USD 2.6530
EUR 2.8708
RUB 2.7962
თბილისი
«BBC» (დიდი ბრიტანეთი): „დონალდ ტრამპი ნატოს შესახებ: სახიფათო განცხადებები სახიფათო დროს“. რამდენს ხარჯავენ თავდაცვისათვის ალიანსის წევრი ქვეყნები“
თარიღი:  

ბრიტანული სამაუწყებლო კომპანიის BBC-ის ვებ-გვერდზე გამოქვეყნებულია სტატია სათაურით „დონალდ ტრამპი ნატოს შესახებ: სახიფათო განცხადებები სახიფათო დროს“ (ავტორები - ფრენკ გარდნერი და ადამ დურბინი), რომელშიც აშშ-ის ექს-პრეზიდენტის დონალდ ტრამპის ბოლოდროინდელი განცხადებები განხილული ჩრდილოატლანტიკური ალიანსის მიმართ.

გთავაზობთ პუბლიკაციას მცირე შემოკლებით:

„დაიწყო: ამერიკაში საპრეზიდენტო არჩევნებამდე ჯერ კიდევ ცხრა თვე რჩება, რესპუბლიკური პარტიის საპრეზიდენტო კანდიდატი და აშშ-ის ექს-პრეზიდენტი დონალდ ტრამპი კი, თავისი პროვოკაციული განცხადებებით, ნატოს ქვეყნების ლიდერებს წნევას უწევს. იმავდროულად ყოფილი პრეზიდენტის გამონათქვამები სიხარულის მომტანია მისი  მომხრეებისა და თაყვანისმცემლებისათვის.

სამხრეთ კაროლინას შტატში გამართულ წინასაარჩევნო მიტინგზე დონალდ ტრამპმა განაცხადა, რომ განზრახული აქვს აგრესიული ქვეყნები (მაგალითად რუსეთი) წააქეზოს, რათა მათ ყველაფერი გააკეთონ, რასაც კი ჩაიფიქრებენ ნატოს წევრი იმ ქვეყნების წინააღმდეგ, რომლებსაც ჩრდილოატლანტიკური ალიანსის საერთო ბიუჯეტში სათანადო რაოდენობის თანხა არ შეაქვთ და თავიანთი ქვეყნების მთლიანი შიდა პროდუქტის (მშპ) 2%-ს თავდაცვის სფეროში არ ხარჯავენ, არმიის გაძლიერების მიზნით.

თეთრმა სახლმა დაუყონებლივ გამოხატა აღშფოთება: ჯო ბაიდენის ადმინისტრაციის წარმომადგენლის განცხადებით, მსგავსი გამონათქვამები „საშინელ უგუნურებას“ წარმოადგენს იმდენად, რამდენადაც დონალდ ტრამპი თავისი მოქმედებით „მხარს უჭერს და აქეზებს სისხლიანი რეჟიმების შეჭრას ჩვენი უახლოესი მოკავშირეების ტერიტორიებზე“.

ნატოს გენერალურმა მდივანმა იენს სტოლტენბერგმა ასევე ენერგიულად უარყო აშშ-ის ექს-პრეზიდენტის განცხადება და აღნიშნა, რომ „ნებისმიერი ვარაუდი იმისა, რომ ალიანსის წევრები ერთმანეთს არ დაიცავენ და არ დაეხმარებიან, ძირს უთხრის საერთო უსაფრთხოებას, აშშ-ის ჩათვლით. ასეთი გამონათქვამები დამატებით რისკებს უქმნის ამერიკელ და ევროპელ ჯარისკაცებს“.

ჰქონდა თუ არა დონალდ ტრამპს ნამდვილად მხედველობაში ის, რაც თქვა? ალბათ, არა, რადგან ასეთი ქცევა მის ტიპიურ მოქმედებას ასახავს - თქვას რაღაც ისეთი პროვოკაციული, რომელიც მას პრესაში დიდ სათაურებს უზრუნველყოფს, კრიტიკოსებს აღაშფოთებს, მომხრეებს კი აღტაცებაში მოიყვანს.

