,
ჩინეთის საგარეო საქმეთა სამინისტროს ოფიციალურმა წარმომადგენელმა, ჩჟაო ლიცზიანმა განაცხადა, რომ აშშ-ის მიერ პეკინის ზამთრის ოლიმპიადის დიპლომატიური ბოიკოტის საპასუხოდ, ჩინეთი კონტრზომებს მიიღებს.
„აშშ-ის ქმედებები სერიოზულად არღვევს ოლიმპიური ქარტიით დაწესებული ფიზკულტურისა და სპორტის პოლიტიკური ნეიტრალიტეტის პრინციპს. ჩინეთი მტკიცე პროტესტს გამოთქვამს და კონტრზომებს მიიღებს“, - აღნიშნა ჩინეთის საგარეო უწყების ოფიციალურმა წარმომადგენელმა.
ჩინეთის საგარეო საქმეთა სამინისტროში ასევე განაცხადეს, რომ აშშ-მა სპორტის პოლიტიზირება უნდა შეწყვიტოს და დაბრკოლებები არ უნდა შეუქმნას პეკინში ოლიმპიადის ჩატარებას, წინააღმდეგ შემთხვევაში, ეს ზიანს მიაყენებს ვაშინგტონის პეკინთან ურთიერთობებს.
ამერიკის შეერთებული შტატების ხელისუფლების გადაწყვეტილებით, ქვეყანა პეკინის 2022 წლის ზამთრის ოლიმპიურ თამაშებს დიპლომატიურ ბოიკოტს გამოუცხადებს და ჩინეთში მთავრობის არც ერთ წარმომადგენელს არ გაგზავნის.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
