ევროკავშირის კომისიის პრეზიდენტმა, ურსულა ფონ დერ ლეინმა დაადანაშაულა ჩინეთი კორონავირუსული დაავადების პანდემიის განმავლობაში კიბერშეტევის განხორციელებაში ევროპის წამყვანი საავადმყოფოების კომპიუტერულ მართვით ცენტრებზე. მისი თქმით, ევროკავშირი ვერ იქნება ტოლერანტული ამ მავნებლური ქმედების მიმართ.

ზემოხსენებული ბრალდებები გამოითქვა ევროკავშირ-ჩინეთის ერთობლივი სამიტის დროს, რომელიც 22 ივნისს გაიმართა. ამის შესახებ ვონ დერ ლეინმა და საბჭოს პრეზიდენტმა ჩარლზ მიშელმა ისაუბრეს ჩინელ პარტნიორებთან, პრემიერ ლი კეციანთან და პრეზიდენტ სი ძინპინთან ვიდეოკონფერენციის საშუალებით.

„ჩვენ ვნახეთ კიბერ შეტევები საავადმყოფოებსა და სპეციალურ გამომთვლელ სისტემურ ცენტრებზე.ჩინეთის დეზინფორმაციული კამპანიის მიმართ ტოლერანტულები ვერ ვიქნებით “- ამის შესახებ გაამახვილა ყურადღება ფონ დერ ლეინმა. რამდენიმე დღის წინ გავრცელდა ინფორმაცია აგრეთვე, რომ ავსტრალიის მთავრობისა და სახელმწიფო ინსტიტუტების ვებ-გვერდებზე თავდასხმაში დამნაშავის კვალი სწორედ ჩინეთზე მიდიოდა.

„სახელმწიფოს დონის აქტორი, რომელსაც სერიოზული შესაძლებლობები გააჩნია განახორციელა კიბერ თავდასხმა მნიშვნელოვანი სამსახურების ინფორმაციის მომწოდებლებზე და კრიტიკული ინფრასტრუქტურის ოპერატორებზე“- განაცხადა ავსტრალიის პრემიერ-მინისტრმა, სკოტ მორისონმა.