მაგრამ ბედის ირონია იმაში გამოიხატება, რომ ნატოს გარკვეულ წრეებში დონალდ ტრამპის მიმართ დაუფარავ სიხარულს განიცდიან და მადლობას უცხადებენ დონალდ ტრამპს მსგავსი მუქარების გამო, რომლებსაც იგი გამოხატავდა ჯერ კიდევ თეთრ სახლში ყოფნის დროს. 2018 წელს იგი იმდენად უკმაყოფილო იყო ზოგიერთი ევროპული სახელმწიფოს მიერ თავდაცვის ხარჯების შეთანხმებული ქვოთების (მშპ-ის 2%) შეუსრულებლობის გამო, რომ ალიანსიდან გასვლით დაიმუქრა. იმ დროს ნატოს სამხედრო ხელმძღვანელობა შოკში ჩავარდა: აშშ-ის პრეზიდენტს რომ მართლაც აესრულებინა თავისი დანაქადნი და ევროპა ბედის ანაბარად მიეტოვებინა, ასეთ ნაბიჯი ალიანსს იმდენად დაასუსტებდა, რომ ნატო დღევანდელი სახით აღარ იარსებებდა.

მსგავსი პერსპექტივის წარმოდგენით და რუსეთის უკრაინაზე თავდასხმით ნატოს წევრი ქვეყნები (მაგალითად, გერმანია) იძულებული გახდნენ დაპირება განეცხადებინათ, რომ თავდაცვის ხარჯებს მშპ-ის 2%-მდე გაზრდიდნენ.

ცნობისათვის: ნატოს 2023 წლის ოფიციალური მონაცემებით, ალიანსის წევრი 30 წვეყნიდან 19-ის თავდაცვის ხარჯები თავისი წლიური მშპ-ის 2%-ზე დაბალია. ასეთი ქვეყნების რიცხვშია ისეთი ეკონომიკურად განვითარებული სახელმწიფოები, როგორებიცაა გერმანია (1,57%), საფრანგეთი (1,90%), ნორვეგია (1,67%) და სხვები. ამასთან, რუსეთისა და მისი მოკავშირის - ბელარუსის  მოსაზღვრე ნატოს წევრი ქვეყნების უმეტესობა 2%-იან ნორმატივს გადაჭარბებით ასრულებს: პოლონეთი ხარჯავს მთლიანი წლიური მშპ-ის 3,9%-ს (ანუ უფრო მეტს, ვიდრე აშშ, რომლის დანახარჯი 3,49%-ს შეადგენს). რაც შეეხება რუმინეთს, უნგრეთს, ფინეთს და ბალტიისპირა ქვეყნებს - ესტონეთს, ლატვიასა და ლიეტუვას, მათი ხარჯები 2,3%-დან 2,7%-მდე ვარირებს. დიდი ბრიტანეთი თავდაცვის სფეროში ხარჯავს მშპ-ის 2,07%-ს, საბერძნეთი - 3,07%-ს, ფინეთი - 2.45%-ს. ნატოს დანარჩენი წევრების ხარჯები 2%-ზე დაბალია.

დონალდ ტრამპის ჩივილი იმაზე, რომ ამერიკას სხვა ქვეყნების თავდაცვის ხარჯების გადახდა უწევს, მწვავე გამოძახილი ჰპოვა რესპუბლიკელი ექს-პრეზიდენტის მომხრეებში: „რატომ უნდა ვხარჯოთ ჩვენ, ამერიკელებმა, თანხები ევროპელების დასაცავად, როცა ისინი თვითონ არ ზრუნავენ საკუთარ სამხედრო ძლიერებაზე და უსაფრთხოების დაცვაზე?

