების პრეზიდენტმა, სპიროს კაპრალოსმა განაცხადა და „ბაკურიანი 2025“ შეაჯამა.

კაპრალოსმა ოლიმპიადის შეფასება მადლიერების გამოხატვით დაიწყო და ფესტივალის წარმატებულად ჩატარებაში ორგანიზატორების როლი ხაზგასმით აღნიშნა.

„ძალიან ბედნიერები და იღბლიანები ვართ, რომ გვყავს მამუკა ხაბარელი და სხვა ორგანიზატორები, მოხალისეები, ვინც ფესტივალის ყველა მონაწილის ცხოვრება გაალამაზა. ჩვენ საქართველოში გავატარეთ მთელი კვირა, 7 შთამბეჭდავი დღე და ბედნიერები ვართ - ჩვენ, დელეგაციები, რომ ასეთი ფანტასტიკური შეჯიბრებები ჩატარდა. სრულყოფილი პირობები იყო შექმნილი – ეს არის, რისი თქმაც შემიძლია. თქვენ ამ ოლიმპიადით თამასა ისე მაღლა ასწიეთ, რომ რუმინეთისთვის რთული იქნება ფესტივალის ასე კარგად ჩატარება!“ - განაცხადა ევროპის ოლიმპიური კომიტეტების პრეზიდენტმა.

„ბაკურიანი 2025“ 9 თებერვალს გაიხსნა. 16 თებერვალს გამართულ ოფიციალური დახურვის ცერემონიაზე, დროშა მომავალ მასპინძელ ქვეყანას – რუმინეთს გადაეცა. ევროპის ახალგაზრდული ოლიმპიური ფესტივალი 2027 წელს, ქალაქ ბრაშოვში ჩატარდება.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.