სპორტის სამინისტროს მხარდაჭერით აფროსნობაში თბილისის ღია პირველობა გაიმართა
საქართველოს კულტურისა და სპორტის სამინისტროსა და თბილისის მერიის განათლების, კულტურის, სპორტისა და ახალგაზრდულ საქმეთა საქალაქო სამსახურის მხარდაჭერით, 7-9 ივნისს გაიმართა თბილისის ღია პირველობა აფროსნობაში. ტურნირი თბილისის ზღვაზე, თბილისის საიალქნო კლუბის ტერიტორიაზე მოეწყო და მასში მონაწილეობა მიიღეს თბილისისა და ფოთის საიალქნო კლუბების სპორტსმენებმა და სომხეთიდან მოწვეული სტუმრებმა.
სპორტული ღონისძიება გაიმართა აფრიანი ნავების ორ კლასში: ოპტიმისტის საერთაშორისო და ლაზერის ოლიმპიურ კლასებში.
შეჯიბრებას საქართველოს კულტურისა და სპორტის სამინისტროს სპორტის დეპარტამენტის უფროსი ალექსანდრე მაისურაძე, საქართველოს აფროსნობის ფედერაციის პრეზიდენტი დევი ქიტუაშვილი, ვეტერანი აფროსანი გურამ ბიგანიშვილი ესწრებოდნენ. ალექსანდრე მაისურაძემ გამარჯვებული სპორტსმენები დააჯილდოვა.
ტურნირის შედეგები ასეთია:
ილკა 6 (ჭაბუკები/გოგონები):
I ადგილი - ნიკოლოზ თათარიშვილი;
II ადგილი - მარი წამალაშვილი;
||| ადგილი - ალექსანდრე ქიტუაშვილი.
ილკა 6 (გოგონები):
| ადგილი - მარი წამალაშვილი;
|| ადგილი - ნარე სუკიასიანი.
ოპტიმისტი:
| ადგილი - ნიკოლოზ ყაზარაშვილი;
|| ადგილი - დემეტრე დანელია;
||| ადგილი - ალენ სუკიასიანი.
ოპტიმისტი (გოგონები):
| ადგილი - ანასტასია თათარიშვილი;
|| ადგილი - მარიამ ბროკიშვილი;
||| ადგილი - ვიქტორია პროგრებნიაკი.
ოპტიმისტი (ჯუნიორები):
| ადგილი - გიორგი გრიგოლია;
|| ადგილი - ემილია ჯაიანი;
||| ადგილი - ვიქტორია პოგრებნიაკი.
2023 წელს საქართველოს კულტურისა და სპორტის სამინისტრომ აფროსნობის ფედერაციას ოლიმპიური კლასის (ILCA) ხუთი ახალი ნავი გადასცა.
სამინისტრომ ბრიტანული კომპანიისგან (OVINGTON) ნავების შესაძენად, მათი ტრანსპორტირებისა და განბაჟებისთვის ფედერაციას 93 234,42 ლარი გამოუყო. აღსანიშნავია, რომ სპორტსმენებმა თბილისის ღია პირველობაზე სწორედ ამ ნავებით იასპარეზეს.
შეჯიბრება საქართველოს აფროსნობის ფედერაციისა და თბილისის აფროსანთა კავშირის ორგანიზებით მოეწყო.