მაგრამ ექს-პრეზიდენტის გამონათქვამები უკიდურესად საფრთხის მომტანად რჩებიან იმის გათვალისწინებით, რომ ნატოც და დასავლეთიც მთლიანობაში რთულ მდგომარეობაში იმყოფებიან. ამას ემატება ისიც, რომ უკრაინის კონტრშეტევა 2023 წლის ზაფხულში, ფაქტიურად ჩაიშალა. რუსეთის არმიას მტკიცედ აქვს დაკავებული ოკუპირებული ტერიტორიები და ნე-ნელა ავიწროვებს უკრაინის არმიას დონბასში. მოსკოვმა თავისი ეკონომიკა სამხედრო რელსებზე გადაიყვანა და ეროვნული შემოსავლების 40% სამხედრო სფეროში ხარჯავს, აწარმოებს განუზომელი რაოდენობის საბრძოლო მასალებს - დაბალხარისხიანს, მაგრამ იმ იმედით, რომ უკრაინის თავდაცვას მაინც გაარღვევს.

პოლონეთი და ბალტიის ქვეყნები დარწმუნებულნი არიან, რომ როგორც კი ვლადიმერ პუტინი უკრაინაში თავის მიზანს მიაღწევს, რუსეთის არმია ძალებს აღიდგენს და ამჯერად მათ შეუტევს - სავარაუდოდ, სამი წლის შემდეგ. მათი იმედი ძირითადად უკავშირდება ნატოს ხელშეკრულების (წესდების) მე-5 პუნქტს, რომლის თანახმად, ალიანსის წევრი ნებისმიერ ქვეყანაზე თავდასხმა მთლიანად ბლოკზე თავდასხმად განიხილება.

სხვა სიტყვებით რომ ვთქვათ, თუ მოსკოვი თავის ტანკებს ალიანსის წევრი ქვეყნისაკენ - ესტონეთისაკენ მიმართავს და მის ტერიტორიაზე შეიჭრება, კრემლის ასეთი მოქმედება  ნატოს მხრიდან მასირებულ პასუხს გამოიწვევს, რაც, პოტენციურად, პლანეტას მესამე მსოფლიო ომამდე მიიყვანს.

თუ დონალდ ტრამპი აშშ-ის პრეზიდენტი გახდება, რწმენა იმისა, რომ ნატო (ანუ აშშ - მისი ყველაზე ძლიერი წევრი) მართლაც გასცემს პასუხს რუსეთს, შესუსტდება (შესაბამისად, მესამე მსოფლიო ომის დაწყების ალბათობა მცირე იქნება). მაგრამ სწორედ ამაში გამოიხატება ექს-პრეზიდენტის განცხადების სახიფათო ხასიათი: თუ პოტენციურ აგრესორებს, თუნდაც ვლადიმერ პუტინს ევროპაში და სი ძინპინს - სამხრეთ-აღმოსავლეთ აზიაში, ეჭვი შეეპარებათ აშშ-ის სიმტკიცეში და მის უნარში - დაიცვას ნატოელი მოკავშირეები, დონალ ტრამპი თავისი მოქმედებით ძალიან რისკავს, რომ მასშტაბურ შეცდომას უშვებს.

მაგალითისათვის შორს წასვლა არ გვჭირდება: ორი წლის წინ რუსეთის დაზვერვამ ვლადიმერ პუტინს მოახსენა, რომ თუ მოსკოვის ჯარი უკრაინაში შეიჭრება, დასავლეთს შეეშინდება და ვერაფერს გააკეთებსო. კრემლი შეცდა შეფასებაში და კატასტროფული ომი დაიწყო.

წყარო: https://www.bbc.com/news/world-us-canada-68269354

ბიზნესი
თიბისის ბიზნეს დაჯილდოება 2023-ის, ნომინაცია - „გამორჩეული როლისთვის რეგიონის განვითარებაში“, ფინალისტები

თიბისიმ ბიზნესდაჯოლდოების პროექტის 2023 წლის ფინალისტები გამოავლინა!

გთავაზობთ ნომინაცია გამორჩეული როლისთვის რეგიონის განვითარებაში ფინალში გასულ 3 კომპანიას.

