დონალდ ტრამპის გაპრეზიდენტებით დაწყებული აღმასვლის ტენდენცია ისევ გრძელდება - ამერიკულმა საფონდო ბირჟამ ახალ რეკორდულ ნიშნულს მიაღწია, კერძოდ, ძირითადი ინდექსის, S&P 500-ის მაჩვენებელმა 6,130 პუნქტს მიაღწია, რაც ისტორიული მაქსიმუმია.

ტრამპის არჩევის ფონზე, მსხვილი ამერიკული კომპანიების საერთო კაპიტალიზაცია რამდენიმე ტრილიონი დოლარით გაიზარდა, რაც იმ ფაქტითაა განპირობებული, რომ ტრამპი, როგორც მანჰეტენელი ბიზნესმენი, კორპორაციული სექტორის და უოლ-სტრიტის მხარდამჭერია.

მისი საარჩევნო დაპირება გადასახადების შემცირება, რეგულაციების შემსუბუქება და სატარიფო გეგმის ეროვნულ წარმოებაზე მორგებაა, რაც ამერიკული კომპანიებისთვის სარგებლის მომტანი იქნება.

გარდა ამისა, ტრამპის ეფექტმა რეკორდულად ზრდის საშუალება მისცა ოქროსაც, რომლის ღირებულებამ უნციაზე 2,950 დოლარს მიაღწია, რაც ასევე ისტორიული მაქსიმუმია.

წყარო:bm.ge