,
2025 წლის 11 თვეში საქართველოში მოქმედმა კომერციულმა ბანკებმა 2.98 მილიარდი ლარის მოგება გამოიმუშავეს, რაც წინა წლის ანალოგიურ პერიოდთან შედარებით 126 მილიონი ლარით, ანუ 4%-ით მეტია.
ბანკებს შორის მოგებით პირველ ადგილზე კვლავ "საქართველოს ბანკია", რაც 2025 წლის 11 თვეში 1.5 მილიარდ ლარს შეადგენდა, ეს თანხა წლიურად 7%-ით არის გაზრდილი. მეორე ადგილს "თიბისი ბანკი" იკავებს 1.1 მილიარდი ლარით, რაც წლიურად 3%-ით არის გაზრდილი. მესამე პოზიციაზე კვლავინდებურად "ლიბერთი ბანკია" 115 მილიონი ლარით, რაც წინა წელთან შედარებით 12%-ით გაზრდილი მოგების მაჩვენებელია. ასევე მაღალი მოგება აქვს "ბაზის ბანკს", 100 მილიონი ლარის ოდენობით, რაც წლიურად 40%-ით არის გაზრდილი. "კრედო ბანკის" მოგება კი 81 მილიონი ლარი იყო, რაც ასევე 40%-ით არის გაზრდილი. "ქართუ ბანკის" მოგება 40 მილიონ ლარს შეადგენდა (წლიურად 6%-ის კლება), პროკრედიტ ბანკს კი 28 მლნ ლარის მოგება, რაც წლიურად ასევე 9%-ით არის შემცირებული.
რაც შეეხება მოგების მიხედვით სიის ბოლოში მყოფ ბანკებს, 4 კომერციული ბანკი ზარალზეა, მათ შორის ყველაზე დიდი - 54.8 მილიონი ლარის ზარალი აქვს "ვითიბი ბანკს", რომელსაც ოპერირება 2022 წლის თებერვალში დაწესებული სანქციებიდან გამომდინარე ფაქტობრივად შეჩერებული აქვს. ასევე დიდი ზომის - 22.6 მლნ ლარის ზარალი აქვს "სილქ ბანკს", ჰეშბანკის ზარალი კი 10 მილიონი ლარი იყო.
| # | ბანკი | წმინდა მოგება მლნ ლარი | ზრდა/კლება წინა წლის ანალოგიურ პერიოდთან |
| 1 | საქართველოს ბანკი | 1497 მლნ ლარი; | 7% |
| 2 | თი–ბი–სი ბანკი | 1113 მლნ ლარი; | 3% |
| 3 | ლიბერთი ბანკი | 115 მლნ ლარი; | 12% |
| 4 | ბაზის ბანკი | 100 მლნ ლარი; | 40% |
| 5 | კრედო ბანკი | 81 მლნ ლარი; | 40% |
| 6 | ქართუ ბანკი | 40 მლნ ლარი; | -6% |
| 7 | პროკრედიტ ბანკი | 28 მლნ ლარი; | -9% |
| 8 | ტერა ბანკი | 27 მლნ ლარი; | -7% |
| 9 | ხალიკ ბანკი | 18 მლნ ლარი; | 0% |
| 10 | მიკრობანკი კრისტალი | 15.2 მლნ ლარი; | ბანკი 2025 წლიდან ოპერირებს |
| 11 | იშ ბანკ | 13.9 მლნ ლარი; | 9% |
| 12 | ზირაათ ბანკი | 6.3 მლნ ლარი; | 16% |
| 13 | მიკრობანკი ემბისი | 6.3 მლნ ლარი; | ბანკი 2025 წლიდან ოპერირებს |
| 14 | პაშაბანკი | 1.5 მლნ ლარი; | -79% |
| 15 | პეივბანკი | 1.3 მლნ ლარი; | -255% |
| 16 | პეისერა | -1.3 მლნ ლარი; | ბანკი გასულ წელს 0.9 მლნ ლარის ზარალზე იყო |
| 17 | ჰეშბანკი | -9.8 მლნ ლარი; | ბანკი გასულ წელს 4.3 მლნ ლარის ზარალზე იყო |
| 18 | სილქ ბანკი | -22.6 მლნ ლარი; | ბანკი გასულ წელს 11 მლნ ლარის ზარალზე იყო |
| 19 | ვი–თი–ბი ბანკი | -54.8 მლნ ლარი | ბანკი გასულ წელს 11 მლნ ლარის ზარალზე იყო |
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
