გლდანის რაიონის გამგეობის ორგანიზებით, იწყება სპორტული ჩემპიონატი „გლდანის თასი მინი ფეხბურთში - 2023 “.
ჩემპიონატში მონაწილეობა შეუძლიათ 16 წლის ზემოთ, გლდანის მცხოვრებლებისგან დაკომპლექტებულ გუნდებს. რეგისტრაცია ონლაინ აპლიკაციის მეშვეობით არის შესაძლებელი. ტურნირში მონაწილეობას მიიღებს აპლიკაციის მეშვეობით დარეგისტრირებული პირველი 16 გუნდი. ტურნირი ჯგუფური ეტაპებით დაიწყება და ოლიმპიური სისტემით (პლეი ოფებით) გაგრძელდება.
საპრიზო ადგილზე გასული გუნდების თითოეულ წევრს სავაჭრო ცენტრის სასაჩუქრე ვაუჩერები გადაეცემა.
I ადგილზე გასული გუნდის წევრები 200 -ლარიან;
II ადგილზე გასულები - 150-ლარიან,
ხოლო III ადგილზე გასული გუნდის წევრები 100-ლარიან სასაჩუქრე ვაუჩერებს მიიღებენ.
ასევე, დასახელდებიან სამ ნომინაციაში გამარჯვებულები. ეს ნომინაციებია:
საუკეთესო ფეხბურთელი,
საუკეთესო მეკარე,
ბომბარდირი.
ნომინაციებში გამარჯვებულებს სავაჭრო ცენტრის 100-ლარიანი სასაჩუქრე ვაუჩერი გადაეცემათ.
„გლდანის თასი მინი ფეხბურთში - 2023 “-ის ტურნირზე რეგისტრაციის ბოლო ვადაა 5 ივნისი.
რეგისტრაციისთვის გადადით მითითებულ ბმულზე:
ტურნირის საორგანიზაციო საკითხებთან დაკავშირებით, გუნდის კაპიტნებს საორგანიზაციო ჯგუფი დაუკავშირდება.
დამატებითი ინფორმაციისთვის დაგვიკავშირდით ნომერზე: 551 45 46 46
