,
აკადემიკოს ვახტანგ ბოჭორიშვილის კლინიკის გენერალური დირექტორი დავით გადელია სოციალურ ქსელში, ქვეყანაში კორონავირუსის გავრცელების საფრთხეზე და შესაბამისი უწყებების მზაობის შესახებ განცხადებას აკეთებს:
"ცხადია პრობლემა ისეთია, რომ დამატებით ნევროზულ სიტუაციას ქმნის ქვეყანაში. ადამიანებს აქვთ საკუთარი და ოჯახის წევრების ჯანმრთელობასთან დაკავშირებით შიში. ყველაფერს ამას ერთვის მთლიანად მსოფლიოში ამ საკითხთან ამტყდარი აჟიოტაჟი, რასაც ტალღური რეზონანსის ეფექტი აქვს ჩვენში...
ეს ყველაფერი გასაგებია, თუმცა ბევრად უფრო გადაჭარბებული, ვიდრე რეალური საფრთხეა. სიმართლე გითხრათ, ამ ეტაპზე ჯანმრთელობის დაცვის პრობლემებზე მეტად უფრო მტკივნეულია ეკონომიკურ-სოციალური პრობლემები. ძალიან ბევრი ოჯახი დარჩა ყოველდღიური სარჩოს გარეშე. მათ აუცილებლად დასჭირდებათ დახმარება.
რაც შეეხება მკურნალობას: - ავადმყოფთა რაოდენობის შესაბამისად ქვეყანას აქვს ა, ბ და გ გეგმა. ჯერჯერობით ა გეგმა მუშაობს. ბ გეგმა მოიცავს იმ ვარიანტს, როცა დადასტურებული ავადმყოფების რაოდენობა 400-450 მიაღწევს. კლინიკები მთლიანად მზადყოფნაშია ბ გეგმის შემთხვევაშიც. ძალიან მცირე შანსია, რომ ავადობამ უფრო მაღალ რიცხვს მიაღწიოს საქართველოში, თუმცა თუ პაციენტთა რაოდენობა აღნიშნულ რიცხვს მიუახლოვდება - ვიცით როგორ გადავეწყოთ გეგმა გ-ზე.
ძალიან დიდ სამუშაოს ასრულებენ დაავადების პროფილაქტიკისთვის არასამედიცინო სახელმწიფო სამსახურები. მაქსიმალურად ახერხებენ სოციალური დისტანცირების უზრუნველყოფას - ყოჩაღ მათ!
ასე რომ, სიფრთხილე ცხადია საჭიროა, მაქსიმალურად მოვერიდოთ ხალხმრავლობას, საჭიროების გარეშე ნუ გავალთ ქუჩაში, მაგრამ არანაირი ისტერიის და თვითგვემის საფუძვლები ნამდვილად არ გვაქვს!
ამ დაძაბულობის, მღელვარების ტემპერატურის აწევაში დიდ როლს თამაშობს სრულიად უსაგნო დავები ყველაფერზე! არ მინდა ჩამოვთვალო დავების შინაარსები - იმდენადაა აზრს მოკლებული (მათ შორის რელიგიურ საკითხებზე). ვერასდროს რომ ვერ შეთანხმდებიან ისეთმა ჯგუფებმა "მონახეს დრო" სადაოდ! დამშვიდდით. პატივი ეცით ყველა ადამიანის თავისუფლებას იმ მომენტამდე, სანამ ეს უკანასკნელი თქვენს უფლებებს (მათ შორის, ჯანმრთელობის ) არ დაემუქრება. ამ ჟამიანობისას დავზოგოთ ერთმანეთი, ისინი მაინც ნუ გამოვიდებთ თავს კოვზების ერთჯერადობაზე- მაინც რომ არ ვართ ამ პერიოდში ეკლესიაში მიმსვლელი.
დავით გადელია
აკადემიკოს ვახტანგ ბოჭორიშვილის კლინიკის გენერალური დირექტორი"
დონალდ ტრამპმა რუსეთსა და უკრაინას შორის „სამშვიდობო გეგმას“ მხარი დაუჭირა, - ინფორმაციას NBC News-ი აშშ-ის პრეზიდენტის ადმინისტრაციის მაღალჩინოსანზე დაყრდნობით ავრცელებს.
გამოცემის ცნობით, აშშ-ის პრეზიდენტმა, დონალდ ტრამპმა მხარი დაუჭირა რუსეთსა და უკრაინას შორის ომის დასრულების მიზნით შემუშავებულ 28-პუნქტიან „სამშვიდობო გეგმას“, რომელზეც ამერიკელი მაღალჩინოსნები რუსეთის პრეზიდენტის სპეციალურ წარმომადგენელთან, კირილ დმიტრიევთან და უკრაინელ ოფიციალურ პირებთან ბოლო რამდენიმე კვირის განმავლობაში ფარულად მუშაობდნენ.
როგორც გამოცემა წერს, აშშ-ის მხრიდან გეგმაზე პრეზიდენტის სპეციალური წარმომადგენელი სტივ უიტკოფი, ვიცე-პრეზიდენტი ჯეი დი ვენსი, სახელმწიფო მდივანი მარკო რუბიო და დონალდ ტრამპის სიძე ჯარედ კუშნერი მუშაობდნენ.
„გეგმა მდგრადი მშვიდობის მიღწევის მიზნით ორივე მხარისთვის უსაფრთხოების გარანტიებს ითვალისწინებს. გეგმა იმას შეიცავს, რაც უკრაინას სურს და მდგრადი მშვიდობისთვის სჭირდება“, - განუცხადა გამოცემას ამერიკელმა მაღალჩინოსანმა.
ამერიკელმა ოფიციალურმა პირმა გამოცემასთან გეგმის დეტალებზე არ ისაუბრა და აღნიშნა, რომ პროცესში ჩართულ მხარეებთან გეგმასთან დაკავშირებით მოლაპარაკებები ჯერ კიდევ აუცილებელია.
ამასთან, გამოცემის ინფორმაციით, გეგმის ჩარჩო უკრაინულ მხარეს უნდა წარუდგინონ და პროექტის შესახებ საბოლოო შეთანხმების ვადა უკრაინაში პენტაგონის დელეგაციის ვიზიტს ემთხვევა.
გამოცემის წყაროს თქმით, უკრაინაში პენტაგონის დელეგაციის ვიზიტი „სამშვიდობო მოლაპარაკებების განახლების“ მიზნით თეთრი სახლის გეგმის ნაწილია.
