,
„თეგეტა ჰოლდინგის“ მსუბუქი ავტომობილების მიმართულებამ 2025 წელი ისტორიული მაჩვენებლებით დახურა. როგორც „ბიზნესის კვირეულში“ გიორგი ისაკაძესთან სტუმრობისას მიმართულების მთავარმა ოფიცერმა, პეტრე წაქაძემ განაცხადა, კომპანიამ წლის განმავლობაში 5 000 ერთეულზე მეტი ახალი ავტომობილი გაყიდა.
წაქაძის განმარტებით, ეს რიცხვი მთლიანი ბაზრის მასშტაბით უპრეცედენტოა, რადგან რამდენიმე წლის წინ მსგავსი მაჩვენებელი მთელი საქართველოს ახალი ავტომობილების ბაზრის ჯამურ გაყიდვებს უტოლდებოდა.
„2025 წელი ჩვენთვის მეტად წარმატებული და რეკორდული აღმოჩნდა. პრინციპში, უკვე ტრადიციად დავამკვიდრეთ ყოველი მომდევნო წლის რეკორდული მაჩვენებლებით დასრულება. გასული წელი გაყიდვების რაოდენობრივი ზრდის თვალსაზრისით გამორჩეული იყო. ჩვენს პორტფელში არსებული რვა ბრენდის ფარგლებში 5 000-ზე მეტი ახალი ავტომობილი გავყიდეთ. შედარებისთვის რომ ვთქვათ, 2018-2019 წლებში 5 000 ერთეული მთლიანი საქართველოს ბაზრის ახალი ავტომობილების წლიური გაყიდვების მაჩვენებელი იყო, ახლა კი ამ შედეგს მხოლოდ „თეგეტა ქარსმა“ მიაღწია.
ბაზარი საგრძნობლად გაიზარდა. 2024 წელთან შედარებით, დაახლოებით 1 000 ერთეულით მეტი ავტომობილი გავყიდეთ. ამ შედეგში მთავარი კონტრიბუტორი Toyota-ა, რომელსაც რეალიზაციის 40-45% უჭირავს. მას მყარი პოზიციებით მოსდევენ Mazda, Porsche, Volvo და სხვა ბრენდები.
ჩვენთვის პრიორიტეტული მხოლოდ ავტომობილების რეალიზაცია არ არის. უმნიშვნელოვანესია სერვისების განვითარება, რაც მომხმარებელთან ურთიერთობის სრულ ჯაჭვს ქმნის. ჩვენი პარტნიორობა ახალი მანქანის გაყიდვით არ სრულდება. ეს არის ავტომობილის სასიცოცხლო ციკლის მართვა, რაც გულისხმობს გარკვეული პერიოდის შემდეგ მის ჩანაცვლებას Trade-in პროგრამით და მეორადი ავტომობილის ხელმეორედ რეალიზაციას. მაგალითად, Toyota-ს შემთხვევაში, ეს ჯაჭვი 10-წლიან პერიოდს მოიცავს. მიგვაჩნია, რომ მდგრადი ბიზნესის ერთ-ერთი მთავარი საწინდარი სწორედ გაყიდვების შემდგომ სერვისებზე აქცენტირება და ამ მიმართულების კიდევ უფრო გაძლიერებაა", - განაცხადა წაქაძემ.
მისივე თქმით, 2025 წელი სუპერქარების ბაზარზე შესვლით იყო გამორჩეული. პორტფელს დაემატა იტალიური Lamborghini და ბრიტანული Bentley.
პეტრე წაქაძის თქმით, 2026 წლის სტრატეგიული მიმართულება ფლიტ მენეჯმენტი იქნება. კომპანიის მიზანია ბიზნესსექტორი „ფლობიდან მოხმარებაზე“ გადაიყვანოს, რაც საოპერაციო ხარჯების ოპტიმიზაციას გულისხმობს.
წყარო:https://bm.ge/
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