მწვანილისა და ბოსტნეულის მწარმოებელი კომპანია „ჰერბია“ 2006 წელს, მას შემდეგ დაფუძნდა, რაც რუსეთმა ქართულ პროდუქციას ემბარგო გამოუცხადა და შედეგად, ალტერნატიული ბაზრის მოძიება გახდა საჭირო. კომპანიამ მიზნად დაისახა 5000 ფერმერის კონსოლიდაცია და მათ მიერ წარმოებული პროდუქტის ევროპისთვის შეთავაზება. ევროპული ბაზარი მალევე დაინტერესდა ქიმიური საშუალებების გარეშე მოყვანილი, მაღალი ხარისხის მწვანილეულით, თუმცა დამფუძნებლები მიხვდნენ, რომ მათ მოთხოვნას - დიდი რაოდენობით პროდუქციის უწყვეტ მიწოებას კომპანია იმ ეტაპზე ვერ დააკმაყოფილებდა, ამიტომ გადაწყვიტეს, ჯერ ქართულ ბაზარზე დამკვიდრება.

Global Gap, HACCP და GEO Gap-ის სერთიფიკატების მოპოვების პარალელურად, „ჰერბიამ“ ქართული ბაზრის ათვისება დაიწყო და მალევე გახდა უმაღლესი ხარისხის სათბურში მოყვანილი მწვანილის და ბოსტნეულის ერთ-ერთი წამყვანი მწარმოებელი და პირველი კომპანიაა საქართველოში, რომელმაც დაიწყო პროდუქციის დაფასოება. 

დღეისათვის ჰერბიას სათბურები წყალტუბოში 10 ჰექტარზეა გაშენებული. კომპანიას მოწყობილი აქვს საწყობი-მაცივარი და დასაფასოებელი საწარმო, რომლებიც აღჭურვილია თანამედროვე ტექნიკითა და საწარმოო ხაზებით. ყველა პროდუქტი, რომელიც ჰერბიას სავაჭრო ნიშნით იწარმოება, შეესაბამება სურსათის უვნებლობის საერთაშორისო სტანდარტებს და გარემოსდაცვით მოთხოვნებს. ჰერბია უკვე 17 წელია ოპერირებს ადგილობრივ ბაზარზე, ამ პერიოდის მანძილზე კომპანიამ გაიჩინა ძალიან ბევრი პარტნიორი, მათ შორის არიან 5000-ზე მეტი ადგილობრივი ფერმერი. დაფუძვნების დღიდან ჰერბია ინოვატორია ახალი ტექნოლოგიების და კულტურების დანერგვაში, რომელიც შემდეგ გავრცელდა მთელი რეგიონის და არამარტო რეგიონის მასშტაბით მაგალითად: კომპანია პირველი იყო რომელმაც ააშენა გვირაბის ტიპის სათბური და აღჭურვა თანამედროვე საირიგაციო სისტემებით, ქვეყანაში გაავრცელა ისეთი კულტურები როგორიც არის რუკოლა, როზმარინი, ჩაივსი, პომიდორი ჩერი, სალათის სხვადასხვა ჯიშები და ა.შ.

„ჰერბია“ საქართველოს მასშტაბით 1000-ზე მეტ ობიექტზეა წარმოდგენილი, მათ შორის ისეთ ქსელურ მარკეტებში, როგორიცაა „ორი ნაბიჯი“, „კარფური“ „გუდვილი“, „ნიკორა“, „ფრესკო“ და სხვა.

„იმერეთის რეგინონში ჩვენ ერთ-ერთი მსხვილი დამსაქმებელი ვართ. ვთანამშრომლობთ 5000-ზე მეტ ადგილობრივ ფერმერთან. ნახევარ მილიონზე მეტ მომხმარებელს ვემსახურებით და მუდმივად ვცდილობთ ასორტიმენტის გაზრდას, ასვეე ვმუშაობთ იმაზე, რომ ბავშვთა კვებაშიც იყოს გამოყენებული ჩვნი პროდუქცია. ბიზნესდაჯილდოება გვეხმარება იმაში, რომ კიდევ უფრო კარგად გავაცნოთ მომხმარებელს ჩვენი პროდუქტი და ასევე ჩვენი პარტნიორი ფერმერები, რომლებიც მუშაობენ სფეროსა და რეგიონის განვითარებისთვის.“ - ამბობს „ჰერბიას“დამფუძნებელი დირექტორი, ზურაბ ჯანელიძე.

