,
თეთრი კვადრატის და BK Holding-ის მმართველი პარტნიორის ირაკლი ბურდილაძის თქმით, უძრავ ქონებაზე ფასები ზრდას გააგრძელებს, თუმცა მასშტაბი ისეთივე დიდი არ იქნება, როგორც ეს გასულ წლებში მოხდა.
ბურდილაძემ „საქმიანი დილის“ ეთერში განაცხადა, რომ რაოდენობრივი კლების მიუხედავად, ინდუსტრიაში ვითარება ჯანსაღია და ის თანხობრივად იზრდება.
„ზრდის ტემპი არ იქნება ისეთი როგორიც იყო 2024-ში, 2023-ში და 2022-ში, მაგრამ ეს არ ნიშნავს რომ არ იქნება, ზრდის ტემპი შემცირდება, რაც ბუნებრივია. წინა წლებში ეგზოგენური ზრდა იყო, რაც ერთჯერადმა ფაქტორებმა გამოიწვიეს. ეს იყო მიგარნტების შემოსვლა, რომლებმაც გაზარდეს მოთხოვნა საიჯარო ბინებზე და საჯარო მოთხოვნის ზრდამ გამოიწვია ამ ქონების მიმზიდველობის გაზრდა ინვესტორებისთვის. ეგზოგენური ფაქტორები დღეს აღარ გვაქვს, რის გამოც ზოგი კითხულობს „რა გვეშველება?“ საქართველოში ეკონომიკური ზრდა არის საკმაოდ მაღალი, იანვარში იყო 11%, ეს ითარგმნება შინამეურნეობების შემოსავლების ზრდაში და როდესაც შემოსავალი იზრდება, პირველ რიგში იუმჯობესებს საცხოვრებელ გარემოს.
ამიტომ მე ვერ ვხედავ რისკებს, არ ვიცი რომელ ფენაშია გაუარესებული მოლოდინები. ჩვენ და ჩვენი პარტნიორი კომპანია $100 მლნ-ზე მეტის ინვესტიციას ვაპირებთ ერთ კონკრეტულ პროექტში და მაგის მიღმა კიდევ 8 პროექტი გვაქვს. ამის გარდა 2 ახალი პროექტის დაწყებას ვაპირებთ წელს“, - განაცხადა ბურდილაძემ.
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
