ისნის რაიონის გამგეობა ინფრასტრუქტურულ პროექტებს აქტიურად განაგრძობს. ამჟამად, გაბრიელ სალოსის გამზირის N156-ის მიმდებარედ, 1700 კვ.მ. ფართობზე, სკვერს მოაწყობს.
პროექტის ფარგლებში, ბავშვთა გასართობი და დასასვენებელი სივრცე მოეწყობა, საბაღე სკამები და ურნები განთავსდება, ტერიტორია დეკორატიული ფილებით მოპირკეთდება და გამწვანდება.
ისნის რაიონის გამგებელი ნიკა ელისაშვილი ადგილობრივ მოსახლეობას შეხვდა და განსახორციელებელი სამუშაოების შესახებ დეტალურ ინფორმაცია მიაწოდა.
პროექტი გამგეობის ბიუჯეტიდან 250 000 ლარით დაფინანსდა.