სამთო სასტუმრო „ალტიჰათი“ ყაზბეგში, ზღვის დონიდა 3014 მეტრზე მდებარეობს და დიდი წვლილი შეაქვს ალპურ ზონაში რეკრეაციული ტურიზმის განვითარებაში - ქმნის ახალ შესაძლებლობს მაღალ-მხარჯველი ტურიზმის სფეროში, ავითარებს ინფრასტრუქტურას, ქმნის და აუმჯობესებს უსაფრთხოების ნორმებს ალპურ ზონაში. 2018 კომპანიის ინიციატივით ტერიტორია სრულად დაიფარა სატელეფონი კავშირით, რამაც შესაძლებელია გახადა მინიმუმ 10 ადამიანის სიცოცხლის გადარჩენა. 

ალტიჰათის მთავარი მისია ნარჩენების მართვის სისტემის შექმნაა, რაც გაზრდილი ტურიზმის გამოწვევაა ნებისმიერ ქვეყანაში, ამ მიმართულებით მოხდა სისტემური მიდგომის დანერგვა ალპურ სიმაღლეზე. ახალი ტურისტული და სათავგადასავლო მიმართულების განვითარების წყალობით, 2018 წლიდან მნიშვნელოვნად გაიზარდა birdwatching, heli-biking ვიზიტორების რაოდენობა, სკი-ტურინგი და ახალი საფეხმავლო მარშრუტები ამ მიმართულებით, ადგილობრივი მოსახლეობისათვის შეიქმნა ახალი შესაძლებლობები და წლის აქამდე არააქტიურ სეზონზე დასაქმების პერსპექტივები.

2022 წლიდან ალტიჰათმა სტრატეგიული თანამშრომლობის მემორანდუმი და მოგვიანებით სრულყოფილი პარტნიორობა დაიწყო შვეიცარულ ულტრა "ლაქშერი" ბრენდ ბალისთან, შესაბამისად ბალისთან ერთად 2024 წელს დაგეგმილია სრულიად ახალი, თანამედროვე სამთო სამაშველო ქოხის პროექტის მშენებლობა ზღვის დონიდან 3700 მეტრ სიმაღლეზე, რაც კიდევ უფრო გააუმჯობესებს სათავგადასავლო ტურიზმის პოტენციალს ჩვენს ქვეყანაში და ადგილობრივ თემს მისცემს საშუალებას მნიშვნელოვნად გაზარდონ მათი ბიზნეს შესაძლებლობები.

„საქართველოს ფარგლებს გარეთ უკვე ბევრმა იცის ამ პროექტის შესახებ, თუმცა საქართველოში ცნობადობა დაბალია.   ბიზნესდაჯილდოება  გვაძლევს საშუალებას, რომ ქართულ საზოგადოებასაც გავაცნოთ ეს ჩვენი „ახირება“ - აბსულუტურად კერძო ინიციატივა, რომელიც სინამდვილეში უმნიშვნელოვანესი ინიციატივაა სფეროსა და რეგიონის განვითარების თვალსაზრისით. დიდი პასუხისმგებლობა გვაქვს აღებული და არასდროს გვრჩება რესურსი იმისთვის, რომ მარკეტინგული კამპანია ვაწარმოოთ. მარკეტინგული სტრატეგიის კლასიკური დოქტრინული გეგმის შექმნა კი აუცილებელია რომ საერთაშორისო პარტნიორებთან მეტნაკლკებად ინსტიტუციურად თანაბარი პირობებით ვიყოთ წარმოდგენილი და ისინიც კარგად ხედავდნენ ადვოკატირების ეფექტებს, ჩვენი საქმიანობის გრძელვადიან გეგმას და ხედვას.ბიზნესდაჯილდოებაში გამარჯვება სწორედ ამ მიმართულების გაძლიერებაში დაგვეხმარება.“ - ამბობს „ალტიჰატის“ მმართველი პარტნიორი, ნიკოლოზ ალავიძე.

