ბილ გეითსი დიდი რაოდენობით თანხების გამოყოფას აპირებს, რათა გაგრძელდეს კორონავირუსისი საწინააღმდეგო ვაქცინის 7 ყველაზე დამაიმედებელ კანდიდატზე მუშაობა. იგი აღნიშნული გეგმისთვის ფულის დაზოგვას არ აპირებს, თუნდაც ამ საქმეში მის მიერ ჩადებული მილიარდობით დოლარი ფუჭად გახარჯული აღმოჩნდეს.

ამერიკელმა მილიარდერმა მედიასთან საუბარში აღნიშნა, რომ მის ფილანტროპისტ კომპანიას “GATES FOUNDATION”-ს შეუძლია მთავრობისგან განსხვავებით კორონავირუსთან გამკლავების რესურსების უფრო სწრაფი მობილიზება.

„იქიდან გამომდინარე, რომ ჩვენს საქველმოქმედო ფონდს გააჩნია დიდი გამოცდილება ინფექციურ დაავადებების საკითხში, ჩვენ ვიფიქრეთ ეპიდემიაზე, ჩვენ დავაფინანსეთ ვაქცინის შემუშავება და ბუნებრივია, რომ გამოყოფილი ადრეული ინვესტიცია აღნიშნულ პროცესს საგრძნობლად დააჩქარებს".

გეითსით თქმით, მისი გუნდი განიხილავს ვაქცინის შვიდ ვარიანტს, რომლის განსავითარებლად წარმოების გაძლიერებას გეგმავს. „მიუხედავად იმისა, რომ საბოლოოდ მხოლოდ ორ ვაქცინას მივიღებთ, ჩვენ ვაპირებთ წარმოებისა და კვლევების დაფინანსების გაგრძელევას შვიდივე მათგანზე და არ ვაპირებთ დროის გაფლანგვას იმაზე რომ დაველოდოთ დასკვნებს როდესაც დადასტურდება, თუ რომელი ვაქცინაა უშუალოდ ყველაზე პროდუქტიული ვირუსთან ბრძოლაში“ - განაცხადა ბილ გეითსმა.

მაიკროსოფტის დამაარსებელმა აღნიშნა, რომ აუცილებელია ერთდროულად ვაქცინის ტესტირება და წარმოების სიმძლავრეების გაზრდა, რაც ხელს შეუწყობს ანტივირუსული საპრევენციო პრეპარატის დროულად მიღებას. მისი თქმით, ვაქცინის სავარაუდო მიღების დრო 18 თვეს შეადგენს.

შეგახსენებთ, რომ ბილ გეითსმა კორონავირუსთან ბრძოლაში 100 მილიონი დოლარი უკვე გაიღო.