,
გერმანული ჟურნალის „მერკურის“ (Merkur) ვებ-გვერდზე გამოქვეყნებულია სტატია/კომენტარი სათაურით „ალბათ, მოსკოვიდან დარეკეს“: ესპერტის აზრით, ქართული კანონპროექტის უკან კრემლი დგას“ (ავტორი - ვიქტორია კრუმბეკი).
გთავაზობთ პუბლიკაციას:
თბილისში უკვე რამდენიმე კვირის განმავლობაში მიმდინარეობს საპროტესტო აქციები მიმდინარეობს იმ კანონპროექტის წინააღმდეგ (სახელწოდებით „უცხოური გავლენის გამჭვირვალობის შესახებ“), რომლის მიღება ხელისუფლებას აქვს დაგეგმილი: საკანონმდებლო დოკუმენტის თანახმად, არასამთავრობო ორგანიზაციები და მასობრივი ინფორმაციის საშუალებები, რომლებიც უცხოეთიდან ფინანსდებიან, იუსტიციის სამინისტროში უნდა დარეგისტრირდნენ და ანგარიში გააკეთონ მიღებული თანხების წარმომავლობის თაობაზე. გერმანელი ექსპერტების ვარაუდით, კანონპროექტის უკან შეიძლება კრემლი იდგეს.
„ვამბობთ კანონს, ვგულისხმობთ კრემლს?“
თბილისში დემონსტრაციების მთავარი ლოზუნგები ასეთია: „არა რუსულ მთავრობას!“, „არა რუსულ კანონს!“, „ჩვენ არ დავიღლებით, უკან არ დავიხევთ!“. პოლიციელები მიტინგის დაშლას ცრემლმდენი გაზით, წყლის ჭავლით და რეზინის ტყვიებით ცდილობდნენ.
ოპონენტები საქართველოს მთავრობას რუსეთთან დაახლოების გამო აკრიტიკებენ: მმართველი პარტიის „ქართული ოცნების“ მიერ ინიცირებულ კანონი თავისი არსით და მიზნებით ძალიან ჰგავს რუსულ საკანონმდებლო აქტს „უცხოური აგენტების შესახებ“.
როგორც კონრად ადენაუერის ფონდის წარმომადგენელი თბილისში შტეფან მალერიუსი ამბობს, „სინამდვილეში საქართველოში ამ კანონის არანაირი საჭიროება არ არის. იგივე კანონპროექტის მიღებას ხელისუფლება შარშანაც ცდილობდა, მაგრამ შემდეგ, სახალხო პროტესტის გამო, მთავრობამ უკან გაიწვია. ახლა კი მისი ხელახლა დაბრუნება მოულოდნელად მოხდა“.
ჩარევა გარედან: „ალბათ, მოსკოვიდან დარეკეს...“
შტეფან მალერიუსს დიდი ეჭვი აქვს, რომ კანონპროექტის განმეორებითი შეტანა პარლამენტში გარედან ჩარევის შედეგად მოხდა, დიდი ალბათობით - რუსეთიდან. „ალბათ, კრემლიდან დარეკეს, რუსეთის პრეზიდენტის გარემოცვიდან... ეჭვი მაქვს, რომ ამ კანონის უკან რუსეთი და ოლიგარქი ბიძინა ივანიშვილი დგას - იგი მილიარდერია, მმართველი პარტიის დამფუძნებელი და კულისური ლიდერი... მას რუსეთიდან უთხრეს და მიანიშნეს, რომ ეს კანონპროექტი სწორედ ახლა უნდა იქნეს მიღებული“.
კანონპროექტი „უცხოური გავლენის გამჭვირვალობის შესახებ“ პარლამენტმა მეორე მოსმენით უკვე მიიღო. მესამე მოსმენა ორი კვირის შემდეგ გაიმართება. მოსალოდნელია, რომ საქართველოს პროევროპელი პრეზიდენტი სალომე ზურაბიშვილი მას ვეტოს დაადებს, თუმცა „ქართულ ოცნებას“ საკანონმდებლო ორგანოში საკმაო უმრავლესობა ჰყქვს, რომ პრეზიდენტის ვეტო გადალახონ და ისევ მიიღონ.
მმართველი პარტია კანონის ძალაში შესვლას მაისი შუა რიცხვებში გეგმავს. საქართველო ოფიციალურად ითვლება ევროკავშირის მიღების კანდიდატად გასული წლის დეკემბრიდან, თუმცა, როგორც ბუნდესტაგში გერმანიის მწვანეთა პარტიის დეპუტატი ანტონ ჰოფრაიტერი ამბობს, საქართველოს გაწევრიანება ევროკავშირში აღნიშნული კანონის გამო ეჭვქვეშ დგება, რითაც ქვეყნის ევროპულ პერსპექტივას საფრთხე ემუქრება.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