ნომინაციის „გამორჩეული როლისთვის რეგიონის  განვითარებაში“ კიდევ ერთი ფინალისტია კომპანია „სვანიძის ზეთისხილი“. ქართული EXTRA VIRGIN ზეთისხილის ზეთის წარმოება ზეთისხილის საერთაშორისო საბჭოს ორგზის არჩეულ პრეზიდენტს, გიორგი სვანიძეს უკავშირდება. მისი ინიციატივით, 15 წლის წინ, საქართველოში დაიწყო პირველი ზეთისხილის ბაღების გაშენება და პრემიუმ კლასის ზეთისხილის პროდუქციის წარმოება. კომპანიის საქმიანობის უნიკალურობა მდგომარეობს ზეთისხილის კულტურის საქართველოში შემოტანასა და დანერგვაში. კახეთში, ტარიბანის ველებზე გაშენებული ზეთისხილით პრემიუმ ხარისხის ზეთისა და მარინადის პროდუქტების წარმოების გარდა, ამ წამოწყების მიზანი საქართველოს აგრარული სექტორის ხელშეწყობა და ქართველი ფერმერების გაძლიერება იყო. 

სვანიძის ზეთისხილის პროდუქცია მოიცავს 100%-ით ქართული, ნატურალური ზეთისხილის მარინადს და „extra virgin” ზეთს, რომელიც მხოლოდ ცივი დაწურვის შედეგად მიიღება, რის შედეგადაც ინარჩუნებს ბუნებრივ და სასარგებლო თვისებებს. 

მსოფლიოს კვლევების მიხედვით ზეთისხილის ზეთის ერთ-ერთი ყველაზე მნიშვნელოვანი სარგებელი გულ-სისხლძარღვთა სისტემაზე დადებითი გავლენაა. მონოუჯერი ცხიმების მაღალი შემცველობა მავნებელი ქოლესტერინის (LDL) დონის შემცირებას უწყობს ხელს, შედეგად კი გულის დაავადებებისა და ინსულტის რისკები საგრძნობლად მცირდება. ამასთან, მიიჩნევა, რომ ზეთისხილის ზეთში შემავალი ცხიმები და ანტიოქსიდანტები ტვინის ჯანმრთელობასა და მის კოგნიტიურ ფუნქციას უწყობენ ხელს.

„საქართველოში ყველას არ აქვს ინფორმაცია იმის შესახებ, რომ ჩვენს ქვეყანაში ზეთისხილია გაშენებული, ხარობს და მისგან ნატურალური პროდუქტები იწარმოება. ბიზნესდაჯილდოებაში მონაწილეობა საშუალებას გვაძლევს, მთელს საქართველოს მივაწვდინოთ ხმა, გავაცნოთ მომხმარებელს ჩვენი საქმიანობა და მისი შედეგები, რაც საქართველოში აგრარულ სექტორს და უშუალოდ ზეთისხილის კულტურის შემოტანასა და განვითარებას ეხება. ბიზნესდაჯილდოებაში გამარჯვების შემთხვევაში ჩვენი მთავარი მიზანი იქნება, თიბისის მხარდაჭერით აქტიური კომუნიკია დავიწყოთ მომხმარებლებთან, რათა მივცემთ საშუალება ქართველ საზოგადოებას, გამოიყენოს საქართველოში წარმოებული ნატურალური და სასარგებლო ზეთისხილი.“ - ამბობს კომპანია „სვანიძის ზეთისხილის“ მარკეტინგის ხელმძღვანელი, თეო მამულაშვილი.

ბიზნესდაჯილდოება თიბისის ბიზნესის მხარდაჭერის პროექტია, რომელიც უკვე მეშვიდედ იმართება და მასში მონაწილეობა 3000 - ზე მეტმა კომპანიამ მიიღო.

https://tbcbusiness.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.