USD 2.6797
EUR 2.8812
RUB 2.9138
Tbilisi
TOP-5 დეველოპერი ფართობის მიხედვით, რომლებმაც თებერვალში მშენებლობის ნებართვები მიიღეს
Date:  270

2024 წლის იანვარ-თებერვალში თბილისში სამშენებლო ნებართვა 222 000 მ²-ის ფართობზე აშენებაზე გაიცა.

თიბისი კაპიტალის მიერ გამოქვეყნებული თბილისის საცხოვრებელი უძრავი ქონების თებერვლის მიმოხილვის მიხედვით, ამ პერიოდის განმავლობაში ნებართვა მიღებული ასაშენებელი ფართის მოცულობა წლიურად 59%-ით გაიზარდა.

მიმოხილვაში ნებართვა მიღებული საერთო ფართობის მიხედვით TOP-5 პროექტის რეიტინგიც არის წარმოდგენილი. ესენია:

  • შპს ელთ დეველოპმენტი, რომელიც მრავალბინიან საცხოვრებელ სახლს ისანში აშენებს და მის პროექტში 30.2 ათასი მ²-ის ფართობი საცხოვრებელია, 2 ათასი მ² - კომერციული ფართია, 26.7 ათასი მ² კი სხვა ტიპის ფართია.
  • შპს მატიანი ბიოგრაფისგან მრავალბინიანი საცხოვრებელი სახლს დიდუბეში, წერეთლის გამზირზე შენდება. პროექტში 18.6 ათასი მ² საცხოვრებელია, 6.4 ათასი მ² კომერციული, 23.7 ათასი მ² კი სხვა ფუნქციის;
  • შპს დიდი დიღომი რეზიდენსი, მრავალბინიანი საცხოვრებელი სახლი, დიდი დიღომი. ამ პროექტში 16 ათასი მ² საცხოვრებელია, 11.3 ათასი მ² კი სხვა დანიშნულების;
  • შპს გრინ პარკ დეველოპმენტი მრავალბინიანი საცხოვრებელ სახლს დიდ დიღომში ააშენებს, სადაც საცხოვრებელი ფართობი 5.7 ათასი მ²-ია, 4.5 ათასი მ² კი სხვა დანიშნულების;
  • შპს უნ 1 მრავალბინიანი საცხოვრებელი სახლს ვაკეში ააშენებს, სადაც 7.5 ათასი მ² საცხოვრებელი ფართობია, 2.2 ათასი კი სხვა ტიპის.

წყარო:https://bm.ge/

sport
ქართველმა მილიარდერმა, მიხეილ ლომთაძემ, ინგლისური საფეხბურთო კლუბი იყიდა

ქართველმა მილიარდერმა, მიხეილ ლომთაძემ, ინგლისური პროფესიული კლუბის Wycombe Wanderers-ს აქციების 90% იყიდა. ამის შესახებ კლუბის ვებგვერდზე გამოქვეყნებულ განცხადებაშია ნათქვამი.

პრესრელიზის მიხედვით, შპს Feliciana EFL-მა საკუთარ მფლობელობაში არსებული აქციების 90% მიხეილ ლომთაძის მფლობელობაში მყოფ Blue Ocean Partners II Limited-ს მიჰყიდა. შედეგად, ლომთაძე გახდა კლუბის დირექტორთა საბჭოს წევრიც. (დირექტორთა საბჭოს ორ ახალ წევრთან - ედუარდ ვიშნიაკოვთან და დანიელ რაისთან ერთად).

ქართველმა მილიარდერმა, კლუბის და გულშემატკივრებისთვის მიწერილ გზავნილში თქვა, რომ ის მსუბუქად არ მოეკიდება აღებულ პასუხისმგებლობას გულშემატკივრების, პერსონალისა და ფეხბურთელების წინაშე.

„ჩვენი მიზანია მივაღწიოთ გრძელვადიან წარმატებებს როგორც მოედანზე, ისე მის ფარგლებს გარეთ ფინანსურად მდგრადი კლუბის აშენებით“, - განაცხადა ლომთაძემ.

1887 წელს დაარსბული Wycombe Wanderers ბუკინგემშირში სამხრეთ-აღმოსავლეთ ინგლისში მდებარეობს.

მიხეილ ლომთაძე არის Kaspi.kz-ის სამი ძირითადი აქციონერიდან ერთ-ერთი. 2024 წლის 1 აპრილის მდგომარეობით იგი ფლობდა ყაზახური ფინტექს კომპანიის საერთო აქციების 22,6%-ს. 2022 წელს მან მეშვიდე ადგილი დაიკავა ყაზახეთის 50 ყველაზე გავლენიანი ბიზნესმენის რეიტინგში.

ლომთაძე ბიძინა ივანიშვილის შემდეგ რიგით მეორე ქართველი მილიარდერია, რომელიც forbes-ის შეფასებით ივანიშვილზე მდიდარია, ხოლო Bloomberg-ის ცნობით, ივანიშვილზე 700 მლნ-ით ნაკლები ქონება აქვს.

See all
Survey
ვინ გაიმარჯვებს რუსეთ - უკრაინის ომში?
Vote
By the way