,
უძრავი ქონების სააგენტოების ნაწილში აცხადებენ, რომ მომდევნო პერიოდში შესაძლოა, ბაზარზე გასაქირავებელი ბინების ნაწილში ჭარბი მიწოდება გაჩნდეს.
როგორც Sakura Properties-ის დამფუძნებელმა BMG-ის განუცხადა, გასულ პერიოდში მიგრანტების მხრიდან ქირაზე მკვეთრად გაზრდილი მოთხოვნის გამო, საინვესტიციოდ მშენებარე ბინების გაყიდვები მკვეთრად გაიზარდა. ვიქტორია საკუროვას თქმით, მიგრაციის ეფექტის მილევასთან ერთად კი არაა გამორიცხული, ბაზარზე მომდევნო წლებში ჭარბი გასაქირავებელი უძრავი ქონება გაჩნდეს, რაც თავის მხრივ, ქირის ფასსაც შეამცირებს.
„მიგრაციის დროს ძალიან ბევრმა ქართველმა მცირე და საშუალო ინვესტორმა მშენებარე პროექტებში დიდი რაოდენობით ინვესტიცია გააკეთა, ბევრი ბინა შეიძინეს გაქირავების მიზნით, რადგან მოლოდინი იყო, რომ მიგრაციის ეფექტი გაგრძელდებოდა. აქედან გამომდინარე, იმ წელს დეველოპერების მხრიდან 35%-ით გაიზარდა დამტკიცებული პროექტების რაოდენობა, რადგან საქართველოს მოქალაქეების მხრიდან მოთხოვნა ასე მკვეთრად იყო გაზრდილი. თუმცა, რეალურად ეს საინვესტიციო მოთხოვნა იყო.
რამდენიმე წელში, როდესაც ეს მშენებარე პროექტები დასრულდება, რომელიც 2-3 წლის წინ დაიწყო, დავინახავთ, რომ ბაზარზე ჭარბი გასაქირავებელი ბინები გამოვა. შემდეგ რა მოხდება არავინ იცის, თუმცა მოლოდინია, რომ ქირის ფასები აუცილებლად შემცირდება, რადგან მიწოდება მკვეთრად გაიზრდება. ფასების კლება იმ დონემდე არ მოხდება, როგორც ეს სამი წლის წინ იყო, თუმცა მაინც ველოდებით შემცირებას“, - განაცხადა ვიქტორია საკუროვამ.
ცნობისთვის, დეკემბერში თბილისში ქირის ფასი წლიურად 10%-ით შემცირდა და გასული წლის ბოლოს კვადრატულ მეტრზე 11 დოლარი შეადგინა. ქირა ნოემბერთან შედარებითაც გაიაფდა, ჯამში 3%-ით.
წყარო:https://bm.ge/
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
