,
მიმდინარე 2025 წელი დიდი შვიდეულის სტატუსის მქონე ტექნოლოგიური კომპანიებისთვის განსაკუთრებით რთულად დაიწყო. საერთო ჯამში, წლის დასაწყისიდან დღემდე, შვიდი ტექნოლოგიური გიგანტის საერთო საბაზრო შეფასება 2.5 ტრილიონი დოლარით შემცირდა.
მართალია, თავად კომპანიებს შესანიშნავი ფინანსური შედეგები ჰქონდათ, როგორც 2024 წლის მეოთხე, ასევე 2025 წლის პირველ კვარტალში, თუმცა მათ საფონდო ბირჟაზე მაინც არასახარბიელო დინამიკა აჩვენეს, რაც პირდაპირ კავშირში იყო ხელისუფლებაში დონალდ ტრამპის მოსვლასთან, რომლის გადაწყვეტილებებმა, შეიძლება ითქვას, რომ საფონდო ბირჟების მკვეთრი ვარდნა გამოიწვიეს.
უფრო კონკრეტულად, მიმდინარე წელს დიდი შვიდეულის შედეგები ასე გამოიყურება:
1. Apple: -13.8% | $3.16 ტრლნ
2. Microsoft: -6.6% | $2.91 ტრლნ
3. Nvidia: -21.4% | $2.65 ტრლნ
4. Amazon: -14.8% | $1.99 ტრლნ
5. Google: -14.7% | $1.96 ტრლნ
6. Meta: -8.3% | $1.39 ტრლნ
7. Tesla: -24.6% | $896 მლრდ
ინვესტორებს აქვთ მოლოდინი, რომ ტრამპის მიერ გატარებული პოლიტიკა სავაჭრო ომს გაამწვავებს, რაც დიდი შვიდეულის საექსპორტო შემოსავლების შემცირებას და ადგილობრივ ბაზარზე ფასების მკვეთრ ზრდას გამოიწვევს, რაც ბიზნესისათვის არახელსაყრელია.
წყარო:https://bm.ge/
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
