2025 წლის პირველი კვარტალის მონაცემებით, ამერიკის შეერთებული შტატები საქართველოს ერთ-ერთი მსხვილი ინვესტორი ქვეყანაა, საიდანაც ამ პერიოდში ქვეყნის ეკონომიკაში 39.6 მლნ დოლარი ჩაიდო. ეს კი მთლიანი FDI-ის 22.1%-ია. ამგვარად, ინვესტორი ქვეყნების რეიტინგში აშშ, ჩეხეთის შემდეგ მეორე ადგილზეა.

ოფიციალური სტატისტიკის მიხედვით, იანვარ-მარტში ქვეყანაში აშშ-დან პირდაპირი ინვესტიციების შემოდინება წლიურად 19.2%-ით გაიზარდა.

უნდა აღინიშნოს, რომ საქართველოს ეკონომიკაში პირველ კვარტალში პირდაპირი უცხოური ინვესტიციების სახით 179.4 მლნ დოლარი ჩაიდო. აქედან 150 მლნ დოლარი, ანუ 83.6% რეინვესტირებული თანხა იყო, დანარჩენი 34.6% კი ანუ 62.1 მლნ დოლარი სააქციო კაპიტალი.

BM.GE-მ საქსტატიდან გამოითხოვა ინფორმაცია რომელ დარგებსა და კომპანიებში ჩაიდო აშშ-დან ინვესტიციები პირველ კვარტალში. მოწოდებული ინფორმაციის მიხედვით, ამერიკული FDI-ის თითქმის 90% ამ პერიოდში ინფორმაციისა და კომუნიკაციის დარგში განხორციელდა. ეკონომიკის სექტორების რეიტინგი კი ასეთია:

1. ICT - $34.7 მლნ;
2. განათლება - $1.9 მლნ;
3. უძრავი ქონების სექტორი - $1.6 მლნ;
4. პროფესიული, სამეცნიერო და ტექნიკური - $901 ათასი;
5. ტრანსპორტი და დასაწყობება - $804 ათასი;
6. ჯანდაცვა - $468 ათასი;
7. მშენებლობა - $292 ათასი;
8. საფინანსო და სადაზღვევო სექტორი - $48 ათასი;
9. სტუმარმასპინძლობა - $43 ათასი;

რაც შეეხება კომპანიებს, სადაც ამ პერიოდში ყველაზე მეტი ამერიკული პირდაპირი ინვესტიციების ჩაიდო, მათი TOP-10-ეული ასე გამოიყურება:

• World Vision International-ის ფილიალი საქართველოში;
• საერთაშორისო კვლევისა და გაცვლების საბჭოს თბილისის ფილიალი (IREX);
• შპს მაგთიკომი;
• მოგებაზე არაორიენტირებული კორპორაცია ფროჯექთ ჰარმონი-ს ფილიალი საქართველოში;
• შპს საქართველოს უნივერსიტეტი;
• საგარეო საკითხებისათვის მოქალაქეთა ქსელის ფილიალი-CNFA საქართველო;
• სან-დიეგოს სახელმწიფო უნივერსიტეტის ფონდის ფილიალი საქართველოში;
• შპს ვონდერნეტ ექსფრეს ინვესთმენთ გრუფი;
• შპს აი ჯი დეველოფმენტ ჯორჯია;
• შპს ეპამ სისტემს (ჯორჯია)

წყარო: https://bm.ge/